Opinion
Barrem los tuadèrs!
Dens lo Monde mei de 60 miliards d’animaus terrèstres e 100 miliards de pèishs que son tuats cada an peu mei hastiau deus predators: l’òmi “carnivòr”.
Que hiqui carnivòr entre verguetas per’mor, au contra de çò qui’s pensa sovent, minjar bèstias n’ei pas ua necessitat entà estar en bona santat. Mei de 600 milions d’umans que se’n passan.
Si n’i a pas de rason de continuar aqueth chaple qui tua tanben l’environament, perqué’u continuam?
Dissabte qui vien a Tolosa que’s harà la segonda marcha internacionala entà barrar tots los tuaders.
Lheu n’i seram pas autant numerós que per l’occitan mes qu’i seram entà desvelhar las conciéncias tot parièr.
Peus qui i seràn, lo poton e a dissabte. Peus qui ne pòden pas anar a Tolosa, lheu accions que’s pòden har a vòste. Enfin peus qui van participar au chaple mondiau un còp mei au dinnar... release the trolls!
Que hiqui carnivòr entre verguetas per’mor, au contra de çò qui’s pensa sovent, minjar bèstias n’ei pas ua necessitat entà estar en bona santat. Mei de 600 milions d’umans que se’n passan.
Si n’i a pas de rason de continuar aqueth chaple qui tua tanben l’environament, perqué’u continuam?
Dissabte qui vien a Tolosa que’s harà la segonda marcha internacionala entà barrar tots los tuaders.
Lheu n’i seram pas autant numerós que per l’occitan mes qu’i seram entà desvelhar las conciéncias tot parièr.
Peus qui i seràn, lo poton e a dissabte. Peus qui ne pòden pas anar a Tolosa, lheu accions que’s pòden har a vòste. Enfin peus qui van participar au chaple mondiau un còp mei au dinnar... release the trolls!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 E!!! Qu'i èri tanben e ne vedoi pas aqueste comentari abans!!! Zut!!
E lo seguent, i vas tanben? Que prenerèi un signe exterior d'occitanisme (drapèu, t-shirt o quauqu'arren atau).
Qu'èram 200 a la marcha, haut o baish.
Sei plan content de veire dau monde occitanistas engatjats per la causa animala, me fai plaser qu'es pas de creire.
Eratz nombros a la marcha ?
L'i a un pica-nica vegetalian dissabdes a Tolosa a l'òrt de la "prada daus filtres" a 13h, vautres l'i seretz ? Ieu i serai.
E saria pas lo combat contra lo capitalisme en que se caldria donar tot dirèctament ? Quand saria ren qu'un mot, m'estona que lo subjèct siègue pas abordat aiçi.
Car sembla qu'es lo siu ( e lo nòstre donc ) sistèma de produccion agroalimentar, que mena a-n una tala produccion e consomacion de carn, e ( sabi pas pr'aquò ) que te fa valer lo produch carn dedins una ideologia de la performança. La question seguèt abordada
L'estatut que se patisson lo bestial al jorn de uòi, son estatut de marchandisa de massa al dedins de nòstre sistèma economic te desquilha tot çò qu'es respèct a l'animal aital coma tota idèa de limitacion dins la produccion, la consomacion e la valorisacion d'aquela consomacion, tot aiçò destimborlat (dedins lo cadre d'un sistèma economic destimborlat dal cap as pès).
Ara comenti aquò, ja dobti pas que lo monde engatjats contra los tuadors pes tres quarts ne siègon tanben contra lo capitalisme.
Bon tanplan se podria interrogar parivament la defensa de las lengas menorisadas.
#2 Supèr!
Per contra, que'ns serem devuts balhar un signe entà's reconéisher per'mor que'ns èm mancats...
I èras tà de bonas? Que pensavi de préner la paraula ua minuta e de parlar en occitan entà que'm reconeishosses mes fin finala n'ac èi pas podut har.
E los tròlls minja-carn que son demorats dens la tuta per aqueste article... Aquò rai!
Un tròll ne vien pas quand ei invitat, qu'ac aurí devut saber.
Si volem aver hèra de comentaris que cau parlar de corrida !... Que hè mei parlar e desparlar que las nòrmas linguisticas e lo front nacionau.
Òsca ! I vau anar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari