Opinion
“Un jorn, lo diable venguèt sus tèrra…” (J. Brel)
Deu èsser lo calimàs e… l’atge! Ai pas enveja de res levat de demorar al freg dins l’ostal.
Alucatz la ràdio o lo fenestron e vos trobatz a escotar çò que los mèdia aiman mai: los problèmas que lo monde coma ieu o vos vivèm per procuracion.
Me vatz pas dire qu’avètz comprés quicòm a la crisi que venèm de passar… pel moment! Vos creiriái pas.
De Gaulle aviá rason quand se trufava e disiá que, per far Euròpa, bastava pas de sautar coma un cabrit e de cridar: “Euròpa, Euròpa, Euròpa!”
N’avèm entenut de comentaris sus tot e sus totes. Los Grècs, los paures, an plan cercat çò que lor arriba. Fa decennis que jògan las sansugas e degalhan la moneda que los autres païses europèus lor balhan per ensajar de los tirar de la melassa? Son pas que coquins e rufians e la sola recompensa que s’ameritan es d’aver a se despatolhar totes soles.
Lo Tsipras es un auturós e un messorguièr. El e son ideologia, el e sos afidats, el e… A, mossur! los mots me mancan… Urosament qu’avèm qualques òmes politics dignes —se tròba que son generalament de la drecha… extrèma mas es un pur asard!— qu’an fach entendre lor vejaire fàcia a-n aqueles sacamands.
En fàcia, avèm las democracia vertadièras, las que foncionan, que respectan la lei, que castigan la corrupcion, que… Si que non, serián pas de democracias, vertat?
An capitat de far plegar l’auturós al nom dels principis democratics que demandan que los deutes sián pagats si que non vos trobatz amb l’ussièr a la pòrta que pren tot e vos daissa pas qu’une taula e una cadièra e… la television!
Gaug dins los salons daurats, gaug dins los mèdia, gaug dins gaireben tots los partits politics… mas, ieu, lo gaug me demòra dins la gargamèla.
Euròpa, la volián a la debuta fòrt e mòrt. Puèi quand venguèt la crisi —non pas aquesta que subissèm— amb son cortègi de caumaires, amb la globalizacion que demanda totjorn mai de beneficis e de royalties pels accionaris, amb una man d’òbra totjorn mai bon marcat, los dirigents, de filantròpes qu’èran amb la liura circulacion de las merças e dels individús, comencèron a agachar cadun lor claus.
E allòc de contunhar la marcha en abans per una integracion mai granda e una solidaritat mai bèla, se metèron a parlar d’identitat, de nacion, de patria e, a ja començat, parlaràn del “sang impur” dins pauc de temps. Je suis Français, Ich bin deutsch, I am British, Io sono italiano…
Los que, après la casuda del mur de Berlin en 1989 avián pensat a una èra novèla, pastada de patz se non d’amor, pòdon dobrir los uèlhs un còp per totes e plorar sus aquel fracas!
La causa: l’egoïsme encara e totjorn!
Alucatz la ràdio o lo fenestron e vos trobatz a escotar çò que los mèdia aiman mai: los problèmas que lo monde coma ieu o vos vivèm per procuracion.
Me vatz pas dire qu’avètz comprés quicòm a la crisi que venèm de passar… pel moment! Vos creiriái pas.
De Gaulle aviá rason quand se trufava e disiá que, per far Euròpa, bastava pas de sautar coma un cabrit e de cridar: “Euròpa, Euròpa, Euròpa!”
N’avèm entenut de comentaris sus tot e sus totes. Los Grècs, los paures, an plan cercat çò que lor arriba. Fa decennis que jògan las sansugas e degalhan la moneda que los autres païses europèus lor balhan per ensajar de los tirar de la melassa? Son pas que coquins e rufians e la sola recompensa que s’ameritan es d’aver a se despatolhar totes soles.
Lo Tsipras es un auturós e un messorguièr. El e son ideologia, el e sos afidats, el e… A, mossur! los mots me mancan… Urosament qu’avèm qualques òmes politics dignes —se tròba que son generalament de la drecha… extrèma mas es un pur asard!— qu’an fach entendre lor vejaire fàcia a-n aqueles sacamands.
En fàcia, avèm las democracia vertadièras, las que foncionan, que respectan la lei, que castigan la corrupcion, que… Si que non, serián pas de democracias, vertat?
An capitat de far plegar l’auturós al nom dels principis democratics que demandan que los deutes sián pagats si que non vos trobatz amb l’ussièr a la pòrta que pren tot e vos daissa pas qu’une taula e una cadièra e… la television!
Gaug dins los salons daurats, gaug dins los mèdia, gaug dins gaireben tots los partits politics… mas, ieu, lo gaug me demòra dins la gargamèla.
Euròpa, la volián a la debuta fòrt e mòrt. Puèi quand venguèt la crisi —non pas aquesta que subissèm— amb son cortègi de caumaires, amb la globalizacion que demanda totjorn mai de beneficis e de royalties pels accionaris, amb una man d’òbra totjorn mai bon marcat, los dirigents, de filantròpes qu’èran amb la liura circulacion de las merças e dels individús, comencèron a agachar cadun lor claus.
E allòc de contunhar la marcha en abans per una integracion mai granda e una solidaritat mai bèla, se metèron a parlar d’identitat, de nacion, de patria e, a ja començat, parlaràn del “sang impur” dins pauc de temps. Je suis Français, Ich bin deutsch, I am British, Io sono italiano…
Los que, après la casuda del mur de Berlin en 1989 avián pensat a una èra novèla, pastada de patz se non d’amor, pòdon dobrir los uèlhs un còp per totes e plorar sus aquel fracas!
La causa: l’egoïsme encara e totjorn!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Zo dise pas per los paubres; zo dise per los mens paubres que sovent mesme si an de que viure quò es la sopa a la grimaça dins la familha e alhors.
Merces plan de me far remarcar mon ton un pauc sentencios. Quò es qu'i a enguera belcòp de confusion chas me.
Lo problem de nòstre societat modern es pas solament la paubretat materiala. Es tanben la paubretat psicologica. Dins los bureus, las usinas, las familhas, las relacions son pas de las melhoras. I a sovent de las acorsadas (arcelaments). Chaque còp, i a una victima, un predator, un salvador.
La victima attira lo predator. Perque? e lo predator chercha sa victima.
Quò es pas totjorn la fauta a l'estat e aus autres mas chau lo comprener.
Per ganhar de l'argent lo merchand juga sur la naivetat de las gens. Per se defendre las gens fan apel au messie, es a dire l'estat, la sciença, la religion e autres ideologias. Perque lo comunisme a donat Staline? perque la crestiantat a balhat l'inquisicion? Perque i a totjorn dus paubres e daus riches?
Chau pas s'ocupar daus paubres e daus autres mas de se. Avetz dau poder sur vos pas sur los autres.
Si eratz rei, mas setz rei dins vòstra familha, o ben si aviatz un pòste de responsabilitat,que seriatz? un tiran, un brave tipe, un que rase los murs e que se fai cortisan o autre ?
Sem pas estat acotumar a raisonar aitau mas a cerchar un salvador per botar a la testa d'un estat e que devria far çò que vos avetz enveja de far. Que faguet Castrò, que fai lo president de Grecia?
#1 Que vòu dire "la vista es polida" ? la "vita/vida" benleu ?
Si quò es quò, quò es un pauc 'cepte zo dire quand un es pas dins la miséria totala. Es queraque genta la vita per los que ne'n pòden "jauvir" d'un biais o d'un autre (a vòstra mòda o d'una autra) mas per los qu'an pas mai de qué se nurrir hum, quò fai un pauc "balhaire de leiçon". 'Natz zo dire au mendiant dins la charriera que la vita es polida.
Çò que disetz es pas faus per l'individú mas manca de problematizacion sociala totparier que la gent son pas tots libras de chausir lor vita, l'i a prumier la contingéncia e puèi lo condicionament sociau.
Una question : avetz desjà eissaiat d'escriure en laissar de biais lo ton quauque pauc sentenciós (au sens que s'exprimís emb de las senténcias) ? Quò podriá mas melhorar la qualitat d'expression de vòstras pensadas a mon idèa, zo dise sens vos vulher mau segur.
Z-a dich! L'egoïsme e subretot l'egoïsme daus autres. N'autres sem jamai egoïstes.
Lo paubre se planja qu'avia que daus malurs. alaidonc, inventeran la sciença; la sciença nos amenet la tecnologia; los conjats paiat, le bonur que!
Lo merchand se planja que ganhava pas pron. Alaidonc inventeran las paurs. La gleisa catolica parlava d'enfer, dau diable. Per aver la patz los paubres venderan lòr amna a l'egleisa catolica que devenguet lo banquier de l'europe. Per paur de las malaudias, inventeran las vaccinacion qu'enrichisset los laboratoris farmaceutics.
L'egoïsme nasquet totjorn de las gens qu'eran pas contents de lòr sòrt o qu'avian paur.
Aver totjorn mai per esser uros. Corer totjorn apres lo bonur que ven pas.
E ben, non quò marcha pas aitau. La polucion, l'espleitacion de l'òme per l'òme, mas tanben de la natura, de las autras espeças, de l'environament, la crisa son aqui per nos dire que chau virar de bòrd.
E decidar d'esser uros emben çò que l'òm a.
Esser e non pas aver.
Esser uros quò es far taiser sas jalosias, sas paurs, sa colera, l'orguelh e tot los sentiments negatius que vos minjan lo còr. L'autre a pas lo poder de vos botar en colera. Aprecia, tots los matins, çò qu'avetz : poder vos levar, corir, marchar, parlar. Coma dirian los nadauds, viesatz la testa que fan vos vesins e saubretz la testa qu'avetz. Pus leu que d'esser crispat, risez fasetz la grimace; la vista es polida.
Avetz pas besonh de changear lo monde; lo monde cambaran si vos-mesme cambiar.
Voletz luchar contre la paubretat, la polucion, mas qual poder avetz per aquò?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari