La societat de consume venèm de festejar Nadal. Sèm estats de milions a anar dins las botigas per comprar los presents. Lo periòde de Calendas entraïna un frenèsi dins las botigas. Aquel frenèsi se pòt explicar amb la societat de consume. Mas qu’es aquò la societat de consume? La societat de consume es una societat dins la quala lo consumaire es butat a comprar totjorn mai. Al temps que sèm, per far plaser devèm ofrir quicòm que se compra. De mai, compram de produches que n’avèm pas la necessitat. Fòrça personas consuman per existir. An besonh, per exemple, de comprar lo darrièr telefòn per se sentir plan e existir.
 
Nosautres consumam sens chifrar a las consequéncias. La publicitat pòt influenciar la causida al moment de comprar. D’efièch, la publicitat es pertot, a la television, sus Internet, per carrièras… Puèi, aquela societat pòt èsser perilhosa. D’un caire, plan de personas devenon independentas e degalhan sens o veire a bèl èime. D’autre caire, dins aquela societat sacam al bordilhièr plan tròp. Quand un produch nos agrada pas, lo sacam al bordilhièr e anam comprar quicòm mai. Compram per enveja mai que per necessitat. De mai, amb Internet podèm comprar dempuèi l’ostal sens sortir. Internet destrutz plan d’emplecs e fa barrar plan de botigas.
 
En revenge, podèm èsser un consumaire responsable. D’efièch, sufís d’èsser atentiu. Totparièr, devèm agachar la provenença d’un produch e saber se lo produch nos fa vertadièrament besonh. Un consumaire responsable chifra abans de comprar e vòl saber ont va sa moneda. Podèm e devèm venir de consumaires responsables!