Opinion
Evaluacion
Au moment que se clava l’annada escolara, torna, mei que jamei la malaudia tecnocratica de uei: l’evaluadèra. E aquò, solide, pas sonqu’a l’escòla.
En quauquas annadas, l’evaluadèra s’a tot envaït: l’administratiu, mes tanben l’entrepresa, a qui s’impausa o s’apita de l’interior per la quita administracion.
Tot que deu estar evaluat: lo result, mes tanben, lo camin per arribar au resultat, la velocitat de las causas, las pensadas de cap au projècte, las uberturas possiblas per l’avenidor eca... Atau son una tropa d’enquistas, de questionaris, de QCM, d’estatisticas, e autas invencions que lor tòca ten en un mot: mesurar. La malaudia s’es tant espandida que l’evaluadèra es vasuda una sciéncia qui, coma tota sciéncia, pòrta lo son nom prestigiós mesclat de grèc e de latin: “la docimologia”.
Atau prestit de presitigi scientific, l’evaluacion se vòu una mesura exacta de l’anar dau monde que los tectocratas de tota mena espèran coma lo can sa biòca. L’evaluacion es lor pan de cada dia, lora rason d’estar e la justificacion de lor salari. Dau burèu estant, barrats au monde de dahòra, son atau una armada d’emplegats de tota mena qu’inventan, espandissan e dissècan las enquistas, los questionaris, los QCM e las estatisticas.
Avem tots remarcat que las leis e los reglaments navèths (quasí un per setmana) son a mila lègas de tota realitat e en particulèir de la realitat que pensan cubrir.
Solide i a mantuna rasons pr’aquò: los Mossurs qu’apitan las “dispausicions navèras” son de mei en mei trencat de la societat civila e sovent, son a perseguir objectius de poder pas forçadament sociaus, mes tanben, qu’an de decidir en partir de las evaluacions qu’apitan per eths las manòtas tecnocraticas…
A maugrat de l’avanç espectacular de la “docimologia”, l’evaluacion damòra una vista deformada de la realitat. Pr’aquò i a matuna rasons:
Au cap de tot, lo sentit, lo viscut e la vida vidanta se tròban tirats de l’evaluacion. Caçada qu’es la complexitat de l’éste uman: aquò non interessa pas la tecnocracia que se vòu “scientifica e estatistica”. Lo domèni de l’afectiu es lo daus poètas, daus febles que con·honen governar e amistosar…
Dinc a quan?
En quauquas annadas, l’evaluadèra s’a tot envaït: l’administratiu, mes tanben l’entrepresa, a qui s’impausa o s’apita de l’interior per la quita administracion.
Tot que deu estar evaluat: lo result, mes tanben, lo camin per arribar au resultat, la velocitat de las causas, las pensadas de cap au projècte, las uberturas possiblas per l’avenidor eca... Atau son una tropa d’enquistas, de questionaris, de QCM, d’estatisticas, e autas invencions que lor tòca ten en un mot: mesurar. La malaudia s’es tant espandida que l’evaluadèra es vasuda una sciéncia qui, coma tota sciéncia, pòrta lo son nom prestigiós mesclat de grèc e de latin: “la docimologia”.
Atau prestit de presitigi scientific, l’evaluacion se vòu una mesura exacta de l’anar dau monde que los tectocratas de tota mena espèran coma lo can sa biòca. L’evaluacion es lor pan de cada dia, lora rason d’estar e la justificacion de lor salari. Dau burèu estant, barrats au monde de dahòra, son atau una armada d’emplegats de tota mena qu’inventan, espandissan e dissècan las enquistas, los questionaris, los QCM e las estatisticas.
Avem tots remarcat que las leis e los reglaments navèths (quasí un per setmana) son a mila lègas de tota realitat e en particulèir de la realitat que pensan cubrir.
Solide i a mantuna rasons pr’aquò: los Mossurs qu’apitan las “dispausicions navèras” son de mei en mei trencat de la societat civila e sovent, son a perseguir objectius de poder pas forçadament sociaus, mes tanben, qu’an de decidir en partir de las evaluacions qu’apitan per eths las manòtas tecnocraticas…
A maugrat de l’avanç espectacular de la “docimologia”, l’evaluacion damòra una vista deformada de la realitat. Pr’aquò i a matuna rasons:
— De las tecnicas çò purmèir, un questionari, per autant perfèit com sii, es tostemps una aproximacion e l’apielament daus formularis n’i cambiarà pas arren. Urosament la vita se puirà pas pas jamei numerisar.
— I a tanben una mena de resisténcia populara a l’evaluacion. Resisténcia conscienciosa o pas, proteccion e laissèra dau cargat d’apitar las responsas, lo formulari finau, dens las mans dau Mossurs se tròba plan lunh de çò que crèi mesurar.
— De tota faiçon, lo traitament estatistic, menora e atuda las realitats de tarrenc, atau com una mejana estuja las diferéncias.
— I a tanben una mena de resisténcia populara a l’evaluacion. Resisténcia conscienciosa o pas, proteccion e laissèra dau cargat d’apitar las responsas, lo formulari finau, dens las mans dau Mossurs se tròba plan lunh de çò que crèi mesurar.
— De tota faiçon, lo traitament estatistic, menora e atuda las realitats de tarrenc, atau com una mejana estuja las diferéncias.
Au cap de tot, lo sentit, lo viscut e la vida vidanta se tròban tirats de l’evaluacion. Caçada qu’es la complexitat de l’éste uman: aquò non interessa pas la tecnocracia que se vòu “scientifica e estatistica”. Lo domèni de l’afectiu es lo daus poètas, daus febles que con·honen governar e amistosar…
Dinc a quan?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Boaaaa! Qu'ei tard que soi fatigat, los mens dits ne hèn pas mei çò qui voi e qu'èi páur que lo messatge precedent sia de mau compréner.
Que'u torni picar e que'm vau cochar!
Hmmm ... Desolat si'vs sembli drin brutau e pretenciós mes que crèi que n'ètz pas tot a fèit au corrent de çò qu'ei la docimologia : n'ei pas ua pseudo-ciéncia qui serviré a fabricar evaluacions. Qu'ei ua ciéncia qui estudia los factors e los biais qui influéncian l'evaluacion e la notacion en mitan escolar.
http://fr.wikipedia.org/wiki/Docimologie
Los cercaires en docimologia que son sovent ligats a l'educacion navèra (n'an donc pas ua posicion neutra per rapòrt au lor objècte d'estudi) e que n'arriban a conclusions de las interessantas qui van dens lo vòste sens, ce'm sembla.
Bona nueit........
Hmmm ... Desolat si'vs sembli drin brutau e pretenciós mes que crèi que n'ètz pas tot a fèit au corrent de çò qu'ei la docimologia : n'ei pas ua pseudo-ciéncia qui serviré a fabricar ecaluacions. Qu'ei ua ciéncia qui estudia los factors e los biais qui infléncian l'evaluacion e la notacion en mitan escolar.
http://fr.wikipedia.org/wiki/Docimologie
Los cercaires en docimologia que son sovent ligats a l'educacion navèra (n'an donc pas ua posicion neutra per rapòrt au lor objècte d'estudi) e que n'arriban a conclusions de las interessantas qui van dens lo vòste sens, ce'm sembla.
Crèsi que farian melhor d'avalorar las accions entrepresas al nòstre nivèl occitan. Apèi trent'ans de luchas podem pas diser que las nòstras accions fuguèron d'una granda eficacitat. Sens cap de dobte i a causas a melhorar, d'autras a cambiar. Una avaloracion senada nos faria lum benlèu.
Beròi dit !
L'evaluadèra n'ei pas jamés eishenja d'ideologia, e mei que mei de l'adequacionisme qui senhoreja a l'edat deu tot-economic. Qu'am tendéncia a mesurà'c tot en tèrmes de rendament e de classament a-qui-pisha-mei-enlà, au detriment de tot çò de mei.
En tau enterpresa especifica o tà ua mission precisa, plan solide que's pòt justificar. Mes ne deu pas jamei har sistèma ni vàder un modèl tà la societat tota.
Lo risc qu'ei lo darwinisme e quitament l'eugenisme sociau, quan estrémam com inaptes los qui ne caben pas dens lo motle dominant : alavetz los decididors que's pairan de qualitats e de competéncias qui trobaràn de manca de d’òra o de tard.
"Avaloracion" e "avalorar" son mai occitans qu'"evaluacion" e "evaluar".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari