Opinion
L’occitan dins las eleccions regionalas
Tot lo long de l’estiu se faguèt un trabalh collaboratiu subre internet, obèrt a tots per elaborar un projècte per l’eleccion regionala d’aqueste decembre per la region nòva eissida de la fusion de Lengadòc-Rosselhon e Miègjorn-Pirenèus. L’objectiu èra de collectar las propòstas de personas de sensibilitat d’esquèrra, ecologista e occitanistas. Fin finala, los aderents de la màger part de las organizacions d’esquèrra non pas ligadas al PS votèron per que los partits participèssen a aquele trabalh en comun: EELV, PCF, Parti de Gauche, Partit Occitan e d’autres. A la debuta de setembre, una sintèsi foguèt adoptada. Se pòt consultar subre http://leprojetencommun.net/pages-consensus/.
Vaqui las propòstas per la lenga e cultura occitana.
De lengas regionalas valorizadas e difusadas
Aquelas propòstas deurián permetre d’enfortir los organismes regionals e interregionals que trabalhan per la lenga e cultura occitana e permetre a la region d’assumir un us public de las lengas occitanas e catalanas.
Amb la mobilizacion necessària dels occitans, aquelas accions deurián permetre de donar un vam nòu a una generacion nòva d’occitanistas de la region mas tanben de tota l’Occitània.
Vaqui las propòstas per la lenga e cultura occitana.
De lengas regionalas valorizadas e difusadas
1. Organizarem d’Estats Generals de la cultura occitana e de la cultura catalana amb l’ensem dels operators culturals, artistas, associacions, agéncias e companhias concernits subre lo territòri. Aquestes Estats Generals seràn lo cadre de co-elaboracion d’un esquèma d’estructuracion, de desvolopament e d’acompanhament de l’accion culturala occitana e catalana.
2. Nos implicarem plenament dins lo futur Ofici Public de la Lenga Occitana, en collaboracion amb las regions engatjadas dins sa constitucion. Dins lo meteis temps, sostendrem la creacion d’un Ofici Public de la Lenga Catalana. Los dos oficis auràn vocacion de dinamizar l’us public de l’occitan e del catalan dins lor airal linguistic regional en partenariat amb las autras collectivitats.
3. Favorirem la preséncia publica de l’occitan e del catalan coma vectors de desvolopament per lo torisme, l’economia e l’activitat transfrontalièras.
4. Sostendrem tanben lo desvolopament e la transmission de las lengas e culturas occitanas e catalanas per lo mejan de lor difusion (ràdios localas associativas, mèdias locals, filièra numerica, doblatge), de la formacion e de lor ensenhament: crearem immediatament las condicions del desvolopament de las filièras bilingüas publicas subre l’espaci regional e acompanharem activament las escolas associativas laïcas (Calandretas e Bressolas) amb la perspectiva, subretot, de lor integracion al servici public d’educacion.
5. Demandarem l’enfortiment de l’occitan e del catalan dins las cadenas publicas (ràdio e TV) e dels mejans de las esquipas.
6. Valorizarem lo ròtle cultural màger del Centre Interregional de Desvolopament de l’Occitan (CIRDOC) de Besièrs e del Centre Occitan de las Musicas e Danças Tradicionalas (COMDT) de Tolosa, pòls publics estructurants cargats de la promocion, la difusion, la sensibilizacion, la formacion, la recerca, la valorizacion del patrimòni e de la creacion occitana.
7. Mantendrem los eveniments màgers que fedèran, dins nòstras doas regions actualas, los actors culturals, dins un esperit d’obertura: lo festival interregional “ Estivada “ implantat dempuèi 23 ans a Rodès fins a la session 2015, o “ Total Festum “ que festeja sos 10 ans en Lengadòc-Rosselhon, tot coma los rescontres de Naut Bernat o lo festival Arabesques, obèrts subre lo monde e las culturas de l’immigracion.
8. Dotarem l’Euroregion de mejans suplementaris per desvolopar los escambis e collaboracions amb la Catalonha, la Val d’Aran tant coma las Islas Balearas.
9. Prepausarem que lo nom e lo lògo de la region nòva s’inscrigan dins l’istòria e la cultura regionala.
Aquelas proposicions foguèron aprovadas per de sindicalistas, responsables associatius e actors d’esquèrra que fòrça non son pas implicats dins lo movement occitan. Representan un consens subre ço qu’es possible d’innovar en 6 ans en matèria de politica lingüistica, tal coma per las propòstas en tèrme de ciutadanetat e governància, economia e emplec, solidaritat e cultura, desvolopament sostenible.2. Nos implicarem plenament dins lo futur Ofici Public de la Lenga Occitana, en collaboracion amb las regions engatjadas dins sa constitucion. Dins lo meteis temps, sostendrem la creacion d’un Ofici Public de la Lenga Catalana. Los dos oficis auràn vocacion de dinamizar l’us public de l’occitan e del catalan dins lor airal linguistic regional en partenariat amb las autras collectivitats.
3. Favorirem la preséncia publica de l’occitan e del catalan coma vectors de desvolopament per lo torisme, l’economia e l’activitat transfrontalièras.
4. Sostendrem tanben lo desvolopament e la transmission de las lengas e culturas occitanas e catalanas per lo mejan de lor difusion (ràdios localas associativas, mèdias locals, filièra numerica, doblatge), de la formacion e de lor ensenhament: crearem immediatament las condicions del desvolopament de las filièras bilingüas publicas subre l’espaci regional e acompanharem activament las escolas associativas laïcas (Calandretas e Bressolas) amb la perspectiva, subretot, de lor integracion al servici public d’educacion.
5. Demandarem l’enfortiment de l’occitan e del catalan dins las cadenas publicas (ràdio e TV) e dels mejans de las esquipas.
6. Valorizarem lo ròtle cultural màger del Centre Interregional de Desvolopament de l’Occitan (CIRDOC) de Besièrs e del Centre Occitan de las Musicas e Danças Tradicionalas (COMDT) de Tolosa, pòls publics estructurants cargats de la promocion, la difusion, la sensibilizacion, la formacion, la recerca, la valorizacion del patrimòni e de la creacion occitana.
7. Mantendrem los eveniments màgers que fedèran, dins nòstras doas regions actualas, los actors culturals, dins un esperit d’obertura: lo festival interregional “ Estivada “ implantat dempuèi 23 ans a Rodès fins a la session 2015, o “ Total Festum “ que festeja sos 10 ans en Lengadòc-Rosselhon, tot coma los rescontres de Naut Bernat o lo festival Arabesques, obèrts subre lo monde e las culturas de l’immigracion.
8. Dotarem l’Euroregion de mejans suplementaris per desvolopar los escambis e collaboracions amb la Catalonha, la Val d’Aran tant coma las Islas Balearas.
9. Prepausarem que lo nom e lo lògo de la region nòva s’inscrigan dins l’istòria e la cultura regionala.
Aquelas propòstas deurián permetre d’enfortir los organismes regionals e interregionals que trabalhan per la lenga e cultura occitana e permetre a la region d’assumir un us public de las lengas occitanas e catalanas.
Amb la mobilizacion necessària dels occitans, aquelas accions deurián permetre de donar un vam nòu a una generacion nòva d’occitanistas de la region mas tanben de tota l’Occitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 :
"L'avenidor es a un Front Democratic Occitan que se faria portar per totas las eleccions possiblas e que refusaria l'aligança amb los partits francistas ..."
Dens los comentaris d'un aute article (http://www.jornalet.com/nova/5677/an-fach-las-soscadissas-collectivas-necessarias-per-repensar-loccitanisme) que defenetz la dinamica de Bastir. Mes, totun, n'avetz pas l'impression que l'aliança dab los partits francistes qu'èra au còr de la logica de Bastir (tà har brac : mendicar aus partits franchimands brigalhas de representativitat que n'èm pas fotuts d'obtiéner nosautes) ?
#17 Que parlatz au men nom pr'amor que soi occitan tanben, segon los vòstes critèris. Ne serí pas occitan, jo ? Que'n serí content totun : atz finalament abandonat las vòstas pretensions sus Gasconha ? Que'vs disi simplament qu'Aragon ei mei important tà jo qui non pas Catalonha. Istoricament com geograficament. E l'occitanisme qu'arrasona com se l'Occitania estosse las solas Corbièras.
#10 En qué sètz concernits, vos, per çò que se passa en Occitània?
Se los "occitans" vòlon (volèm) "imaginar" quicòm qu'es nòstre, quana es vòstra legitimitat a intervenir aquí, emai en donant de leiçons (pas tròp caras) de "realisme"?
Avètz un dreit absolut a l'expression dins la mesura exacta ont respectatz lo dreit dels autres.
Emai vos rementi qu'aquela plataforma ont avèm l'astre de vos poder legir es situada en Catalunya, desparlar al subjècte d'un "tropisme" catalan aquí, es una insulta a la vòstra inteligéncia.
Se cal ramentar que dins una eleccion, non son los occitanistas que vòtan, mas los occitans.
Uèi, los rapòrts de fòrça politics dins la populacion occitana e dins la majoritat dels partits politics representats en Occitània son desfavorables al bilingüisme e opausats al monolingüisme occitan. Alara, abandonam la luta, e contunham de laissar la majoritat de las organizacions politicas presentas en Occitània impausar lo sol monolingüisme francés.
Non, cal utilizar çò que demòra d'identitat populara sudista per far avançar l'identitat occitana. L'aligança POC-EELV es una escasença per o faire. L'aligança amb lo PCF e lo PG es una escasença d'arribar al poder regional. La causida de Gerard Onesta serià l'escasença d'assumir l'identitat occitana, tal coma que la region se sona Occitània.
Quand a las propòstas de revirar lo siti web o de faire una profession de fe bilingüa, es una plan bona idèa. La sostendrài. Mas dins los partits coma dins la vida publica, cal aver una preséncia occitana assumida e fòrta per far bolegar las causas.
"Favorirem la preséncia publica de l’occitan e del catalan". Me maini que l'amic Valadièr respond pas a la question del bilingüisme de la profession de fe. Pr'aquò aquò còsta pas pus car (un recto e un verso dins cas) e SUBRETOT avem pas besonh d'èsser elegit per "Favorirem la preséncia publica de l’occitan e del catalan". Basta pas que d'èsser candidat!
Mas aquí, sus aqueste sicut, los ipocritas son embèstiat. Son preses en flagrant delicte de demagogia. Alara la favorisem la preséncia publica de l'occitan? Es possible d'o far tre ara. Avètz d'argument contra lo bilingüisme qu'aniriá contra afavoriment de la preséncia publica de l'occitan??? Vivem una epòca formidabla!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari