Opinion
Manifestar contra l'FN... o lo PS?
Dijaus passat, lo 29 de mai, duas informacions se son entertrucadas dens los mèdias.
La purmèra èra la manifestacion apitada un pauc de pertot en França per organizacions de joens contra lo Front National. Aquò, solide, pr’amor de l’escaduda deu partit de dreta extrèma a las eleccions europenca de dimenge.
Mès “manifestar contra lo FN”, de qué vòu díser exactament? Demandar l’interdiccion deu partit? Pensi que degun dens los seguicis avèva pas imaginat privar un quart deus electors exprimits (10% deus inscrits) de lor expression. La mira èra lavetz oficialament de protestar contra las idèias “dangerosas e xenofòbas” de l’amassada bleu marine. Los vielhs eslogans hasèvan lor sortida, crits dejà plan rodats coma “F coma fascista, N coma nazi” o la cançon La jeunesse emmerde le Front National deu grop Bérurier Noir.
Aquò, personalament, me brembè gaujosament las annadas ueitanta e ma purmèra manifestacion anti-FN trenta ans au davant (1984!), dambe la neishença de la Seccion Clarament Anti Le Pen (SCALP) e l’explosion de la sala Mermoz a Tolosa que devèva recéber un aplec frontista que, fin finala, se debanè devath una tenda. Ongan son los hilhs deus manifestants de 1984 qu’èran per las carrèras.
Se la sang joena borís aisidament e s’es meslèu rassegurant de véser que nòstes capdèth se poden mobilizar per un subjècte coma la de la libertat, nos podèm totun interrogar sus l’eficacitat de talas manifestacions. La tòca es clarament de lutar contra un partit jutjat xenofòbe e suspieitat de racisme.
Dens aqueste cas, cau purmèrament evitar que lo monde vote end’eths. Evidentament, las manifestacions van pas jamès hèr cambiar lo biaish de pensar deus electors frontistas, ocasionaus o regulars. Se pòt quitament crànher un efèit invèrse, los electors se sentissent muishats deu dit e estigmatizats dens lor causida que jutjan eths medish democratica.
Dusaument, cau mobilizar los abstencionistas ende “hèr empach a l’òdi”. Dens una cronica recenta, avèvi muishat qu’abstencion e vòte FN avèvan pas ren de comun, un sondatge a publicat ulteriorament a plan explicat que se la votacion èra obligatòria, 25% deus abstencionistas causirén tanben lo FN e que lo partit deu quau l’electorat es lo mès mobilizat es lo FdG.
Lavetz, la question que nos pausèm dempuèi mès de trenta annadas es de saber de qué cau hèr ende lutar contra la pujada de la dreta extrèma.
Cadun a sa solucion, e pensi que manifestar per carrèras, quitament se hèr plaser, se mobiliza la joenessa, se hè pas mau, servís gaireben de ren. La sola causa que poderé hèr baishar lo vòte FN es evidentament segon jo de perpausar una alternativa estrambordanta a la politica actuala miada peus “gavidaires” de totas colors dempuèi longtemps e que nos pòrta tot dret de cap a una carrèra òrba. Sus aquò lo Front National es pas responsable e perpausa sas solucions que, se son marridas, balhan a una part de l’electorat un esper de temps milhors.
A la debuta d’aqueste article èi escrit qu’aqueth dia, lo 29 de mai, duas informacions s’entertruquèn.
La dusau pertocava lo ministre deu tribalh, François Rebsamen (lo qu’aurè preferit estar ministre de l’Endehens) lançava una idèia tanvau un pescaire lança una linha ende véser “s’aquò nhaca”. Es una tecnica provada d’aténguer las reaccions ende poder díser que, se lo monde repotega, çò qu’estó dit èra pas sonque “une pista” o “una soscadissa”.
Lo ministre socialista evoquè la supression deus “lindaus sociaus” ende las entrepresas. Aquò que pòt paréisher drin tecnic, mès significa la desapareishuda lèu o a tèrmi long deus comitats d’entrepresa e deus delegats deu personau, que son ara obligatòris au dessús de 50 emplegats endeus comitats e 11 emplegats endeus delegats.
Vielha reivendicacion patronala, aqueste projècte èra presentat coma una experiéncia de tres ans que poderé ajudar l’emplec, çò que deishè saunejaire mès d’un especialista deu mercat deu tribalh.
Vaquí doncas, un còp de mès, una d’aquestas pichonas escoteradas portadas peus socialistas ende sosméter la societat a las leis deu capitalisme ultraliberau qu’ahortissen lo sentit generau d’injustícia e d’inseguretat que, evidentament, engreisha lo vòte FN.
La traïson deu PS, a cada còp mès vededera, partvira complètament lo paisatge politic, destimborla las valors e balha un bon credit au purmèr que sembla portar solucions que protegís lo pòble.
Segon las avoadas de Didier Schuller dens lo líber French Corruption (Gérard Davet, Fabrice Lhomme, ed. Stock, p. 96-97), lo Partit Socialista au poder avèva decidit tre 1983 de finançar lo Front National per rasons estrategicas, ende travar la dreta. François de Grossouvre, conselhèr deu president Mitterand, l’expliquè un jorn a Beirot que las passas (Dejà las retrocomissions!) de la venda d’arma a las Falanjas libanesas èra destinadas a Le Pen.
Testimoniatge o deliris? Mitterand pòt aver decidit d’ajudar la dreta extrèma per machiavelisme naturau o tanben per nostalgia de cap a son anciana familha politica de joentut. Pes ren es provat, èm pas sonque davant suputacions.
Se lo Partit Socialista a doncas sa grana part de responsabilitat dens la situacion actuala, es estonant de legir lo nom de las Joenessas Socialistas au demiei deus organizators de las manifestacions de dijaus. Es pas susprenent pr’amor s’agís de recuperacion politica, mès es susprenent que los manifestants los ajan pas acaçats deus seguicis.
Totun, unas manifestacions localas (pensi particularament a la de Chamberí) avèvan inclusit dens los mòts d’òrdi eslogans qu’arcastavan au partit d’Hollande una part de responsabilitat pr’amor de sa politica antisociala.
Anèm, tot es pas perdut.
La purmèra èra la manifestacion apitada un pauc de pertot en França per organizacions de joens contra lo Front National. Aquò, solide, pr’amor de l’escaduda deu partit de dreta extrèma a las eleccions europenca de dimenge.
Mès “manifestar contra lo FN”, de qué vòu díser exactament? Demandar l’interdiccion deu partit? Pensi que degun dens los seguicis avèva pas imaginat privar un quart deus electors exprimits (10% deus inscrits) de lor expression. La mira èra lavetz oficialament de protestar contra las idèias “dangerosas e xenofòbas” de l’amassada bleu marine. Los vielhs eslogans hasèvan lor sortida, crits dejà plan rodats coma “F coma fascista, N coma nazi” o la cançon La jeunesse emmerde le Front National deu grop Bérurier Noir.
Aquò, personalament, me brembè gaujosament las annadas ueitanta e ma purmèra manifestacion anti-FN trenta ans au davant (1984!), dambe la neishença de la Seccion Clarament Anti Le Pen (SCALP) e l’explosion de la sala Mermoz a Tolosa que devèva recéber un aplec frontista que, fin finala, se debanè devath una tenda. Ongan son los hilhs deus manifestants de 1984 qu’èran per las carrèras.
Se la sang joena borís aisidament e s’es meslèu rassegurant de véser que nòstes capdèth se poden mobilizar per un subjècte coma la de la libertat, nos podèm totun interrogar sus l’eficacitat de talas manifestacions. La tòca es clarament de lutar contra un partit jutjat xenofòbe e suspieitat de racisme.
Dens aqueste cas, cau purmèrament evitar que lo monde vote end’eths. Evidentament, las manifestacions van pas jamès hèr cambiar lo biaish de pensar deus electors frontistas, ocasionaus o regulars. Se pòt quitament crànher un efèit invèrse, los electors se sentissent muishats deu dit e estigmatizats dens lor causida que jutjan eths medish democratica.
Dusaument, cau mobilizar los abstencionistas ende “hèr empach a l’òdi”. Dens una cronica recenta, avèvi muishat qu’abstencion e vòte FN avèvan pas ren de comun, un sondatge a publicat ulteriorament a plan explicat que se la votacion èra obligatòria, 25% deus abstencionistas causirén tanben lo FN e que lo partit deu quau l’electorat es lo mès mobilizat es lo FdG.
Lavetz, la question que nos pausèm dempuèi mès de trenta annadas es de saber de qué cau hèr ende lutar contra la pujada de la dreta extrèma.
Cadun a sa solucion, e pensi que manifestar per carrèras, quitament se hèr plaser, se mobiliza la joenessa, se hè pas mau, servís gaireben de ren. La sola causa que poderé hèr baishar lo vòte FN es evidentament segon jo de perpausar una alternativa estrambordanta a la politica actuala miada peus “gavidaires” de totas colors dempuèi longtemps e que nos pòrta tot dret de cap a una carrèra òrba. Sus aquò lo Front National es pas responsable e perpausa sas solucions que, se son marridas, balhan a una part de l’electorat un esper de temps milhors.
A la debuta d’aqueste article èi escrit qu’aqueth dia, lo 29 de mai, duas informacions s’entertruquèn.
La dusau pertocava lo ministre deu tribalh, François Rebsamen (lo qu’aurè preferit estar ministre de l’Endehens) lançava una idèia tanvau un pescaire lança una linha ende véser “s’aquò nhaca”. Es una tecnica provada d’aténguer las reaccions ende poder díser que, se lo monde repotega, çò qu’estó dit èra pas sonque “une pista” o “una soscadissa”.
Lo ministre socialista evoquè la supression deus “lindaus sociaus” ende las entrepresas. Aquò que pòt paréisher drin tecnic, mès significa la desapareishuda lèu o a tèrmi long deus comitats d’entrepresa e deus delegats deu personau, que son ara obligatòris au dessús de 50 emplegats endeus comitats e 11 emplegats endeus delegats.
Vielha reivendicacion patronala, aqueste projècte èra presentat coma una experiéncia de tres ans que poderé ajudar l’emplec, çò que deishè saunejaire mès d’un especialista deu mercat deu tribalh.
Vaquí doncas, un còp de mès, una d’aquestas pichonas escoteradas portadas peus socialistas ende sosméter la societat a las leis deu capitalisme ultraliberau qu’ahortissen lo sentit generau d’injustícia e d’inseguretat que, evidentament, engreisha lo vòte FN.
La traïson deu PS, a cada còp mès vededera, partvira complètament lo paisatge politic, destimborla las valors e balha un bon credit au purmèr que sembla portar solucions que protegís lo pòble.
Segon las avoadas de Didier Schuller dens lo líber French Corruption (Gérard Davet, Fabrice Lhomme, ed. Stock, p. 96-97), lo Partit Socialista au poder avèva decidit tre 1983 de finançar lo Front National per rasons estrategicas, ende travar la dreta. François de Grossouvre, conselhèr deu president Mitterand, l’expliquè un jorn a Beirot que las passas (Dejà las retrocomissions!) de la venda d’arma a las Falanjas libanesas èra destinadas a Le Pen.
Testimoniatge o deliris? Mitterand pòt aver decidit d’ajudar la dreta extrèma per machiavelisme naturau o tanben per nostalgia de cap a son anciana familha politica de joentut. Pes ren es provat, èm pas sonque davant suputacions.
Se lo Partit Socialista a doncas sa grana part de responsabilitat dens la situacion actuala, es estonant de legir lo nom de las Joenessas Socialistas au demiei deus organizators de las manifestacions de dijaus. Es pas susprenent pr’amor s’agís de recuperacion politica, mès es susprenent que los manifestants los ajan pas acaçats deus seguicis.
Totun, unas manifestacions localas (pensi particularament a la de Chamberí) avèvan inclusit dens los mòts d’òrdi eslogans qu’arcastavan au partit d’Hollande una part de responsabilitat pr’amor de sa politica antisociala.
Anèm, tot es pas perdut.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'emperador de la republica francesa desvelopa una politica anti- sociala fòrta.E lo PS fa çò que l'UMP gausèt pas de far. Un temps ( abans las vestarassas de las eleccions) ne'n foguèt fièr. Disiàn en privat qu'èran sol capables , los aluserpits del PS , de far engolar las reformas als sindicats. Lo refe de l'Etzagonia d'origina papala es a mand de menar lo PS al nivèl de la SFIO en 1958. Es una capitada totala e malastrosament sembla una necessitat . Me pensavi recentament que lo PS cabuçaria dusc' al 15% e n'es rendut a 14% . Lo còp venent encaparà de passar los 10% . Mas lo PS contunha dins la dralha per exemple ara vòl suprimir lo CE dins las entrepresas!!!! Pareis qu'empacha las lògas!!
Cresi plan que l'ora es venguda pels socialistes vertadièrs (Jaures ont es?) de se separar de totes aquelses socalistes de la promocion Voltaire , adèptes e especialistes del curling, sabètz los que jogavan, a la sortida de l'escòla, la causida de son partit a pila o facia e qu'an trobat la vertat dins lo liberalisme, la lei del mercat e la man invisible del trader ; e que prechan per un socialisme d'una novèla mena , pròcha de la City, quitament "financièr" ( la finança aqui l'enemiga!!!, mas : "qu'es pas l'enemic de la finança!!!. Oblidem pas , pas Jospin dins aquel davalada, lo pauròt que venguèt pas arribar lo segond tren , dins la gara de Cintegamela e que foguèt lo primièr ( lo segond aprèp Mitterand) a far pujar lo FN) .
Lèu restarà pas a Francesco qu'a s'aligar ambe lo Juppe ( o Nicolai per sauvar França del las arpas del FN . Lo vesi gròs coma un camion. Lo governament d'union nacionala ! Per donar rason un còp mai a Le Pen.
Digatz me ? De que desepara aquels òmes? Ren .
Doncas tot es possible pel "total record".
Sèm mals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari