Opinion
Vida privada, qu’es aquò?
Que o volgam o pas, degun i pòt pas escapar e son pas las repotegadas d’un o de l’autre que i cambiarà quicòm!
Per far progressar lo progrès —perqué pas!— i a pas que la creissença, nos dison los que nos governan. E cadun de nosautres i crei a n’aquel progrès, levats qualques reborsièrs que voldrián la descreissença...
Los nòstres dròlles primièrs, que cada persona responsabla se fa de lagui per lor avenidor, se senton pas encara tròp concernits benlèu mas ensajatz de lor tirar lo telefonet intelligent o la tauleta de las mans e podètz èsser segur que vos menaràn un rambalh del diable.
Los vièlhs tanben s’i son metuts, d’abòrd a l’ordenador puèi al telefonet e ara a la tauleta. Al començament, èra per çò que volián pas passar per de has been, puèi se son daissats engarçar per las rets socialas e son de mai en mai nombroses a voler liker e a aver d’amics, al grand desplaser de las joves generacions que vòlon pas venir amics amb lors parents e encara mens amb lo papi o la mamie —plan mai dins lo vent que lo papeta e la mameta, non?— pensatz!
E, coma cal seguir la mòda, dins pauc de temps, los vièlhs faràn rampèl als joves per metre en plaça publica totes los detalhs de lor vida vidanta e de lor privacy —vida privada— coma dison los Italians!
E ara que lo govèrn vòl far passar una lei que d’unes jutjan liberticida mas que lo motiu oficial es la lucha contra lo terrorisme, n’i a per repotegar quitament se las bonas armas dison que “lo qu’a pas res a amagar a pas res a crentar”.
Los òmes (sens generic), sèm d’animals curioses, non?
Per far progressar lo progrès —perqué pas!— i a pas que la creissença, nos dison los que nos governan. E cadun de nosautres i crei a n’aquel progrès, levats qualques reborsièrs que voldrián la descreissença...
Los nòstres dròlles primièrs, que cada persona responsabla se fa de lagui per lor avenidor, se senton pas encara tròp concernits benlèu mas ensajatz de lor tirar lo telefonet intelligent o la tauleta de las mans e podètz èsser segur que vos menaràn un rambalh del diable.
Los vièlhs tanben s’i son metuts, d’abòrd a l’ordenador puèi al telefonet e ara a la tauleta. Al començament, èra per çò que volián pas passar per de has been, puèi se son daissats engarçar per las rets socialas e son de mai en mai nombroses a voler liker e a aver d’amics, al grand desplaser de las joves generacions que vòlon pas venir amics amb lors parents e encara mens amb lo papi o la mamie —plan mai dins lo vent que lo papeta e la mameta, non?— pensatz!
E, coma cal seguir la mòda, dins pauc de temps, los vièlhs faràn rampèl als joves per metre en plaça publica totes los detalhs de lor vida vidanta e de lor privacy —vida privada— coma dison los Italians!
“Aqueste matin, ai plan dejunat!; ai d’amics que me son venguts veire, aquí la fòto!; la setmana passada lo mètge me diguèt qu’aviái un cancèr de la tiroïde e que caliá operar. L’operacion s’es plan passada. Uèi pas mai de cancèr!” etc.
Aital de totes los eveniments, dels ninòis als mai grèus… à l’intencion dels amics, de segur, mas generalament a l’intencion de totes los que vos like dins la mesura que lo parametratge es pas fach correctament.E ara que lo govèrn vòl far passar una lei que d’unes jutjan liberticida mas que lo motiu oficial es la lucha contra lo terrorisme, n’i a per repotegar quitament se las bonas armas dison que “lo qu’a pas res a amagar a pas res a crentar”.
Los òmes (sens generic), sèm d’animals curioses, non?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari