Opinion
Los 30 de l'Arctic
Lo 5 d’ocòbre passat, dins 48 país se debaneron 220 manifestacions de solidaritat coma los 30 femnas e òmes - 28 militants de l’organizacion ecologista Greenpeace mai 2 jornalistas independents - empresonats en Russia. De segur, la mobilizacion se faguet tanben en Occitània, a Bordeu, Clamont d’Auvernhe, Marselha, Montpelhier, Niça e Tolosa. Petit rapel de quel afar daus 30 de l’Arctic.
Lo 18 de septembre passat, l’Artic Sunrise de Greenpeace vira a l’entorn de la plataforma petroliera Prirazlomnaia dau temps que tres membres d’equipatge ensaian de montar dessus. En responsa, los gardacòstas rus prenon lo contraròtle dau vaisseu e detenon los activistas. Puei remorcan lo bateu d’acianta au pòrt de Murmansk. Lo govèrn rus a inculpat los activistas de piratariá, çò que pòt menar a una pena maximala de quinze ans d’empresonament. Qu’es la responsa la mai dura que Greenpeace coneguet d’un govèrn dempuèi l’ataca dau Rainbow Warrior per los servicis secrets francés en 1985, disset Phil Radford, director executiu de Greenpeace USA.
La plataforma petroliera Prirazlomnaia, proprietat de Grazprom, es la primiera a forar dins l’aigas de l’Arctic, çò qu’es pas sens perilh. L’Arctic es un ecosistema unic e fragil e la plataforma se tròba près de parcs naturaus. E mai coneissem pas lo plan d’accion de l’entrepresa russa dins lo cas d’una marea negra alaidonc qu’una intervencion seriá practicament impossibla. Sens parlar dau balanç catastrofic de Russia en matèria de mareas negras. Perque forar en Artic quand sabem que lo petròli contribuís au chamjament climatic per las emissions de CO2 que produsís?
D’efiech, l’accion daus ecologistas era illegala. Avián pas lo drech de montar sus la plataforma. Mas l’accion era legitima. E la responsa judiciàra russa, d’inculpacion de piratariá, e benleu mai dins las oras que venon, disproporcionada. Aicí, avem un exemple de desobeïssença civila. Me sembla important de rapelar çò qu’es. E de rapelar que las accions ecologistas, altermondialistas e de las vetz, sindicalas, per illegalas que pueschan èsser, ne’n son totparier legitimas. Quitament quand los medias parlan d’extremisme o de vandalisme.
Manleve au sindicalista José Bové la definicion d’una accion de desobeïssença civila:
La mobilizacion contra lo chamjament climatic, per l’Arctic mai los ecologistas empresonats deurà contunhar.
Lo 18 de septembre passat, l’Artic Sunrise de Greenpeace vira a l’entorn de la plataforma petroliera Prirazlomnaia dau temps que tres membres d’equipatge ensaian de montar dessus. En responsa, los gardacòstas rus prenon lo contraròtle dau vaisseu e detenon los activistas. Puei remorcan lo bateu d’acianta au pòrt de Murmansk. Lo govèrn rus a inculpat los activistas de piratariá, çò que pòt menar a una pena maximala de quinze ans d’empresonament. Qu’es la responsa la mai dura que Greenpeace coneguet d’un govèrn dempuèi l’ataca dau Rainbow Warrior per los servicis secrets francés en 1985, disset Phil Radford, director executiu de Greenpeace USA.
La plataforma petroliera Prirazlomnaia, proprietat de Grazprom, es la primiera a forar dins l’aigas de l’Arctic, çò qu’es pas sens perilh. L’Arctic es un ecosistema unic e fragil e la plataforma se tròba près de parcs naturaus. E mai coneissem pas lo plan d’accion de l’entrepresa russa dins lo cas d’una marea negra alaidonc qu’una intervencion seriá practicament impossibla. Sens parlar dau balanç catastrofic de Russia en matèria de mareas negras. Perque forar en Artic quand sabem que lo petròli contribuís au chamjament climatic per las emissions de CO2 que produsís?
D’efiech, l’accion daus ecologistas era illegala. Avián pas lo drech de montar sus la plataforma. Mas l’accion era legitima. E la responsa judiciàra russa, d’inculpacion de piratariá, e benleu mai dins las oras que venon, disproporcionada. Aicí, avem un exemple de desobeïssença civila. Me sembla important de rapelar çò qu’es. E de rapelar que las accions ecologistas, altermondialistas e de las vetz, sindicalas, per illegalas que pueschan èsser, ne’n son totparier legitimas. Quitament quand los medias parlan d’extremisme o de vandalisme.
Manleve au sindicalista José Bové la definicion d’una accion de desobeïssença civila:
– qu’es un acte personau e responsable: fau conéisser las riscas encorregudas e pas se sostraire a las sancions judicialas
– qu’es un acte desinteressat: òm desobeís a una lei contrària a l’interès generau, pas per profiech personau
– qu’es un acte de resisténcia collectiva: òm mobiliza per un projecte collectiu mai ample
– qu’es un acte non-violent: òm a per objectiu de convertir a la vetz l’opinion e l’adversari, pas de provocar una repression o una responsa armada; tota ataca aus bens pòt pas aver qu’una dimension simbolica
– qu’es un acte transparent: òm agís a chara descuberta
– qu’es un acte ultim: òm desobeís après aver agotat los recors au dialòg e las accions legalas
– qu’es un acte desinteressat: òm desobeís a una lei contrària a l’interès generau, pas per profiech personau
– qu’es un acte de resisténcia collectiva: òm mobiliza per un projecte collectiu mai ample
– qu’es un acte non-violent: òm a per objectiu de convertir a la vetz l’opinion e l’adversari, pas de provocar una repression o una responsa armada; tota ataca aus bens pòt pas aver qu’una dimension simbolica
– qu’es un acte transparent: òm agís a chara descuberta
– qu’es un acte ultim: òm desobeís après aver agotat los recors au dialòg e las accions legalas
La mobilizacion contra lo chamjament climatic, per l’Arctic mai los ecologistas empresonats deurà contunhar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es una crana leiçon de militantisme intelligent. Sosten a Greenpeace!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari