Opinion
Fins a que ponch los dirigents politics de la region Provença-Alps-Còsta d’Azur (PACA) voirián se méter a l’escart d’Occitània?
E los esfòrces que dèvon acrèisser los occitanistas per sempre integrar aquela region al rèsta de l’espaci occitan
Es la question que se poiem pausar quora veiem sovent que la region PACA luse per son absença dins de numerosas estructuras inter regionalas qu’an per objèct de promòure la lenga occitana cf. en principi de l’an 2013: “Los elegits regionals encharjats de l’occitan d’Aquitània, Miègjorn-Pirenèus, Lengadòc-Rosselhon, Auvèrnha e Ròse-Alps avián escrit al Ministèri de la cultura a prepaus de la presa en compte de la lenga e la cultura occitanas. Recebèron una responsa de la chap de cabinet d’Aurélie Filippetti, ministra de la cultura. I èra que Véronique Chatenay-Dolto, conselhièra en charja de la lenga francesa e de las lengas de França recebrà los elegits en rendètz-vos per “evocar los biaisses de renforçar la cooperacion en cors”.
La letra rapelèt l’engatjament del Ministèri “dins la desmarcha de concertacion (...) amb d’unas collectivitats” per l’armonizacion de las politicas publicas en favor de l’occitan. Explicant que la ministra “se regaudís que de novèlas collectivitats de diferents nivèls territorials dintren al lor torn dins aquela dinamica”.”
De segur, la region Provença- Alps- Còsta d’Azur es representaa al minimum coma institucion partenària d’eveniments coma L’Estivada. Mas i es degunament dins Lo Congrès, ni per exemple dins Dètz TV ni mai dins lo projèct de television interregionala occitana.
Pasmens avem tot per anar dins lo bòn sens, a París lo Govèrn es socialista, dins totas las regions occitanas lo Partit socialista francés es al poler. Coma explicar que M. Vauzelle vòrgue ren desvelopar mai lo trabalh ambé las regions occitanas?
Pasmens, sus la tièra de M. Vauzelle al segond torn de las votacions regionalas, i èra d’aliats occitanistas provençals dal Partit Occitan- Region Provença que dos fuguèron elejuts: Anna-Maria Hautant e Arvèi Guerrera.
De mai, es M. Vauzelle que causiguèt lo blason de Barcelona e plus lo blason d’Anjau per representar la part provençala dins lo lògo-blason de la region. Qu’es ancara el, al nom lemosin, originari de Monteleimar (departiment de Droma) en Gavotina, qu’estudiet a Lion, devenguèt avocat a París puei segretari de Chaban-Delmas, e al final s’establiguèt a Arle per ne’n devenir lo cònsol. Sap l’ample qu’a la cultura dal “Sud” en França e quitament lo pès de la siu region dins l’istòria d’aquel Sud tant al nivel cultural (autors en lenga, creacion dal Felibrige...) coma politic (ambé d’entitats multiplas marcantas en mai de Provença coma Dalfinat, los Comtats Venaicin e de Niça...). E sap l’importança d’Arle coma son bastion politic. Per aquò, es totjorn present quora se passa qualqua ren en matèria de cultura dins aquel caire de la region. Quora veiem l’ample de la subvencion regionala acordaa a una associacion -que dins las sius accions principalas es anti occitana- en comparason las magrinèlas ajuas versaas al Felibrige, a l’IEO e a d’autres... que ne’n pensar?
Aguent acapit l’interés de las nòvas tecnologias, es volentiers lançaire de peticion en linha per inscriure los servicis publics dins la constitucion per l’organisacion d’un referendum ò de consultacion en linha sus lo nom de la region “Provença-Alps-Còsta d’Azur” que voiriá chambiar. Mas que de nòu per la cultura occitana provençala, gavòta e niçarda dins aquela region e mai quina vista ampla per l’implicacion de la region dins la cultura d’Òc? La respòsta demòra ancara...
D’aquel temps, lo temps fa son òbra. Lo monde que parla la lenga occitana se’n va sempre de mai e los autres (jovas generacions e novèls arribats) degun li ditz ren. Se ditz que devèm èstre fiers de nòstra region. Senon a pena se ditz qu’i èra una lenga de la region, una lenga originala en rapòrt dal rèsta dal canton. L’estrategia de l’isolacionisme risca de far pérder tot lo monde en Provença- Alps- Còsta d’Azur “intra muros” coma en Occitània tota. Que l’occitanisme a tendença a eissubliar l’istòria d’aquel canton occitan coma a tendença a eissubliar que Marselha es la primiera ciutat occitana e que la Provença- Alps- Còsta d’Azur es la primiera region administrativa en populacion d’Occitània. Laishar lo monde de nòstra region se desbrolhar de son costat es una marriá tactica. Es clarament un problèma global per Occitània.
Es la question que se poiem pausar quora veiem sovent que la region PACA luse per son absença dins de numerosas estructuras inter regionalas qu’an per objèct de promòure la lenga occitana cf. en principi de l’an 2013: “Los elegits regionals encharjats de l’occitan d’Aquitània, Miègjorn-Pirenèus, Lengadòc-Rosselhon, Auvèrnha e Ròse-Alps avián escrit al Ministèri de la cultura a prepaus de la presa en compte de la lenga e la cultura occitanas. Recebèron una responsa de la chap de cabinet d’Aurélie Filippetti, ministra de la cultura. I èra que Véronique Chatenay-Dolto, conselhièra en charja de la lenga francesa e de las lengas de França recebrà los elegits en rendètz-vos per “evocar los biaisses de renforçar la cooperacion en cors”.
La letra rapelèt l’engatjament del Ministèri “dins la desmarcha de concertacion (...) amb d’unas collectivitats” per l’armonizacion de las politicas publicas en favor de l’occitan. Explicant que la ministra “se regaudís que de novèlas collectivitats de diferents nivèls territorials dintren al lor torn dins aquela dinamica”.”
De segur, la region Provença- Alps- Còsta d’Azur es representaa al minimum coma institucion partenària d’eveniments coma L’Estivada. Mas i es degunament dins Lo Congrès, ni per exemple dins Dètz TV ni mai dins lo projèct de television interregionala occitana.
Pasmens avem tot per anar dins lo bòn sens, a París lo Govèrn es socialista, dins totas las regions occitanas lo Partit socialista francés es al poler. Coma explicar que M. Vauzelle vòrgue ren desvelopar mai lo trabalh ambé las regions occitanas?
Pasmens, sus la tièra de M. Vauzelle al segond torn de las votacions regionalas, i èra d’aliats occitanistas provençals dal Partit Occitan- Region Provença que dos fuguèron elejuts: Anna-Maria Hautant e Arvèi Guerrera.
De mai, es M. Vauzelle que causiguèt lo blason de Barcelona e plus lo blason d’Anjau per representar la part provençala dins lo lògo-blason de la region. Qu’es ancara el, al nom lemosin, originari de Monteleimar (departiment de Droma) en Gavotina, qu’estudiet a Lion, devenguèt avocat a París puei segretari de Chaban-Delmas, e al final s’establiguèt a Arle per ne’n devenir lo cònsol. Sap l’ample qu’a la cultura dal “Sud” en França e quitament lo pès de la siu region dins l’istòria d’aquel Sud tant al nivel cultural (autors en lenga, creacion dal Felibrige...) coma politic (ambé d’entitats multiplas marcantas en mai de Provença coma Dalfinat, los Comtats Venaicin e de Niça...). E sap l’importança d’Arle coma son bastion politic. Per aquò, es totjorn present quora se passa qualqua ren en matèria de cultura dins aquel caire de la region. Quora veiem l’ample de la subvencion regionala acordaa a una associacion -que dins las sius accions principalas es anti occitana- en comparason las magrinèlas ajuas versaas al Felibrige, a l’IEO e a d’autres... que ne’n pensar?
Aguent acapit l’interés de las nòvas tecnologias, es volentiers lançaire de peticion en linha per inscriure los servicis publics dins la constitucion per l’organisacion d’un referendum ò de consultacion en linha sus lo nom de la region “Provença-Alps-Còsta d’Azur” que voiriá chambiar. Mas que de nòu per la cultura occitana provençala, gavòta e niçarda dins aquela region e mai quina vista ampla per l’implicacion de la region dins la cultura d’Òc? La respòsta demòra ancara...
D’aquel temps, lo temps fa son òbra. Lo monde que parla la lenga occitana se’n va sempre de mai e los autres (jovas generacions e novèls arribats) degun li ditz ren. Se ditz que devèm èstre fiers de nòstra region. Senon a pena se ditz qu’i èra una lenga de la region, una lenga originala en rapòrt dal rèsta dal canton. L’estrategia de l’isolacionisme risca de far pérder tot lo monde en Provença- Alps- Còsta d’Azur “intra muros” coma en Occitània tota. Que l’occitanisme a tendença a eissubliar l’istòria d’aquel canton occitan coma a tendença a eissubliar que Marselha es la primiera ciutat occitana e que la Provença- Alps- Còsta d’Azur es la primiera region administrativa en populacion d’Occitània. Laishar lo monde de nòstra region se desbrolhar de son costat es una marriá tactica. Es clarament un problèma global per Occitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Vauzelle dèu aver oblidat que Chaban aviá inaugurat corses d'occitan al musèu d'Aquitània. Annadas 1955/65, sabi plus exactament...
Lo Vauzelle a jamai clinat per l'occitanisme. S'es agusardit, en lo sieu temps, embe de provençalistas enrabiats pauc ò pron aligats ai frontistas contra lo fach occitan. A jamai donat una seguida au sieu projècte de cambiar aquel tèrme afrós de PACA. Un solet espèr, que sigue escobat lèu lèu dau mitan ai votacions venenti, n'avèm pron lo fais d'aqueu personatge "ondejaire". Lo tot es de saupre, cu serà aqueu que pilharia la sieu plaça ? L'avenidor de Provença es mai que fosc.
E parlèro ren de qualques collègas gavòt, niçard, provençals que per viure professionalament de l'occitan, quitèron la region Provença- Alps- Còsta d'Azur, fauta de trobar sus plaça de que trabalhar AMB D'ESTRUCTURAS PEDAGOGICAS DE SOSTEN e/ò una dinamica sociala de la cultura d'òc sostenguá per UNA IMPLICACION DE LA REGION (coma en Lengadòc, Miegjorn- Pirenèus...).
Lo Vauzelle aconselhèt Miterrand d’apondre dins la constitucion « la langue de la nation est le Français ». En privat a ja afortit que lo Provençau es pas d’Occitan, coma lo ditz de temps en quora lo « Philippe Blanchet » que longtemps, longtemps ai cresegut qu’èra un eminent professor de l’universitat de Provença ! Vesètz la confusion. Aquesta Universitat de « Provença » de que fai ? Un diccionari « Provençal-François » es botat en linha per la fac de Tolosa lo Miralh. Monte es lo trabalh de l’Universitat de Provença que se pòu pausar sus la taula ? Lo Poc Provença fai d’alianças ambé d’autrei partits d’aicí, d’ailà, mai lo brave monde lo vèi pas, lo saup pas.
Presidéncia de region, Universitat ; aquò per lo còp d’escoba. Punhacitat politica visibla sensa compromés dins quauqueis endrechs, per començar, per faire chifrar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari