Opinion
Las ensaladas de fetge sec
Dins fòrça endreches de Lengadòc, dins los païses que i a entre Albigés e Carcassés (aqueles dos compreses), i a la costuma de far de fetge sec, qu’es un fetge de pòrc salat e secat. Aquel fetge se vend dins los masèls al talh e s’emplega per donar de gost als plats cosinats e sustot coma ingredient de doas ensaladas: l’ensalada de rafes e fetge sec, tradicionala d’Albigés, e l’ensalada de carchòfas e fetge sec, mai coneguda a Carcassona e a l’entorn. Las doas ensaladas son fòrça presadas pel mond del país, mas la sabor un pauc fòrta del fetge sec pòt estonar los toristas.
Ensalada de rafes e fetge sec
Ingredients (per 4 personas). 200 gramas de fetge sec, 300 gramas de rafes, d’òli d’oliva e de vinagre.
Preparacion. Metrem mièg det d’òli dins una padena e o daissarem al fuòc. Quand serà caud (mas pas tròp) i metrem lo fetge, qu’aurem talhat prèviament a lescas d’un det de larg. Quand serà fregit un pauc d’un costat, lo virarem e lo fregirem de l’autre. I apondrem alavetz un pauc de vinagre e lo daissarem bolir qualques segondas. Trairem lo fetge, lo talharem en cubes e lo metrem dins una sièta. Ruscarem los rafes jol robinet, los talharem a rondèlas, los metrem dins la sièta e o servirem a taula.
Variantas. Qualques unes preferisson fregir los rafes qualques segondas.
Ensalada de carchòfas e fetge sec
Ingredients (per 4 personas). 200 gramas de fetge sec, 4 carchòfas, d’òli d’oliva e de vinagre.
Preparacion. Talharem lo tronc de las carchòfas al ras del fruch, e ne levarem après las fuèlhas exterioras, ne talharem las ponchas, las talharem per la mitat, ne trairem la borra interiora (se n’avián) e las talharem a fuelhas (ni tròp finas ni tròp gròssas). Farem après lo fetge de la meteissa manièra que dins la recèpta preferenta e o metrem tot dins una sièta
Variantas. Qualques unes preferisson fregir un pauc las carchòfas.
_____
L’autor del present article es a collectar de variantas del plat, e tanben las divèrsas denominacions e los dialectalismes tanhents, e mercejariá fòrça totas las informacions que los legeires li poiràn mandar.
Ensalada de rafes e fetge sec
Ingredients (per 4 personas). 200 gramas de fetge sec, 300 gramas de rafes, d’òli d’oliva e de vinagre.
Preparacion. Metrem mièg det d’òli dins una padena e o daissarem al fuòc. Quand serà caud (mas pas tròp) i metrem lo fetge, qu’aurem talhat prèviament a lescas d’un det de larg. Quand serà fregit un pauc d’un costat, lo virarem e lo fregirem de l’autre. I apondrem alavetz un pauc de vinagre e lo daissarem bolir qualques segondas. Trairem lo fetge, lo talharem en cubes e lo metrem dins una sièta. Ruscarem los rafes jol robinet, los talharem a rondèlas, los metrem dins la sièta e o servirem a taula.
Variantas. Qualques unes preferisson fregir los rafes qualques segondas.
Ensalada de carchòfas e fetge sec
Ingredients (per 4 personas). 200 gramas de fetge sec, 4 carchòfas, d’òli d’oliva e de vinagre.
Preparacion. Talharem lo tronc de las carchòfas al ras del fruch, e ne levarem après las fuèlhas exterioras, ne talharem las ponchas, las talharem per la mitat, ne trairem la borra interiora (se n’avián) e las talharem a fuelhas (ni tròp finas ni tròp gròssas). Farem après lo fetge de la meteissa manièra que dins la recèpta preferenta e o metrem tot dins una sièta
Variantas. Qualques unes preferisson fregir un pauc las carchòfas.
_____
L’autor del present article es a collectar de variantas del plat, e tanben las divèrsas denominacions e los dialectalismes tanhents, e mercejariá fòrça totas las informacions que los legeires li poiràn mandar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
praubes pòrcs...
Mercé plan per aquèl article que me fa descobrir una mangíscla que coneissia pas .
Un plaser de legir un article sus la gastronomia en occitan!
Espèri que serà lo primièr d'una brava sèria
Mercés plan per aquesta seccion de cosina occitana.
Quin astre! Grandmercé Sénher Marqués!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari