Opinion
Nonmàs un acompte
De’n primier, chars lectors, vos voudriá demandar de me far excusa d’aver mancat nòstre rendetz-vos dos mes consecutius. Me fau tornar a mai de regularitat.
Sabetz segurament que dins dos mes se debanara a París la COP 21: un rescontre per trobar un acord internacionau que permetriá de limitar la nauça de las temperaturas a dos gras. Çò que sembla desjà un objectiu mai qu’ambiciós. Qu’es dins queu contexte que lo president american Barack Obama ven d’anónciar un plan de reduccion daus emissions de gas a efiech de serra: lo Clean Power Plan (Plan de l’Energia Neta). “Sem la primiera generacion a subir las consequéncias dau chamjament climatic e sem la darriera que pòt far quauquaren contra queu chamjament”, çò disset. Quela declaracion fuguet aculhida emb entosiasme dins los mitans ecologistas europeus e considerada coma una avançada de las belas. Mas nos fau i visar de mai pres.
S’agís de redusir de 32% las emisions de gas a efiech de serra de la produccion d’electricitat per rapòrt a 2005. Quela-quí representa 40% de las emissions de CO2 dau país. Una taxa carbòni fai partida daus mecanismes prevists per aténher los resultats vouguts. Adonc mai d’una centrala a charbon deuriá barrar o se modifiar e la part de las energias renovelablas deuriá aumentar.
De segur, lo lobby charbonier s’organiza contra. L’idea de recors daus Estats federats contra l’Estat federau es estada lançada. Mas l’ataca mai fòrta es estada la de la senatritz Capito, elegida republicana de Virgínia Occidentala. Ven de depausar un projecte de lei per permetre aus Estats de se retirar dau Clean Power Plan si consideran que pòt aver un impacte negatiu sus lor creissença economica, las tarifas de l’electricitat o la fiabilitat dau malhum. Tanben prevei de retardar l’aplicacion dau plan tant que los recors davant los tribunaus seràn pas estudiats.
Queu plan es fòrça interessant mai que mai venent d’un daus país qu’an lo mai de responsabilitat dins los chamjaments climatics. Mas, per Erich Pica, president daus Amics de la Terra - Estats Units, “sufirà pas per resòuvre nòstra crisi climatica”. “Quo es nonmas un acompte sus la responsabilitat istorica daus Estats-Units sus lo clima. Quo es pas sufisent, per los Estats-Units, de reformar nòstres servicis publics. Devem remodelar audaciosament nòstra economia en democratizant l’energia per’nar delai los combustibles fossils, gas naturau inclús. Las comunautats dau monde entier an mestier que los Estats-Units prenian mai d’iniciativas per evitar los pieger impactes dau desreglament climatic”.
Sabetz segurament que dins dos mes se debanara a París la COP 21: un rescontre per trobar un acord internacionau que permetriá de limitar la nauça de las temperaturas a dos gras. Çò que sembla desjà un objectiu mai qu’ambiciós. Qu’es dins queu contexte que lo president american Barack Obama ven d’anónciar un plan de reduccion daus emissions de gas a efiech de serra: lo Clean Power Plan (Plan de l’Energia Neta). “Sem la primiera generacion a subir las consequéncias dau chamjament climatic e sem la darriera que pòt far quauquaren contra queu chamjament”, çò disset. Quela declaracion fuguet aculhida emb entosiasme dins los mitans ecologistas europeus e considerada coma una avançada de las belas. Mas nos fau i visar de mai pres.
S’agís de redusir de 32% las emisions de gas a efiech de serra de la produccion d’electricitat per rapòrt a 2005. Quela-quí representa 40% de las emissions de CO2 dau país. Una taxa carbòni fai partida daus mecanismes prevists per aténher los resultats vouguts. Adonc mai d’una centrala a charbon deuriá barrar o se modifiar e la part de las energias renovelablas deuriá aumentar.
De segur, lo lobby charbonier s’organiza contra. L’idea de recors daus Estats federats contra l’Estat federau es estada lançada. Mas l’ataca mai fòrta es estada la de la senatritz Capito, elegida republicana de Virgínia Occidentala. Ven de depausar un projecte de lei per permetre aus Estats de se retirar dau Clean Power Plan si consideran que pòt aver un impacte negatiu sus lor creissença economica, las tarifas de l’electricitat o la fiabilitat dau malhum. Tanben prevei de retardar l’aplicacion dau plan tant que los recors davant los tribunaus seràn pas estudiats.
Queu plan es fòrça interessant mai que mai venent d’un daus país qu’an lo mai de responsabilitat dins los chamjaments climatics. Mas, per Erich Pica, president daus Amics de la Terra - Estats Units, “sufirà pas per resòuvre nòstra crisi climatica”. “Quo es nonmas un acompte sus la responsabilitat istorica daus Estats-Units sus lo clima. Quo es pas sufisent, per los Estats-Units, de reformar nòstres servicis publics. Devem remodelar audaciosament nòstra economia en democratizant l’energia per’nar delai los combustibles fossils, gas naturau inclús. Las comunautats dau monde entier an mestier que los Estats-Units prenian mai d’iniciativas per evitar los pieger impactes dau desreglament climatic”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
graDs
anonciar
nonmàs
piègerS
Adiu,
Se parla pas gaire ( ambe la COP21) de l'espleitacion del gas de sistre american que poirit la tèrra en prigondor, de miliards de dolars investits, per pausar de milièrs de qm de canelassas ( dins USA mas tanben al Canada) , e de bastir d'usinas de liquefaccion del gas ... Aquò's serà pas per tot arrestar deman . Nos parlan fòrça del carbon mas quina diferéncia?
Consi creire a la COP 21?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari