Opinion
Politicians “totis poirits”? E ben, òc…
Vaquí una frasa que s’encontra sovent, que rebat o que resumís un biais de pensar fòrça espandit au demiei de la populacion, de saber, dambe mots mílhor causits “la mauhisança deu pòble per rapòrt a son elèit politic”.
Quan èri joen, aquera frasa èra meslèu atribuïda a una escòla de pensar libertària o anarquista, la que lauda l’autogestion e la presa en man deus ahars deu pòble per se medish, sens passar per intermediaris que son fatalament enganaires.
Dempuèi, gràcias au trabalh deus mèdias e deus pensaires mediatizats, aquera senténcia seré venguda simbolica deu biais de pensar deus electors deu Front National, çò qu’empacha de hèit lo monde que’s ditz d’esquèrra d’i aderir. Polida manòbra que fonciona mercés a la pensada globalizada.
Solide, lo mot “poirit” es drin hòrt, mes totun, cau espiar la vertat en fàcia, de qué cau pensar deus nòstes politicians, los que’s presentan aus nòstes sufragis?
Espiam a l’entorn. Es pas mauaisit de trobar personas que balhan lor temps, lor energia e quitament a còps lors sòus end’una mira altruista que’us tòrna pas ren. Aqueste monde se bat ende que la societat sia milhora, a nivèus fòrça variables, mes qu’an tostemps en comun la gratuitat de lor engatjament.
Pas besonh d’anar cercar fòrça luenh, lo movement occitanista es conhit de monde que’s perden la santat e la vida familhala ende sauvar una lenga e una cultura miaçadas sens de comptar las oras qu’i passan. Los “de qui cau”, com ac ditz Nadau, son los pielars de las associacions qu’ensajan de bolegar dens lor canton end’aquesta causa nòbla, sens qu’aquò les assegure pas una promocion personala, sequenon un cèrt plaser de hèr quicòm de plan.
La lista es tròp longa de las accions que’s mian ende que lo monde sia un drin mès beròi e agradiu ende las poder citar totas. I a monde que’s bolegan dens l’ombra ende los “sens papièr”, los “sens ostaus”, los dròlles malauts, los toxicomans, las bèstias, los esclaus modèrnes, la natura, la patz, lo don de la sang, contra lo racisme, contra la hami dens lo monde, contra l’usatge deus pesticidis, qu’enquadran dròlles dens los barris de banlèga, que trabalhan aus Restos du Cœur, que vesitan las presons, los ostaus de retirada, los espitaus, …
Totis aquesths benevòls son pagats en sorrísers.
Puèi venguen los que lutan ende meliorar la societat e ensajan de cambiar las causas com poden, que militan end’un revengut de basa, lo dret de vòte deus estrangèrs, l’interdiccion deus OGM, lo climat, la presa en compta deu vòte blanc, la non-construsida d’un aeropòrt inutile, e de qué sabi encara …
E un politician, perqué se bat? Parli, solide, d’un qu’es candidat a una foncion meslèu importanta. Mès anar mès haut dens la ierarquia, aquò se verifica. Lo politician, hè la promocion de qué? De se medish. Es lo contrari deu militant de basa citat mès haut.
Auretz sens de dobte remercat que parli quitament pas deu politicians qu’utilizan lora situacion un còp elegit o nominat ende realizar profièits personaus, com se vei au parat d’escandales numeroses “qu’animan” la vide politica dens totis los paises. Aquò seré l’objècte d’un aute debat. Parli pas que deus aunèstes davant la lei.
End’arribar a sa mira, le cau s’assegurar un hialat de relacions. Le cau deishar sas conviccions (que dejà son plan cambiadissas) a casa e anar díser a cadun çò que vòu ausir. Atz remercats que pas nat elegit de haut nivèu a muishat una conviccion fòrta, coratjosa e originala sus quin subjècte de societat que sia? Solide, podèm pensar a Manuel Valls que s’es muishat dens manifestacions a favor deu pòble palestinian ... abans de’s declarar “ligat d’un biais eternau a Israèl”.
Sens de parlar deu hèit qu’un candidat a un pòst deu passar peu filtre deu son partit, on, militar per exemple ende la legalizacion deu cannabís ajuda pas obligatòriament.
Lavetz “poirits” totis? Lo mot es tròp hòrt, cau soscar meslèu en positiu. Son pas marrits per definicion, mes son pas tanpauc bons. Diserí que los “aunèstes òmes”, dens lo sens deu sègle XVII-au, eths, se bolegan ende causas nòblas e se presentan pas a las eleccions. Los eròis vertadèrs son los que volon demorar dens l’ombra.
Quan èri joen, aquera frasa èra meslèu atribuïda a una escòla de pensar libertària o anarquista, la que lauda l’autogestion e la presa en man deus ahars deu pòble per se medish, sens passar per intermediaris que son fatalament enganaires.
Dempuèi, gràcias au trabalh deus mèdias e deus pensaires mediatizats, aquera senténcia seré venguda simbolica deu biais de pensar deus electors deu Front National, çò qu’empacha de hèit lo monde que’s ditz d’esquèrra d’i aderir. Polida manòbra que fonciona mercés a la pensada globalizada.
Solide, lo mot “poirit” es drin hòrt, mes totun, cau espiar la vertat en fàcia, de qué cau pensar deus nòstes politicians, los que’s presentan aus nòstes sufragis?
Espiam a l’entorn. Es pas mauaisit de trobar personas que balhan lor temps, lor energia e quitament a còps lors sòus end’una mira altruista que’us tòrna pas ren. Aqueste monde se bat ende que la societat sia milhora, a nivèus fòrça variables, mes qu’an tostemps en comun la gratuitat de lor engatjament.
Pas besonh d’anar cercar fòrça luenh, lo movement occitanista es conhit de monde que’s perden la santat e la vida familhala ende sauvar una lenga e una cultura miaçadas sens de comptar las oras qu’i passan. Los “de qui cau”, com ac ditz Nadau, son los pielars de las associacions qu’ensajan de bolegar dens lor canton end’aquesta causa nòbla, sens qu’aquò les assegure pas una promocion personala, sequenon un cèrt plaser de hèr quicòm de plan.
La lista es tròp longa de las accions que’s mian ende que lo monde sia un drin mès beròi e agradiu ende las poder citar totas. I a monde que’s bolegan dens l’ombra ende los “sens papièr”, los “sens ostaus”, los dròlles malauts, los toxicomans, las bèstias, los esclaus modèrnes, la natura, la patz, lo don de la sang, contra lo racisme, contra la hami dens lo monde, contra l’usatge deus pesticidis, qu’enquadran dròlles dens los barris de banlèga, que trabalhan aus Restos du Cœur, que vesitan las presons, los ostaus de retirada, los espitaus, …
Totis aquesths benevòls son pagats en sorrísers.
Puèi venguen los que lutan ende meliorar la societat e ensajan de cambiar las causas com poden, que militan end’un revengut de basa, lo dret de vòte deus estrangèrs, l’interdiccion deus OGM, lo climat, la presa en compta deu vòte blanc, la non-construsida d’un aeropòrt inutile, e de qué sabi encara …
E un politician, perqué se bat? Parli, solide, d’un qu’es candidat a una foncion meslèu importanta. Mès anar mès haut dens la ierarquia, aquò se verifica. Lo politician, hè la promocion de qué? De se medish. Es lo contrari deu militant de basa citat mès haut.
Auretz sens de dobte remercat que parli quitament pas deu politicians qu’utilizan lora situacion un còp elegit o nominat ende realizar profièits personaus, com se vei au parat d’escandales numeroses “qu’animan” la vide politica dens totis los paises. Aquò seré l’objècte d’un aute debat. Parli pas que deus aunèstes davant la lei.
End’arribar a sa mira, le cau s’assegurar un hialat de relacions. Le cau deishar sas conviccions (que dejà son plan cambiadissas) a casa e anar díser a cadun çò que vòu ausir. Atz remercats que pas nat elegit de haut nivèu a muishat una conviccion fòrta, coratjosa e originala sus quin subjècte de societat que sia? Solide, podèm pensar a Manuel Valls que s’es muishat dens manifestacions a favor deu pòble palestinian ... abans de’s declarar “ligat d’un biais eternau a Israèl”.
Sens de parlar deu hèit qu’un candidat a un pòst deu passar peu filtre deu son partit, on, militar per exemple ende la legalizacion deu cannabís ajuda pas obligatòriament.
Lavetz “poirits” totis? Lo mot es tròp hòrt, cau soscar meslèu en positiu. Son pas marrits per definicion, mes son pas tanpauc bons. Diserí que los “aunèstes òmes”, dens lo sens deu sègle XVII-au, eths, se bolegan ende causas nòblas e se presentan pas a las eleccions. Los eròis vertadèrs son los que volon demorar dens l’ombra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vertat que los politics son pas gaire aimats a l'ora d'ara. E que son numeroses los politics que se cercan pas qu'una brava sinecura que lor donerà fòrça avantages , a els d'en primièr, als companhs e a la familha de seguida . Mas per l'aver fintat de prèp , se pòt dire tanben que i a dins fòrças associacions una absençia de democracia gaireben totala a l'imatge de çò que se passa mai d'un còp dins la pus mendre comuna, o lo monde de l'entrepresa per exemple . Que la democracia s'ensenha pas a l'escòla e que dins França avèm pas gaire d'experiénça dins la matièra, levat un còp totes los cinq ans , ambe per sola causida lo socialisme financièr de l"'esquèrre tebesa" o lo liberal financiarisat ( de la drecha acarnassida) , lo tot arbitrat per l'espaurugal FN , que sòmia de jogar lo cocut per nos far çò meteis .
Aquò far que las personas fòrça generosas que se sarran de l'institucion "ostal de comuna" o a las associacion de tota mena son sovent descoradas e que daissan tombar pron lèu. Encara uros que l'associacion sia pas redusida a une mena de trempolin vèrs la politica!
Se pòt veire al "restau del còr" , o als corses d'alfabetisacion , o autra asso occitana o pas ....
E avètz rason de remarcar que lo "sistèma" deuria rendre omenatge als desinteressats que seriàn mai nombroses dins un sistèma democratic !!!!
Mas qual vòl de la democracia vertadièra?
#1
Benlèu que lo mot "perdon" es tròp hòrt ende la vida de familha, mes "guastan" me sembla just. Lo temps passat a "militar" es temps pas passat dambe los dròlles o los arrèrhilhs, la hemna o los pairs.
Après, les exemples qu'èi balhats volon pas díser qu'i a monde que pensan aquò tot a l'encòp.
N'i a que prenguen uei lo dia sus lor temps e lor moneda end'ajudar los refugiats (çò que los politicians hèn pas), vòu pas díser que son contra l'aeropòrt de NDdL sistematicament.
Volèvi parlar deu monde que's bolegan ende que lo monde sia, a lor vejaire, milhor. N'i a tanben, as rason, que son contra los sens-papièrs, ende l'aeropòrt, que's foten deux toxicomanas, mes soi pas segur que's boleguen e que passan temps suu terrenh, levat romegar a casa.
lo mond occitanista ei clafit de mond que se perdon la santat e la vida de familha per sauvar una lenga e una cultura menaçadas, ou , colèga, li vas pas un pauc fort ?s'aganta pas lo sidà en anant a l'AG de l'IEO o en, escrivènt de romans que degun legisse ! e tampauc se divorcia pas sistematicament. I I a pereu dins la nebulosda cottana de gents coma ieu que se ne fotem dei toxicomanes, que pensam que lei sensa-papiers deurrián estre expulsat quant e quant, que suenhem leis enfants malauts s'un còp son nòstres, que siam pas discipols de Bregida Bardot, qu'aprovam pas l'interdiccion deis OGM e que l'antiracisme, tau coma ei praticat pêr lei medias e l'esquèrra coalizats es un movement nociu, coma Alain Finkelkraut de l'academia francesa e quand legissem lo mot farlabicat destrusida per destruccion, aquò nos incita a aprovar la construccion de l'aeropòrt
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari