Opinion
E se n’acabàvem amb la definicion d’Occitània?
Tèxte legit
Seriam pas capables los occitans de dire clarament çò que sèm? Lo país d’Occitània seriá pas en mesura de far lo sieu coming-out? Lo bais nivèl de consiéncia del fait occitan a pas gaire augmentat, malgrat totes los esfòrces de comunicacion que fan dempuèi mai d’una decada los mitans occitanistas. Aqueste constat pòt desembocar sus doas interpretacions: siá se considèra qu’Occitània existís pas e dins aqueste cas, tristament, sèm lo sud de França e sonque aquò, siá Occitània es una realitat. Mas se consideram coma vertadièra l’existéncia d’Occitània e que consideram que nosautres, lo monde d’aquesta contrada, sèm mai que d’ectoplasmas, alavetz ne cal acabar amb la definicion de çò que sèm.
S’una bona part dels occitans “esclairats”, quand son interrogats sus çò qu’es Occitània, sabon pas, vòlon pas o pòdon pas donar una definicion precisa, ben plantada e compartida, se calrà pas estonar que los franceses d’un costat e los occitans-sens-o-saber de l’autre contunhen de demorar dins l’ignorància del fait occitan. Perqué tant de monde clinats cap a la cultura nòstra, al país e a la lenga trastejan a declarar çò qu’es Occitània? Perqué tant de politicians declarats occitanistas esquivan la question? Perqué tant de militants fan coma se foguèsse sens importància de dire çò que sèm? Perqué tant de personas implicadas amagan lo mot? Quin mot? Lo mot NACION: sièis pichòtas letras per dire çò que sèm! Occitània es una NACION. Es simple. Ajam pas paur! Perqué repapiar de concèptes coma “lingüia”, “comunitat”, “ramat de regions”, “sud de France”, que vòlon pas res dire e valon pas res, quand un sol mot, lo mot nacion o ditz tot e o ditz clarament?
Mas una “nacion”,quèsaco (coma l’escrivon oficialament los franceses)? Se prenem las definicions d’aquel mot dins qualques diccionaris europèus reconeguts podem veire que totas convergisson. Çò primièr la definicion del Petit Diccionari Enciclopèdic catalan:
“Comunitat d’individús als quales unes ligams determinats, mas diversificables, essencialement culturals e d’estructura economica, amb una istòria comuna donan una fisionomia pròpria, diferenciada e diferenciadoira e una volontat d’organizacion e de projeccion que, al limit, los pòrta a se voler dotar d’institucions politicas pròprias fins a se constitutir en estat. Demièg los divèrses elements se senhalan lo territòri, la lenga, las costumas entre autras causas”.
La del Pequeño Larousse ilustrado espanhòl:
“Societat naturala d’òmes que l’unitat de territòri, d’origina, d’istòria, de lenga e de cultura inclina a la comunitat de vida e crea la consciéncia d’un destin comun”.
La del Mic dicționar enciclopedic romanés:
“Comunitat umana caracterizada per l’unitat territoriala, la constància de l’identitat istorica e culturala e, en general, per l’unitat de la lenga e de la religion”.
La del Dansk Ordbog danés:
”Populacion ligada per una identitat comuna, per exemple jos la forma d’una istòria, lenga o religion comuna e que sovent governa lo sieu pròpri territòri independent”
S’aplicam aquestas definicions a Occitània, la conclusion ven soleta: sèm una nacion. Es indefugible. Lo fait que i aja pas (o pas jamai agut) un estat politic occitan ten pas cap de relevància amb aquesta realitat. Lo fait que la populacion siá occitano-conscienta o pas, tanpauc, ten pas cap de relevància dins un encastre d’alienacion generalizada. La nacion occitana i es. Un estat es sonque una construccion politica e administrativa. Per contra una nacion es l’organizacion naturala dels òmes e de las femnas. Aquesta naturalitat multiseculara a generat la nacion occitana. L’estat francés, el, es estat creat per las guèrras e las ocupacions e ten pas cap de posicion naturala en Occitània. Juridicament l’estat francés (e espanhòl o italian) es present en Occitània. Mas çò antropologic e sociologic definís lo País Nòstre coma una nacion. Ben segur aquesta idèa es subversiva segons la retorica politica francesa perqué tòrna metre en causa la supremacia politica francista en Occitània que se basa sus l’idèa de “l’état-nation” impausat. Ençò nòstre lo concèpte de nacion es estat confiscat per l’estat francés al sol benefici de la nacion França: un esquèma classic del colonialisme interior.
Sèm acostumats a l’occitano-negacionisme francés. I a pas res pus a esperar d’aqueste estat, pas pus de reforma possibla. Mas Occitània se deu destacar d’aqueste carcan. E aquò ten pas res a veire amb las conviccions politicas qu’òm pòt téner per la nòstra tèrra: qu’òm siá jacobin, federalista, anarquista, autonomista o independentista, de dreita, del centre o d’esquèrra, la realitat nacionala occitana s’impausa. Se nos definissem coma nacion e qu’aquesta idèa s’espandís, la consequéncia en tèrmes de dignitat, de consciéncia de se, de volontarisme serà granda: es totjorn mai aisit de defendre una nacion que de defendre un daquòs que degun sap pas çò qu’es exactament. Occitània s’amerita melhor que d’èsser aqueste daquòs, aqueste “sud”, aquestas províncias e los occitans valon mai que de se limitar a èsser los provincials miegjornals de París. Sèm una nacion e èsser una nacion nos dona la legimitat de decidir per nosautres.
S’una bona part dels occitans “esclairats”, quand son interrogats sus çò qu’es Occitània, sabon pas, vòlon pas o pòdon pas donar una definicion precisa, ben plantada e compartida, se calrà pas estonar que los franceses d’un costat e los occitans-sens-o-saber de l’autre contunhen de demorar dins l’ignorància del fait occitan. Perqué tant de monde clinats cap a la cultura nòstra, al país e a la lenga trastejan a declarar çò qu’es Occitània? Perqué tant de politicians declarats occitanistas esquivan la question? Perqué tant de militants fan coma se foguèsse sens importància de dire çò que sèm? Perqué tant de personas implicadas amagan lo mot? Quin mot? Lo mot NACION: sièis pichòtas letras per dire çò que sèm! Occitània es una NACION. Es simple. Ajam pas paur! Perqué repapiar de concèptes coma “lingüia”, “comunitat”, “ramat de regions”, “sud de France”, que vòlon pas res dire e valon pas res, quand un sol mot, lo mot nacion o ditz tot e o ditz clarament?
Mas una “nacion”,quèsaco (coma l’escrivon oficialament los franceses)? Se prenem las definicions d’aquel mot dins qualques diccionaris europèus reconeguts podem veire que totas convergisson. Çò primièr la definicion del Petit Diccionari Enciclopèdic catalan:
“Comunitat d’individús als quales unes ligams determinats, mas diversificables, essencialement culturals e d’estructura economica, amb una istòria comuna donan una fisionomia pròpria, diferenciada e diferenciadoira e una volontat d’organizacion e de projeccion que, al limit, los pòrta a se voler dotar d’institucions politicas pròprias fins a se constitutir en estat. Demièg los divèrses elements se senhalan lo territòri, la lenga, las costumas entre autras causas”.
“Societat naturala d’òmes que l’unitat de territòri, d’origina, d’istòria, de lenga e de cultura inclina a la comunitat de vida e crea la consciéncia d’un destin comun”.
La del Mic dicționar enciclopedic romanés:
“Comunitat umana caracterizada per l’unitat territoriala, la constància de l’identitat istorica e culturala e, en general, per l’unitat de la lenga e de la religion”.
La del Dansk Ordbog danés:
”Populacion ligada per una identitat comuna, per exemple jos la forma d’una istòria, lenga o religion comuna e que sovent governa lo sieu pròpri territòri independent”
S’aplicam aquestas definicions a Occitània, la conclusion ven soleta: sèm una nacion. Es indefugible. Lo fait que i aja pas (o pas jamai agut) un estat politic occitan ten pas cap de relevància amb aquesta realitat. Lo fait que la populacion siá occitano-conscienta o pas, tanpauc, ten pas cap de relevància dins un encastre d’alienacion generalizada. La nacion occitana i es. Un estat es sonque una construccion politica e administrativa. Per contra una nacion es l’organizacion naturala dels òmes e de las femnas. Aquesta naturalitat multiseculara a generat la nacion occitana. L’estat francés, el, es estat creat per las guèrras e las ocupacions e ten pas cap de posicion naturala en Occitània. Juridicament l’estat francés (e espanhòl o italian) es present en Occitània. Mas çò antropologic e sociologic definís lo País Nòstre coma una nacion. Ben segur aquesta idèa es subversiva segons la retorica politica francesa perqué tòrna metre en causa la supremacia politica francista en Occitània que se basa sus l’idèa de “l’état-nation” impausat. Ençò nòstre lo concèpte de nacion es estat confiscat per l’estat francés al sol benefici de la nacion França: un esquèma classic del colonialisme interior.
Sèm acostumats a l’occitano-negacionisme francés. I a pas res pus a esperar d’aqueste estat, pas pus de reforma possibla. Mas Occitània se deu destacar d’aqueste carcan. E aquò ten pas res a veire amb las conviccions politicas qu’òm pòt téner per la nòstra tèrra: qu’òm siá jacobin, federalista, anarquista, autonomista o independentista, de dreita, del centre o d’esquèrra, la realitat nacionala occitana s’impausa. Se nos definissem coma nacion e qu’aquesta idèa s’espandís, la consequéncia en tèrmes de dignitat, de consciéncia de se, de volontarisme serà granda: es totjorn mai aisit de defendre una nacion que de defendre un daquòs que degun sap pas çò qu’es exactament. Occitània s’amerita melhor que d’èsser aqueste daquòs, aqueste “sud”, aquestas províncias e los occitans valon mai que de se limitar a èsser los provincials miegjornals de París. Sèm una nacion e èsser una nacion nos dona la legimitat de decidir per nosautres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#33 Ont son vòstres arguments?
#34 Lo problèma es pas que pas siá(n) gascon(s) (representa(n) pas Gasconha) mas que respècta(n) pas las règlas d'un debat cortés e argumentat.
Le terme de " " nation" fait peur en général de même que les mots " nationaliste , nationalisme "
Il est vrai qu il s'avère indispensable de trouver une définition claire , ce qui permettrait de ne plus passer des réunions entières à le re définir ....
Ce qui est ausssi difficile à admettre , pour certains , c'est que toute l'Occitanie est une nation ( avec ses critères) de la Gascogne à la Provence
Les particularismes de la langue n'ont pas non plus à fissurer cette idée de nation qui doit être une force porteuse d'espoir.
#30 La nacion gascona, realitat etnica anciana qui èra de mau evitar, que's morí au sègle 18au dab la modernitat, la despartamentalizacion, la francizacion de las vilas.
Ah, se los felibres gascons avossen causit lo combat gascon en lòc de ns'embarcar dens l'ideau mistralenc ...
A totes los que dison que i a pas cap de nacion occitana, voldriái demandar s'existís una nacion gascona. Supausi que se reconeisson dins la granda nacion francesa increada e etèrna e las pichonas nacions departamentalas amb sos numèros ( doblidetz pas que la numerologia republicana es una sciéncia que s'apren dins las escòlas republicanas ! ).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari