Opinion
Lei colors dau fotbòl (1/2)
Lei colors d’una esquipa de fotbòl: es bensai çò que restaca mai un suportaire a son club. Mai coma foguèron causidas lei colors dei grandeis esquipas? Se vau sovent utilizar lo condicionau en aquesta croniqueta, es perque es complicat de faire la diferéncia entre la legenda e l’istòria vertadiera.
Per aqueste primier episòdi, s’interessam a Itàlia e, per començar, a un dei clubs mai emblematics dau país, la Juventus de Turin. Fins a la debuta dau sègle XX, la Juve jogava en roge, mai en comandant de camisetas nòvas au club de Notthingham Forest, lo fornidor anglés se seriá enganat e auriá mandat lei malhòts de l’autre club de Notthingham, Notts County, que jòga en blanc e negre. Pasmens lei menaires de la Juve aurián decidit de conservar l’esquipament qu’es encara lo meteis uei.
Au Torino, l’autre club de Turin, lo mai popular e lo vertadier per leis abitants de la vila, se jòga en granat. Aquela color foguèt causida en omenatge au mai vielh club de fotbòl dau Mond, lo Sheffield Football Club, creat en 1857. O ben es Alfredo Dick, lo fondador dau Torino, qu’a causit lo granat en omenatge a son club de còr, lo Servette de Genèva. A mens qu’aquela color foguèsse causida en onor dau duc deis Abruç que portava un mocador de color sang après la liberacion de Turin en 1706. Vesètz qu’es pas aisit de saber la vertat.
A la Lazio, club de la capitala Roma, fondat en 1900, foguèron inspirats per la renaissença dei Jòcs Olimpics e an donc causit lei colors blau e blanc dau drapèu de Grècia amb l’aigla imperiala coma simbòl.
Per seguir aquela virada italiana, en Toscana, la Fiorentina a pas totjorn jogat en violet. A l’origina èra vestida de roge e blanc mai, en 1929, de flors de lavanda presentas per error dins la bugada aurián descolorat lei malhòts de l’esquipa. Aquò es la legenda que lo club a ben vougut gardar, pasmens es mai probable que lo violet foguèt causit perque son d’alquimistas florentins que lei primiers extraguèron la color de la lavanda.
Legenda mai estonanta encara a Palèrme: lo club sicilian portava a l’origina un malhòt raiat roge e blau. Un jorn de plueja pendent lo match, lei colors se mesclèron e se cambièron en ròse. Informacion mai realista: lo ròse, amb lo negre, poirián representar de produchs de liquors artisanalas de la vila. En tot cas, dempuei aquela causida de malhòt, lo ròse es un dei simbòls de la vila de Palèrme.
Per aqueste primier episòdi, s’interessam a Itàlia e, per començar, a un dei clubs mai emblematics dau país, la Juventus de Turin. Fins a la debuta dau sègle XX, la Juve jogava en roge, mai en comandant de camisetas nòvas au club de Notthingham Forest, lo fornidor anglés se seriá enganat e auriá mandat lei malhòts de l’autre club de Notthingham, Notts County, que jòga en blanc e negre. Pasmens lei menaires de la Juve aurián decidit de conservar l’esquipament qu’es encara lo meteis uei.
Au Torino, l’autre club de Turin, lo mai popular e lo vertadier per leis abitants de la vila, se jòga en granat. Aquela color foguèt causida en omenatge au mai vielh club de fotbòl dau Mond, lo Sheffield Football Club, creat en 1857. O ben es Alfredo Dick, lo fondador dau Torino, qu’a causit lo granat en omenatge a son club de còr, lo Servette de Genèva. A mens qu’aquela color foguèsse causida en onor dau duc deis Abruç que portava un mocador de color sang après la liberacion de Turin en 1706. Vesètz qu’es pas aisit de saber la vertat.
A la Lazio, club de la capitala Roma, fondat en 1900, foguèron inspirats per la renaissença dei Jòcs Olimpics e an donc causit lei colors blau e blanc dau drapèu de Grècia amb l’aigla imperiala coma simbòl.
Per seguir aquela virada italiana, en Toscana, la Fiorentina a pas totjorn jogat en violet. A l’origina èra vestida de roge e blanc mai, en 1929, de flors de lavanda presentas per error dins la bugada aurián descolorat lei malhòts de l’esquipa. Aquò es la legenda que lo club a ben vougut gardar, pasmens es mai probable que lo violet foguèt causit perque son d’alquimistas florentins que lei primiers extraguèron la color de la lavanda.
Legenda mai estonanta encara a Palèrme: lo club sicilian portava a l’origina un malhòt raiat roge e blau. Un jorn de plueja pendent lo match, lei colors se mesclèron e se cambièron en ròse. Informacion mai realista: lo ròse, amb lo negre, poirián representar de produchs de liquors artisanalas de la vila. En tot cas, dempuei aquela causida de malhòt, lo ròse es un dei simbòls de la vila de Palèrme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paurei romans, d'efiech ! An la causida entre dos clubs "fascistas" ..
Flame article !
E lo Milan AC ? Se ditz que sei colors venon dau rotge dau diable e dau negre de la paur de seis adversaris.
L'AS Roma, fondada per leis autoritats fascistas, a lei colors de l'Empèri Roman !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari