Opinion
Cronicas deu cèdre: Sho fi ma fi?
En Liban, ausiratz sovent aquesta question que vòu díser “Qué i a, qué i a pas?” e que permet de demanar çò de nau, o tot simplament de saber se tot va plan. La costuma es d’i respóner damb un “ma fi chi”, i a pas ren. Mès, en l’ausir, m’arriba a còps d’i voler respóner literalament: alavètz, en Liban, “sho fi ma fi”?
En Liban, i a la mar, mès i a pas mès de peishes dedins.
En Liban, i a la montanha, mès i pas de nèu engüan.
En Liban, i a tres religions e catorze confessions mès i a pas de maridatge a la lei.
En Liban, i a 6 còps més de hemnas que d’òmes, mès i pas le drèit per las libanesas de transméter la nacionalitat.
En Liban, i a un nau govèrn, mès i a pas agut d’eleccions.
En Liban, i a quan mèma la democracia, mès, en Orient Mejan, i a pas qu’Israël qu’a le drèit d’èster taxat de democratic.
En Liban, i a l’independéncia, mès l’orde de París, de Damasc, de Teeran, e de Washington compta més que le deu President.
En Liban, i a pas d’electricitat publica les tres quarts deu jorn, mès i a de grops-electrogènas que te còstan 100 dollars le mes.
I a de grops-electrogèns que te còstan 100 dollars le mes, mès les panèus publicitaris son sempre esclairats.
I a las facturas de telefòn més caras deu mond, més i a pas un Libanés ua minuta sense son iPhone dins la man.
I a de veituras americanas que ròtlan a 200 quilomètras per ora, mès i a pas de còdi de la rota.
I a d’encombraments a cada ora deu jorn o de la nèit, mès i a pas degun que marcha entà anar querre le pan.
I a de regions on la prostitucion es legala, mès i a pas le drèit de se potonejar dins la rua.
I a les melhors espitaus de la region, mès i a quasi pas de seguritat sociala.
I a 1 000 000 refugiats palestinians, mès i a pas le drèit per eths de s’installar.
I a 1 000 000 refugiats sirians o més, mès i a pas de trabalh per eths.
I a 4 000 000 libaneses, mès i a pas d’ajuda internacionala per acuelhir 50 per cent més de poblacion en refugiats.
I a pas mès la guèrra civila, mès i a tots les ancians caps de milícias au poder.
I a la patz, mès i a explosions e fusilhadas a Tripòl, a Beïrot com a la frontièra siriana e israeliana.
I a le sorèlh, mès i a quasi pas de ploja dempèi la prima passada.
En Liban, i a mantuns problèmas, mès i a pas un tipe qu’es vengut aicí sense s’enamorar com un pèc de la montanha dins la mar, deus rísers de las gents, de la musica de l’od, deus mezzes a l’arak, deus cafès sus las terrassas deus ostaus, de la holia de cadun que permèt de doblidar un pòc que doman serà benlèu complicat…
Alavètz sho fi ma fi? ma fi chi!
Aicí le país de l’amor de lonh, adishatz e yalla bye!
En Liban, i a la mar, mès i a pas mès de peishes dedins.
En Liban, i a la montanha, mès i pas de nèu engüan.
En Liban, i a tres religions e catorze confessions mès i a pas de maridatge a la lei.
En Liban, i a 6 còps més de hemnas que d’òmes, mès i pas le drèit per las libanesas de transméter la nacionalitat.
En Liban, i a un nau govèrn, mès i a pas agut d’eleccions.
En Liban, i a quan mèma la democracia, mès, en Orient Mejan, i a pas qu’Israël qu’a le drèit d’èster taxat de democratic.
En Liban, i a l’independéncia, mès l’orde de París, de Damasc, de Teeran, e de Washington compta més que le deu President.
En Liban, i a pas d’electricitat publica les tres quarts deu jorn, mès i a de grops-electrogènas que te còstan 100 dollars le mes.
I a de grops-electrogèns que te còstan 100 dollars le mes, mès les panèus publicitaris son sempre esclairats.
I a las facturas de telefòn més caras deu mond, més i a pas un Libanés ua minuta sense son iPhone dins la man.
I a de veituras americanas que ròtlan a 200 quilomètras per ora, mès i a pas de còdi de la rota.
I a d’encombraments a cada ora deu jorn o de la nèit, mès i a pas degun que marcha entà anar querre le pan.
I a de regions on la prostitucion es legala, mès i a pas le drèit de se potonejar dins la rua.
I a les melhors espitaus de la region, mès i a quasi pas de seguritat sociala.
I a 1 000 000 refugiats palestinians, mès i a pas le drèit per eths de s’installar.
I a 1 000 000 refugiats sirians o més, mès i a pas de trabalh per eths.
I a 4 000 000 libaneses, mès i a pas d’ajuda internacionala per acuelhir 50 per cent més de poblacion en refugiats.
I a pas mès la guèrra civila, mès i a tots les ancians caps de milícias au poder.
I a la patz, mès i a explosions e fusilhadas a Tripòl, a Beïrot com a la frontièra siriana e israeliana.
I a le sorèlh, mès i a quasi pas de ploja dempèi la prima passada.
En Liban, i a mantuns problèmas, mès i a pas un tipe qu’es vengut aicí sense s’enamorar com un pèc de la montanha dins la mar, deus rísers de las gents, de la musica de l’od, deus mezzes a l’arak, deus cafès sus las terrassas deus ostaus, de la holia de cadun que permèt de doblidar un pòc que doman serà benlèu complicat…
Alavètz sho fi ma fi? ma fi chi!
Aicí le país de l’amor de lonh, adishatz e yalla bye!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E oc, 6 femnas per 1 ome!!! Mas cal precisar qu'aquela proporcion tocarià pas que les Libaneses (les qu'an la nacionalitat) e pas las poblacions refugiadas, imigradas, etc, presentas en Liban. E subretot qu'aquo sembla mas una "legenda" força enrasigada dins las mentalitats aici (L'ai ausit mantuns cops, dins diversas situacions e regions aici, totjorn ambe la meteissa proporcion!). Citi donc aici un "mite" libanés!
Mas es vertat : 1) que se vei vertadièrament mas de femnas que d'omes dins les locs publics; 2) que pendent la guèrra civila (e aquo contunha encara,que i a mantuns Libaneses que dèissan lora Penelopa per anar trabalhar a l'estrangièr), força omes, per rasons politicas e/o economicas, se'n anàvan trabalhar solets en defora del pais (Africa, paises de la peninsula arabica, Austràlia, Europa, etc...).
Un reportatge de l'emission Thalassa (France 3) citèt le meteis percentatge, mas fa pas l'unanimitat dins les comentaris...
http://forums.france3.fr/france3/Thalassa/statistiques-fantasmes-femmes-sujet_4384_1.htm
I a 6 còps mès de femnas de d'òmes?
Vòls dire 6 femnas per 1 òme, o 106 femnas per 100 òmes?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari