Opinion
Ipocrisia governamentala
Coma mai d'un en queu periòde estivau, sei partit quauques jorns en vacanças. Coma mai d'un sei partit luenh de chas me per me despaïsar. E coma mai d'un, legisse la premsa locala per m'informar de çò que se passa e mai que mai de las festivitats estivalas.
Aitau dins lo Ouest-France de dimars passat, trobei un article sus una de las consequéncias dau desrèglament climatic : la fonda daus glaciers arctics en Norvègia. Laurent Fabius, ministre daus afars estrangiers francés, i es en viatge per preparar la conferéncia mondiala sus lo clima de decembre 2015 a París. Per s'impregnar de la problematica. Quand lo jornalista li ditz que la conferéncia deu reüssir, li respond : "Qu'es una obligacion e un desfís. Coma zo poguerem constatar sus l'archipeu de Svalbard, lo reschaufament es a l'òbra aura. Las consequéncias son realas." Borge Brende, omològ norvegian de Laurent Fabius, apond : "Çò que se passa aicí tòca l'ensems de l'ecosistema mondiau."
Efectivament. Sei plan de consent coma queus ministres. E coma per refortir queu constat, la pagina seguenta me presentava de que migrar : "Subretifon : alerta maximala au Japon." Qu'es lo tifon lo mai violent dempuei 15 ans segon un oficier american. 1,2 milions de personas concernidas. Coma ne pas far lo liam entre l'acceleracion daus fenomens climatics, de mai en mai violents, e los revers successius de las negociacions internacionalas. Kyoto, Copenaga, e mai recentament en Polonia, quand las associacions ecologistas partigueren per 'mor que los governs seguissián las demandas daus lobbies industriaus. Las bravas paraulas daus dos ministres me semblan plan ipocritas. E Fabius que contunha : "En França e en Euròpa, devem desvelopar una ecologia positiva." Talament positiva que los ecologistas ne son sortits dau govern.
Pertant avem pas d'autra chausida que d'esperar que los governs s'entendan. E pueschan diminuir las consequéncias aura inevitablas dau chamjament climatic.
Aitau dins lo Ouest-France de dimars passat, trobei un article sus una de las consequéncias dau desrèglament climatic : la fonda daus glaciers arctics en Norvègia. Laurent Fabius, ministre daus afars estrangiers francés, i es en viatge per preparar la conferéncia mondiala sus lo clima de decembre 2015 a París. Per s'impregnar de la problematica. Quand lo jornalista li ditz que la conferéncia deu reüssir, li respond : "Qu'es una obligacion e un desfís. Coma zo poguerem constatar sus l'archipeu de Svalbard, lo reschaufament es a l'òbra aura. Las consequéncias son realas." Borge Brende, omològ norvegian de Laurent Fabius, apond : "Çò que se passa aicí tòca l'ensems de l'ecosistema mondiau."
Efectivament. Sei plan de consent coma queus ministres. E coma per refortir queu constat, la pagina seguenta me presentava de que migrar : "Subretifon : alerta maximala au Japon." Qu'es lo tifon lo mai violent dempuei 15 ans segon un oficier american. 1,2 milions de personas concernidas. Coma ne pas far lo liam entre l'acceleracion daus fenomens climatics, de mai en mai violents, e los revers successius de las negociacions internacionalas. Kyoto, Copenaga, e mai recentament en Polonia, quand las associacions ecologistas partigueren per 'mor que los governs seguissián las demandas daus lobbies industriaus. Las bravas paraulas daus dos ministres me semblan plan ipocritas. E Fabius que contunha : "En França e en Euròpa, devem desvelopar una ecologia positiva." Talament positiva que los ecologistas ne son sortits dau govern.
Pertant avem pas d'autra chausida que d'esperar que los governs s'entendan. E pueschan diminuir las consequéncias aura inevitablas dau chamjament climatic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Puslèu "Polonha" en occitan normatiu ;)
Correccions:
"Qu'es lo tifon mai violent dempuei 15 ans"
"PolÒnia"
"Ipocrisia governamentala": es pas un pleonasme aquò? ;-)
Farai mai fisança als govèrns de païses coma Norvègia qu'als govèrn dels estats totpoderoses.
Pensi que cal que la comunautat ecologista internacionala s'apuège sus d'estats coma los d'Escandinàvia que, malgrat que son pas de poténcias de dimension gegantassas, tenon un excellent credit moral per tot arreu lo planèta e un excellent malhum diplomatic.
Mas ente veses-tu de l'ipocrisia ? Nòstres "representants" son onestes e sinceres, afen, a lor mòda... ;)
E puei, lo chamnhament climatic, quò exista pas quò-quí, qu'es ren mas 'n'entraupa de bobos maltusians anti-progrès, non ?
« E Fabius que contunha : "En França e en Euròpa, devem desvelopar una ecologia positiva." Talament positiva que los ecologistas ne son sortits dau govern. »
Desjà, que lu Fabius prenguesse un avion per 'visar lu rechaufament, tròbe quò mai-que-mai colhon. Per ne'n dire una dau niveu d'un rabhisonor, perque non.
Mas, mas, mas, per lu plaser de mamesar, me songe seriosament que los EELV (un sigle, aures) dau governament, erian mas aquí per lu plaçon que non pas l'ecologia.
Jan Peire & Bertrand
(an besonh d'estre 3 per ne'n dire)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari