Terri Hooley qu’ei ua des figures mès importantes dera scena musicau punk e revival des annades 1970.
 
En tot considerar qu’era musica deth nòrd d’Irlanda non gaudie dera suficienta atencion ena rèsta deth Reiaume Unit, decidic daurir un sagèth discografic e botiga de discs aperat Good Vibrations. Eth sòn objectiu, mès que lucratiu, siguèc eth de dar a conèisher ua scena qu’ère en tot petar en Belfast e ar entorn.
 
Er espaci que Hooley bastic se convertic lèu en un santuari qu’actuaue d’oasi en miei deth climat de tension des Troubles des 70 on joeni catolics e protestants deishauen eth sectarisme entà traparse entre disqui de vinil.
 
Eth sagèth discografic, damb eth madeish nòm qu’era botiga, comencèc de produsir disqui a ua seguida de bandes de Belfast que serviren entà catapultar-les tà Londres e tà Euròpa.
 
Hooley siguèc descurbidor des bandes mès influentes dera scena irlandesa coma The Outcasts, The Undertones, Stiff Little Fingers, The Nerves o Rudi, e responsable de produsir disqui e singles que dempús endevierien imnes entara joenessa.
 

 

 

 

 

 

 

 

 

 

 
Mes sens dobte eth single mès important que gessèc d’aqueth petit estudi d’enregistrament siguèc “Teenage Kicks”, de uns joeni Undertones que tot just ere çò de prumèr qu’enregistraven.
 
Hooley envièc còpies deth single a diverses ràdios britaniques que non mostrèren guaire interès. Siguèc John Peel, que per alavetz ere ditgèi ena BBC Radio 1 qui presentèc eth single as anglesi en sòn programa. Un viatge finalizada era cançon, Peel demanèc as auditors se non ère aqueth eth melhor tèma qu’auien escotat jamès e tornèc a hèr-lo sonar.
 

 
 
Un mural en Belfast li rend aumenatge.
 
En aguest vidèo podem vèir a Hooley enes prumèrs segons parlant sus Rudi.
 

 
Recentament s’a hèt un film sus eth personatge ena que apareishen recreades bères des tantes bandes que Terri ajudèc a lançar.