Los dos sistèmas de basa
 
Nòstra lenga ten dos sistèmas de basa per dire l’ora. Totes dos me semblan acceptables en occitan estandard (d’autras lengas estandards tanben coneisson de sistèmas dobles per indicar l’ora).
 
(1) Lo primièr sistèma de basa, lo pus estendut, consistís a dire ora(s) après lo nombre d’oras e abans lo nombre de minutas.
  Aqueste sistèma s’utiliza pauc en auvernhat e en gascon aranés.
 
Un sistèma similar se tròba en francés (5h00 = cinq heures), en piemontés (5h00 = sinch ore) e en catalan del nòrd (5h00 = cinc hores). La raretat d’un tal sistèma en auvernhat, e sa preséncia en piemontés, fan qu’es dificil d’afirmar de manièra segura qu’es un francisme.
 

(2) Lo segond sistèma de basa demanda de metre l’article definit (l’, las) davant lo nombre d’oras e de suprimir lo mot ora(s), qu’es sostentendut.
  Aqueste segond usatge es frequent en auvernhat e en gascon aranés (aicí lo vesèm adaptat a l’occitan general).
 
Un biais de dire analòg se tròba en espanhòl (5h00 = las cinco), en italian (5h00 = le cinque) e dins l’usatge majoritari del catalan (5h00 = les cinc). La preséncia d’un tal sistèma en auvernhat rend malaisat d’afirmar que seriá automaticament una influéncia de l’espanhòl o de l’italian. En mai d’aquò, aqueste sistèma s’utiliza pas gaire dins las Valadas Occitanas que se tròban jos dominacion italiana...
 
 
Remarcas sus los dos sistèmas de basa
 
Trobam qualques variacions segondàrias dins la causida dels mots, per exemple:
   
 
Lo compte sus 12 oras
 
L’usatge majoritari demanda de comptar sus un cicle de 12 oras e de precisar, se per cas es necessari, “del matin”, “del ser”, “del jorn” o “de la nuèch”.
   
 
Tanben avèm drech de comptar sus 24 oras
 
L’usatge de comptar sus 24 oras es pas brica novèl ni estranh. Existís dempuèi l’Edat Antica dins certans usatges sabents e divèrsas lengas. S’es espandit a la fin del sègle XIX e al sègle XX dins los usatges tecnics coma los oraris de trens e d’avions, la planificacion del trabalh, l’armada e l’administracion per tal d’evitar las ambigüitats. Totas las lengas de granda comunicacion coneisson lo compte en 24 oras dins certans domenis.
 
En occitan es perfièchament acceptable de comptar lo temps sus 24 oras, cada còp que nos pòt semblar practic, coma dins las autras lengas del mond modèrne. Es pas un francisme...
   
Dins lo compte sus 24 oras, evitam de dire quart, mièja e manca (o mens); preferissèm lo simple nombre de minutas.

Abreviacions
 
La notacion abreujada de las oras, segon una convencion internacionala, preferís las chifras aràbias sus 24 oras. Après lo nombre d’oras, botam lo simbòl h que ven del latin hora. Es pas un francisme... Lo simbòl dels dos ponches (:) s’accèpta tanben.
   
 
Exemples regionalizats
 
Los exemples donats dins aqueste article son en occitan estandard general. Se los volètz adaptar a las modalitats regionalas de l’occitan estandard, las principalas variacions seràn las seguentas:
     
(Remarquem qu’ora es ben corrècte en gascon, e mai se i trobam tanben òra.)