Qu’ic contavam la setmana passada. L’ensenhament de l’occitan en Gironda que malaudeja…Mes lo metge, sem nosauts: ajuda!
 
De pertot fau qu’arribin daus corrics  a la comuna d’Auròs, per díser que volem que s’aubrissi la classa bilingua.  Atau que sabossi, lo Sénher Maire,  que lunh, plan lunh en delà d’Auròs, sem miliers a espiar aqueth cunhòt de terra on la lenga nòsta se puiré reviscolar.
 
Alavetz, per un còp, deishi la pluma  a la crida de l’associacion Òc-bi: lo moment es vinut d’amuishar çò que volem. Trobaratz en seguit un exemple de letra de sosten.

 
Auròs: Perqué lo sénher Maire arrefusaré que s’aubrissi lo cursus bilingue francés-occitan a l’Escòla?
 
Pr’amor qu’es contra l’ensenhament de l’occitan? Nani! Mei d’un còp contèt qu’aquò li agradava.
 
Pr’amor que l’Educacion Nacionala n’a pas previst d’aubrir la classa? Nani! Lo capdulh de l’Academia endralhèt lo pòste atau que los ensenhaires interessats pusquin lo demandar.
 
Pr’amor que i a pas cap d’ensenhaire format en Gironda? Nani! Se son pas una tropassa, se tròba qu’a costat d’Auròs,  damòra un jun ensenhaire que s’i pòt héser en gascon.
 
Pr’amor que la còla daus ensenhaires non vòu pas dau projèit? Nani! La causa s’adoba a Auròs, medish se i a dus ensenhaires romegaires.
 
Pr’amor que la directora non ic vòu pas? Nani!  E se pas jamèi damanda de cambiar d’escòla, es pr’amor que espèra un aut pòste dempui annadas.
 
Pr’amor que los parents son contra? Nani!  Son a l’ora d’ara, 19 familhas qu’an desirat  botar los mainatges dens la classa navèra… Au cap d’oradas de charradís per çò que son daus efectius.
 
Pr’amor que i a pas de locau possible? Nani! Medish se fau tornar adobar un bastiment provisòri (Mes egau, l’agi falut héser per los naveths vinuts, mei numerós, de l’annada que ven).
 
Pr’amor que lo Sénher Maire non vòu pas balhar un pòste d’ajuda-mairau de mei a l’escòla? Quiò! Atau dishut! Mes atau dishut davant que se parlessi de classa bilingua. Aus parents de véser çò que fau héser…
 
Pr’amor que lo sénher Maire n’a pas comprés l’interés dau bilingüisme purmèir?
 
Solide! Atau es a Auròs! Lo conselh municipau non vèi pas l’interés  d’estar la segonda comuna de Gironda  que pusqui aufrir aquesta possibilitat!
 
It’s really a pity!
 
Mes alavetz? Es pas d’arren que vad aquesta oposicion!
 
 Benlèu que  los ciutadans d’Auròs e daus vilatges alentorn, que plan milhor comprenen  l’interés d’aufrir aus girondins dau sud la possibilitat d’estar bilinguas, puiren héser hòrt encara per qu’espelissi aqueth bròi projèit?
 
Vam! Sénher Maire! Es pas lo ròtle dau purmèir capdulh de soscar l’avenidor daus juns?
 
Vad bilingue Occitan-Francés, es de perméter aus juns, que que sii lora istòria o la de lors parents, de transméter aquesta lenga e aquesta cultura dau canton on pravèren, atau de s’aubrir e de s’adaptar a la complexitat dau monde de doman!
 

_____

Letra de mandar a la comuna d’Auròs dab copia a l’inspeccion academica de Gironda
 
Maire d’Auròs, sénher Stéphane SAVIGNEUX : auros@wanadoo.fr
Comunautat de comunas del país d’Auròs: contact@cc-auros.fr
Inspeccion academica de Gironda: ce.ia33@ac-bordeaux.fr
 
 
Monsieur le maire et messieurs mesdames les conseillers municipaux,
 
Nous venons d’apprendre que vous vous opposez au projet d’ouverture d’une classe bilingue français-occitan sur la commune d’AUROS, en Gironde alors que 19 familles ont exprimé leur intérêt pour cet enseignement.
 
Nous vous demandons instamment de revenir sur  cette décision.
 
Au contraire, nous vous demandons de tout mettre en œuvre pour que cette classe bilingue soit accueillie dans de bonnes conditions sur votre commune.
 
En Gironde comme ailleurs, notre langue régionale a sa place à l’école publique au même titre que toutes les langues régionales de France et nous sommes très attachés au développement de cet enseignement: un cursus doit voir le jour chaque année, dans chaque département d’Aquitaine...
 
Sachez que nous serons très attentifs à votre décision.
 
Cordialement,