Opinion
Lo ciutadan francés-milafuèlhas!
Desempuèi lo chaple de Charlie-Hebdo, l’ora ne seriá a l’unitat nacionala e a las valors qu’an fargada França.
President, primièr ministre, tenors de la majoritat o de l’oposicion, enfin totes los que se creson sortits de la “cosina” de Jupitèr o de Zèus i van de lor coplet sul pòble francés e son identitat.
Los jornalistas son pas en rèsta e tenon a far saber que son tanben demest los elèits en se fasent lo resson dels politicians e en percacant totas las paraulas qui nolens volens menaçarián l’integritat nacionala.
Lo quite president, lo paure, se faguèt criticar per son emplec de la frasa “francés de soca” a prepaus del vandalisme del cemitèri josieu en Alsàcia per de joves de l’endrech.
E nòstres mèdia de s’interrogar sul “derrapatge” presidencial!
Ça que la, aquel pòble elegit, lo sol pòble digne de portar lo nom de pòble qu’en manifestant, çò diguèron e escriguèron totes, coma un sol òme es pas jamai estat autan dividit en comunitats que sián josiva, musulmana, crestiana, atèa o libre-pensaira.
Aimariái que qualqu’un m’expliquèsse l’afar. Se los tenents d’aquel ciutadan perfièch que fa lo cement de la Republica perfiècha, ela tanben, coma se fa que los jacobins mai acarnassits de Chevènement a Melenchon en passant per la Le Pen ajan pas suls pòts qu’aquel mot: comunitat!
Un pauc coma se los occitans disián: lo pòble occitan mas tòques pas a mon vilatge e a sa parladura qu’a pas res a veire amb la del vilatge vesin…
O dison? Excusatz me, o aviái doblidat!
President, primièr ministre, tenors de la majoritat o de l’oposicion, enfin totes los que se creson sortits de la “cosina” de Jupitèr o de Zèus i van de lor coplet sul pòble francés e son identitat.
Los jornalistas son pas en rèsta e tenon a far saber que son tanben demest los elèits en se fasent lo resson dels politicians e en percacant totas las paraulas qui nolens volens menaçarián l’integritat nacionala.
Lo quite president, lo paure, se faguèt criticar per son emplec de la frasa “francés de soca” a prepaus del vandalisme del cemitèri josieu en Alsàcia per de joves de l’endrech.
E nòstres mèdia de s’interrogar sul “derrapatge” presidencial!
Ça que la, aquel pòble elegit, lo sol pòble digne de portar lo nom de pòble qu’en manifestant, çò diguèron e escriguèron totes, coma un sol òme es pas jamai estat autan dividit en comunitats que sián josiva, musulmana, crestiana, atèa o libre-pensaira.
Aimariái que qualqu’un m’expliquèsse l’afar. Se los tenents d’aquel ciutadan perfièch que fa lo cement de la Republica perfiècha, ela tanben, coma se fa que los jacobins mai acarnassits de Chevènement a Melenchon en passant per la Le Pen ajan pas suls pòts qu’aquel mot: comunitat!
Un pauc coma se los occitans disián: lo pòble occitan mas tòques pas a mon vilatge e a sa parladura qu’a pas res a veire amb la del vilatge vesin…
O dison? Excusatz me, o aviái doblidat!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Siáu francés, de fach, e siáu tanben occitan, de fach ( 800 ans de drech dau sὸu ! Alὸrs Le Pen defὸra ?) e per causida. Occitan es mon biais d’èsser a la vida, mon biais d’èsser urόs, ribon-ribanha. E de vida n’aurai pas qu’una soleta. Perqué deuriáu rintrar absoludament dins un quadre estrech d’una identitat « nacionala » pantaïada per d’autres ? Quadre,quadres, que son negacions de la vida. Adonc ges de viure ensems que tengue, ges de vertadiera democracia possibla.
Lo ciutadan perfièch per la Republica e per tot sistèm governaire, dèu èsser lobotòmizat, sens rasigas e subretpt pensar pas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari