Contunham cercant laguens deth prolific calaish que deishèc eth mod revival hè ja quauques annades. Aué parlam deth grup Makin’ Time, constituit a mejans des 1980, quan eth movement ja ère fòrça consolidat.
 
Eth sòn nòm proven deth single damb eth que se deren a conèisher era mitica banda mod des 1960 The Creation.
 
Atau coma era grana majoritat d’ensmebles joeni dera epòca, es Makin’ Time enregistrèren tot çò que poguèren en pòqui ans entà desaparèisher pòc dempús.
 
Eth prumèr materiau d’aqueri anglesi que veiguèc era lutz siguèc en 1985. Un breu EP de solet 3 cançons qu’empleguèren coma carta de presentacion ara scena e les brindèc arténher es prumèri concerts.
 
Eth nòm que pòrte ei eth títol dera prumèra cançon, “Feel Like it’s Love”. Es autes dues que complementen eth disc son “Honey” e “Boom Boom”.
 



 

 
Un aute EP de 2 tèmes mès gesserie quauqui mesi dempús en aqueth madeish an e portarie eth títol de “Here’s my number”, nòm dera cançon qu’aucupe era cara A. Ena fàcia B trapam “Nothing Else” que malerosament non podem enténer en YouTube.
 

 
Es gojats acabèren aqueth prumèr an en tot presentar eth sòn prumèr LP damb 12 cançons enes que ne trapam bères ues ja aparegudes enes prumèri EP. Eth disc siguec nomentat “Rythm and Soul”.
 

 

 

 


En 1986 un aute single apareishie aperat “Pump It Up”, a on era cançon aperada atau sone ena cara A e ena B i trapam “Walk a Thin Line”.
 

 

 
Eth dusau LP des Makin’ Time non demorèc a arribar e gessèc pòc temps dempús dera aparicion d’aguest single. Eth nòm, No Lumps Of Fat Or Gristle Guaranteed, titolaue un amàs de 12 temes nòvi.
 

 

 

 

 
Çò de darrèr qu’enregistrèc era banda abantes de des·hèr-se siguèc un directe en 100 Club de Londres.
 
Pòrte per títol “Time Trouble and Money” e en eth i trapam cançons sues autant coma versions (Got my Mojo Workin’).
 
Aqueth madeish an, era banda arribèc ara sua fin non sense abantes auèr deishat bèri disqui entath rebrembe.