Opinion
L’òme e la natura
Quand me carculei sus lo tema de mon article dau mes de novembre, me dissei que me lo faudriá far sus lo drama de Sivens e çò que nos ditz de l’afrontament que sem a viure dempuei la chasuda dau mur de Berlin e la fin de la guerra freja. Lo sos-comandant Marcos, famós rebelle dau Chiapas, parla de quatresma guerra mondiala. Lo capitalisme triomfant s’es trobat fàcia a una novela oposicion que ne’n fan partida los ecologistas, los altermondialistas e çò que podem apelar la gaucha paisana. L’oposicion de dos projectes de societat, que ne’n faguei mon prumier article de ma cronica sus Jornalet. Un afrontament que mena de la violéncia daus dos costats, un afrontament fòra democracia, contra los simbò s de l’Estat e dau capitalisme, coma las bancas, d’un costat, contra los “extremistas” de l’autre. Chascun, dins son camp, acceptant mai o mens sa violéncia propria, de las degradacions de bens publics aus blessats e mai aus mòrts chas l’adversari.
Mas finalament, Sèrgi Viaule me balhet una autra idea, que trobei finalament mai constructiva e pedagogica. En comentari d’un article sus la polemica a prepaus dau noveu palaiç presidenciau turc, nos explica que los “ecologistas integristas” de totas las epòcas, an degut bramar contra tots projectes beus, de las piramides au canau de las doas mars, en tut passar per lo pont dau Gard. E que finalament demòra totjorn quelas construccions maugrat tots quilhs bramadís. Puei me mandet un comunicat de premsa dau Clusèl que ditz que “mercés a sa talha, lo pichon barratge de Sivens a pas d’impacte negatiu màger sul mitan ecologic del parçan”. Quò necessita una explicacion sus l’impacte de l’umanitat sus la natura, perque l’enjuec de la biodiversitat me sembla pas comprengut.
Òc-plan, las activitats umanas an totjorn agut un impacte sus l’environament. L’òme a totjorn transformat la natura. La diferéncia essenciala entre auei e l’Antiquitat o l’Atge Mejan qu’es l’estenduda de la transformacion e sa vistessa. Davant l’era industriala, los impactes daus umans eran limitats geograficament e lents. Un equilibri noveu aviá lo temps de se far. D’efiech, la majoritat daus mitans naturaus d’Euròpa son estats artificializats sens destruccion de la biodiversitat. Un exemple dau brave es Camarga. Mas dempuei l’era industriala, avem mai artificializat, mai destrusit que pendent tota l’existéncia de l’umanitat. La natura pòt pas segre lo ritme, pòt pas tornar trobar un equilibri e dispareis. Auei l’artificializacion d’un mitan mena a la destruccion irreversibla de la biodiversitat. Lo barratge de Sivens, emb sas compensacions insufisentas segon lo Conselh Nacionau de la Proteccion de la Natura, i participa.
L’òme oblida qu’eu es nonmàs una partida de l’ecosistema terrestre. Podem pas viure dins un monde fora natura, totalament artificializat. Manca de voler realizar la cachavielha dau filme Soylent Green.
Mas finalament, Sèrgi Viaule me balhet una autra idea, que trobei finalament mai constructiva e pedagogica. En comentari d’un article sus la polemica a prepaus dau noveu palaiç presidenciau turc, nos explica que los “ecologistas integristas” de totas las epòcas, an degut bramar contra tots projectes beus, de las piramides au canau de las doas mars, en tut passar per lo pont dau Gard. E que finalament demòra totjorn quelas construccions maugrat tots quilhs bramadís. Puei me mandet un comunicat de premsa dau Clusèl que ditz que “mercés a sa talha, lo pichon barratge de Sivens a pas d’impacte negatiu màger sul mitan ecologic del parçan”. Quò necessita una explicacion sus l’impacte de l’umanitat sus la natura, perque l’enjuec de la biodiversitat me sembla pas comprengut.
Òc-plan, las activitats umanas an totjorn agut un impacte sus l’environament. L’òme a totjorn transformat la natura. La diferéncia essenciala entre auei e l’Antiquitat o l’Atge Mejan qu’es l’estenduda de la transformacion e sa vistessa. Davant l’era industriala, los impactes daus umans eran limitats geograficament e lents. Un equilibri noveu aviá lo temps de se far. D’efiech, la majoritat daus mitans naturaus d’Euròpa son estats artificializats sens destruccion de la biodiversitat. Un exemple dau brave es Camarga. Mas dempuei l’era industriala, avem mai artificializat, mai destrusit que pendent tota l’existéncia de l’umanitat. La natura pòt pas segre lo ritme, pòt pas tornar trobar un equilibri e dispareis. Auei l’artificializacion d’un mitan mena a la destruccion irreversibla de la biodiversitat. Lo barratge de Sivens, emb sas compensacions insufisentas segon lo Conselh Nacionau de la Proteccion de la Natura, i participa.
L’òme oblida qu’eu es nonmàs una partida de l’ecosistema terrestre. Podem pas viure dins un monde fora natura, totalament artificializat. Manca de voler realizar la cachavielha dau filme Soylent Green.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pensi a una varietat de milhòc OGM, creada recentament, e qui d'après los industriaus responsables seré capabla de resistir au sequèir, a la manca d'aiga, a una tèrra prauba etc... E son fièrs e auturós d'aver creat lo milhòc, originau. Se confirma que lo subermilhòc aqueste existiva dejà, naturalament. Es l'ajòu de tota espècia de milhòc suu planeta. (Be fau estar pèc egau).
Gabrièu no'n poiré parlar hèra melhor que non pas jo.
Dins las darrièras manifestacions dels agricultors se podiá legir d'eslogans contra l'aparament de la biodiversitat que seriá per eles pas qu'un dictat tecnocratic de mai. Aquò pròva qu'an pas comprés çò qu'es, nimai sas consequéncias. Sembla tanben qu'aquela nocion siá pas totjorn clara per d'ecologistas que i a.
Aquí un pichòt expausat (en francés) que me sembla pro didactic :
http://www.universcience.tv/video-pierre-henri-gouyon-et-la-biodiversite-6602.html
e aquí :
http:/ /www.canal-u.tv/video/mnhn/la_biodiversite_vue_par_patrick_blandin.15433
Mercés Maime per aquel article.
Sei fòrça d'acòrd. Aura, los umans ocupan tota la Terra, o quitament, e transforman l'environament coma jamai, ad una vistessa de pas creire. Nòstras contradas son daus deserts de biodiversitat e voudrián d'enguera redusir mai aquela biodiversitat. Au nom dau produrre totjorn mai, faudriá sacrifiar çò que resta de natura (emai si es desjà transformada) per chas nos. Ieu comprene pas aqueu monde ente los umans agissen tot coma si eram possessors de la natura quand aparten pertant a degun. Ieu crese que seriá pas mau d'agir d'un biais mai umile, mai calculat e mai suau (doç e lent), eschivariá de sejar la bròcha sus laquau som siclats, e puei après tot, l'umanitat es un epifenomèn dins l'istòria de la Terra, seriá aus umans de far de sòrta que sián pas nonmàs un desastre ecologic que roina tot e minja totas las reservas de matèria prumiera, que an metut tant de temps (daus milions d'annadas daus còps) per se constituir, en un ren de temps, e que expleita e chapla las autras espècias a son agrat, segon son bon voler. Afen, m'es d'avís que faudriá limitar l'emprenta daus umans sus la natura per lo ben comun. Quò voudriá dire èsser pas tant prometeans. Mas sabe ben bien que se fará pas (sorry per mon pessimisme mas me sembla que quò es desjà tròp tard).
Urosament qu'as precisat "L’òme oblida qu’eu es nonmàs una partida de l’ecosistema terrestre". Mès aquò's benlèu pas sufisent. Cresi que l'òme diuré shanjar son sistèma de pensada e s'esforçar de se comparar objectivament aus auts animaus.
- L'òme samia blat = artificiau // Lo gai samia aglands = naturau
- L'òme bastis barratges = artificiau // Lo castòr bastis barratges = naturau
- L'òme eishartiga = artificiau // Lo moton brosta l'èrba = naturau
etc.
Es qu'aquera vision es normala ? Non, les vilas son pas pus artificialas que les hormiglèiras, tot es la natura. Après, tot es una question d'equilibre entre les espècias.
Quò's normau que nos interèssim d'abòrd a nòsta espècia (cadun se preaucupa de çò que li es pròishe), mès pas que nos considèrim coma diferents o superiors per rapòrt au rèsta dau monde. L'òme sap pas viver devath l'aiga, volar demb alas, véser los infra-roges, enténder los ultra-sons, viver 200 ans, ...
Precision diabolica per provar la malfasença de l'entrepresa que consistís a produsir totjorn mai, destruccion de la biodiversitat obliga. Benlèu s'i anava ben lo "volet" uman s'avesinant del "volet" environamental.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari