Opinion
Allo! escotas?
Ieu, la tecnologia, ai totjorn aimat! Non pas que sii un geek que la tecnica, i coneissi pas res mas perqué, a còps, pòt facilitar las casuas.
Es pas a vos, los fans de Jornalet.com qu’aprendrèi quicòm que sètz tròp intelligents mas devetz admetre que dins l’ostal o per carrièra, totes aqueles apleches pòdon servir.
E i a pas degun uèi qu’emplegariá pas son GPS per trobar l’ostal d’un amic perdut dins un trauc del cuol del mond…
E puèi soi segur que n’i a un fum qu’emplegan totas aquelas aplicacions per trobar l’arma sòrre —quitament s’es un òme— o vendre una pelha.
Quitan pas de nos o dire dins los mèdia: sèm dins un mond connectat. Quand Nokia menava la dança, aviá un eslogan: “Connecting people” — en lenga nòstra: “Religam las gents”.
Lo problèma es qu’èran talament ocupats a religar las gents qu’an pas vist venir la catastròfa e son tombats dins la trapèla d’un concurrent…
Tot aquò per dire que vesi pas perqué ne fasèm tot un rambalh d’aquel afar d’escotas estatsunidencas…
Après tot, coma o disiá un dels nòstres politicians securitaris: “Lo qu’a pas res a amagar, a pas res a crentar!”.
Totes jògan a las verges espaurugadas quand sabon totes que lo Si vis pacem, para bellum es mai que jamai d’actualitat.
A creire que nòstres elèits qu’an totes estudiat dins d’escòlas prestigiosas, que son totes anats far d’estagis en los Estats Units, pas coma lavaires de veituras o servicialas, que non pas, mas dins de ministèris, de societats multinacionalas, que te sabi, ieu…
Es aquí que vesèm l’arrogància dels Franceses. Creson que los autes son tròp bedigasses per lor far rampèl. e an pas comprés qu’un Estatsunidenc, çò que l’interèssa es de far de moneda.
An totjorn fach aital mentre que nosautres sèm dintrats dins aquel jòc “capitalista” pas que vint o trenta ans a.
E, coma disiá l’aute, una imitacion es pas qu’una imitacion!
Los Estatsunidencs son segurs que lor civilizacion es la mai bona e que son los sols a poder far lo bonaür del planeta a la condicion que lo planeta crompa sos produches, del condom al Boeing.
E lors servicis de rensenhaments trabalhan autan per luchar contra lo terrorisme que per ajudar lors entrepresas.
B. Obama o diguèt, i a qualque temps: “Avèm pas a nos desencusar d’èsser mai bons que los autres dins aquel domeni!”
Se, al mens aquel afar d’escotas, ajudava nòstres politicians a dire mens de conariás!
Es pas a vos, los fans de Jornalet.com qu’aprendrèi quicòm que sètz tròp intelligents mas devetz admetre que dins l’ostal o per carrièra, totes aqueles apleches pòdon servir.
E i a pas degun uèi qu’emplegariá pas son GPS per trobar l’ostal d’un amic perdut dins un trauc del cuol del mond…
E puèi soi segur que n’i a un fum qu’emplegan totas aquelas aplicacions per trobar l’arma sòrre —quitament s’es un òme— o vendre una pelha.
Quitan pas de nos o dire dins los mèdia: sèm dins un mond connectat. Quand Nokia menava la dança, aviá un eslogan: “Connecting people” — en lenga nòstra: “Religam las gents”.
Lo problèma es qu’èran talament ocupats a religar las gents qu’an pas vist venir la catastròfa e son tombats dins la trapèla d’un concurrent…
Tot aquò per dire que vesi pas perqué ne fasèm tot un rambalh d’aquel afar d’escotas estatsunidencas…
Après tot, coma o disiá un dels nòstres politicians securitaris: “Lo qu’a pas res a amagar, a pas res a crentar!”.
Totes jògan a las verges espaurugadas quand sabon totes que lo Si vis pacem, para bellum es mai que jamai d’actualitat.
A creire que nòstres elèits qu’an totes estudiat dins d’escòlas prestigiosas, que son totes anats far d’estagis en los Estats Units, pas coma lavaires de veituras o servicialas, que non pas, mas dins de ministèris, de societats multinacionalas, que te sabi, ieu…
Es aquí que vesèm l’arrogància dels Franceses. Creson que los autes son tròp bedigasses per lor far rampèl. e an pas comprés qu’un Estatsunidenc, çò que l’interèssa es de far de moneda.
An totjorn fach aital mentre que nosautres sèm dintrats dins aquel jòc “capitalista” pas que vint o trenta ans a.
E, coma disiá l’aute, una imitacion es pas qu’una imitacion!
Los Estatsunidencs son segurs que lor civilizacion es la mai bona e que son los sols a poder far lo bonaür del planeta a la condicion que lo planeta crompa sos produches, del condom al Boeing.
E lors servicis de rensenhaments trabalhan autan per luchar contra lo terrorisme que per ajudar lors entrepresas.
B. Obama o diguèt, i a qualque temps: “Avèm pas a nos desencusar d’èsser mai bons que los autres dins aquel domeni!”
Se, al mens aquel afar d’escotas, ajudava nòstres politicians a dire mens de conariás!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Disi pas que siaguessa la faulta del govèrn, totis los govèrns an estat escotat...
E totis los govèrne sabon que son escotat.
Ara que l'afar es publica cal ben far o puslèu far mina de s'endinhar e de prener pòsturas... Coma se se sabia pas...
#1 Pensi pas que siá la fauta d'aquel govèrn o de qual govèrn que siá.
Aguèssi lo temps de desvolopar, diriái – l'ai ja mençonat – que lo jorn que nòstres elèits comprendràn que, sus aquesta tèrra, i a pas que los Franceses – es a dire eles, pas nosautres ! ] d'intelligents, aurem fach un pas decisiu…
Euròpa, òc mas Euròpa a la faiçon de París
Dreches de l'Òme, òc mas segon la « pensada unica » de París
Democracia, òc mas coma París l'enten,
etc.
Una actitud coma la que repròchan al Estatsunidencs (pòdi dire : reprocham !)
P.S. Una remarca per èsser seriós çaquelà (vòl pas dire que l'èri pas dins la bilhet) :
B. Obama, lo servici segret li a tirat son telefonet intelligent personal lo jorn que foguèt elegit ; li faguèt pas plaser mas tot president qu'èra, deguèt se plegar a las règlas !
En cò nòstre, los membres del govèrn son dotats d'un telefòn intelligent oficial que protegís los escambis… N'i a pas un que l'emplega per çò qu'es d'un emplec mens aisit e mes elegant que lo telefonet del comèrci… Aqueles « mossurs » e « damas » se n'amagan pas !
Cercatz l'error…
Es lo grand jòc cadun escota l'autre e tot lo mond o sap ! Ara damòra al govèrn de far lo bracejadís d'usatge e de rufir las pòtas, istòria de far crèire a-n-aquel bon pòble , plan colhon, que i a mond dins la barcassa que contunhar de picar dins la mar sorne de las incompetencias grandas d'aquel govèrn...!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari