Opinion
Iniciativa per Occitània damb era CUP pera independéncia de Catalonha e era libertat des aranesi
B’ac sabem, es eleccions deth 27 de seteme en Catalonha e Aran son istoriques: s’es independentistes obtien era majoritat absoluda en Parlament, se bastirà der autre costat des Pirenèus un nau estat, separat d’Espanha.
Eth nòste movement occitan, Iniciativa per Occitània, ei solidari damb era marcha des catalans e des nòsti compatriòtes aranesi entara libertat. Mos oposam a totes es listes unionistes (Ciutadans, Partit Popular, Partit des Socialistes de Catalonha) que non propòsen cap arren entà Catalonha e Aran, levat de menaces e ua somission a un estat espanhòu incapable d’escotar es aspiracions democratiques des sòns pòbles e de trencar damb eth passat franquista e damb ua corrupcion endemica. Denonciam tanben, ena quèrra, era ipocrisia dera lista “Catalonha Si Que Se Pòt” que, ath despiet deth sòn nom enganador, condicione er avenidor de Catalonha a ua improbabla bona volontat espanhòla, coma associam ar unionisme eth partit de dreta Union Democratica de Catalonha que semble de traïr er ideau catalanista des sòns fondadors en favor d’ua aubediença a Espanha. Aperam donques as nòsti compatriòtes aranesi a votar contra totes aqueres listes qu’amien ath centralisme espanhòu qu’asfixie es sòns pòbles.
Se, de segur, comprenèm eth vòte pera lista transversau independentista “Amassa per Òc”, que non consideram pas coma ua enemiga mès coma una aliada necessària entara independéncia, volem totun, d’un punt de vista occitan, insistir sus era nòsta apieja particulara ara candidatura dera CUP.
Ena Val d’Aran, era CUP-Crida Constituenta ei era soleta lista que hè campanha tot en occitan enes tractes e en afichatge electorau. Eth numèro 2 pera circonscripcion de Lhèida, era aranesa Mireia Boya, hè es sòns discorsi publics tot en occitan. Tanben, eth programa d’aquera formacion politica ei eth mès clar entar occitan coma lengua comuna d’Aran e es drets nacionaus deth pòble aranés. Reconeish d’efèit as nòsti compatriòtes eth dret ara autodeterminacion, e ve ena eleccion de sa candidata elegibla Mireia Boya ua estapa de cap ara liberacion possibla de tota Occitània.
Cau díder que Mireia Boya ei era soleta possibilitat entà qu’ajam ua deputada occitanofòna e occitanista en Parlament de Catalonha. Eth deputat aranés de Convergéncia Democratica Aranesa, Àlex Moga, que rescontrè en Barcelona pendent es debats sus era lei d’Aran, hè exactament un an, ei fòrça improbable que sigue elegit: se situe sonque ena 12u posicion sus era lista d’“Amassa per Òc”.
Enfin, mos interèsse especiauments era volontat dera CUP d’articular constantaments democracia, desaubediença civila, justícia sociala, critica deth neoliberalisme, respècte de totes es minoritats, dret des pòbles e luta contra era corrupcion e totes es formes d’opression.
Per tant, per Aran, per occitan e pera nòsta nacion occitana, aperam as nòsti compatriòtes aranesi a votar massissaments pera CUP-Crida Constituenta eth 27 de seteme. Visca Catalonha liura! Visca Aran e Occitània!
Per Iniciativa per Occitània,
Gerard Joan Barceló
Eth nòste movement occitan, Iniciativa per Occitània, ei solidari damb era marcha des catalans e des nòsti compatriòtes aranesi entara libertat. Mos oposam a totes es listes unionistes (Ciutadans, Partit Popular, Partit des Socialistes de Catalonha) que non propòsen cap arren entà Catalonha e Aran, levat de menaces e ua somission a un estat espanhòu incapable d’escotar es aspiracions democratiques des sòns pòbles e de trencar damb eth passat franquista e damb ua corrupcion endemica. Denonciam tanben, ena quèrra, era ipocrisia dera lista “Catalonha Si Que Se Pòt” que, ath despiet deth sòn nom enganador, condicione er avenidor de Catalonha a ua improbabla bona volontat espanhòla, coma associam ar unionisme eth partit de dreta Union Democratica de Catalonha que semble de traïr er ideau catalanista des sòns fondadors en favor d’ua aubediença a Espanha. Aperam donques as nòsti compatriòtes aranesi a votar contra totes aqueres listes qu’amien ath centralisme espanhòu qu’asfixie es sòns pòbles.
Se, de segur, comprenèm eth vòte pera lista transversau independentista “Amassa per Òc”, que non consideram pas coma ua enemiga mès coma una aliada necessària entara independéncia, volem totun, d’un punt de vista occitan, insistir sus era nòsta apieja particulara ara candidatura dera CUP.
Ena Val d’Aran, era CUP-Crida Constituenta ei era soleta lista que hè campanha tot en occitan enes tractes e en afichatge electorau. Eth numèro 2 pera circonscripcion de Lhèida, era aranesa Mireia Boya, hè es sòns discorsi publics tot en occitan. Tanben, eth programa d’aquera formacion politica ei eth mès clar entar occitan coma lengua comuna d’Aran e es drets nacionaus deth pòble aranés. Reconeish d’efèit as nòsti compatriòtes eth dret ara autodeterminacion, e ve ena eleccion de sa candidata elegibla Mireia Boya ua estapa de cap ara liberacion possibla de tota Occitània.
Cau díder que Mireia Boya ei era soleta possibilitat entà qu’ajam ua deputada occitanofòna e occitanista en Parlament de Catalonha. Eth deputat aranés de Convergéncia Democratica Aranesa, Àlex Moga, que rescontrè en Barcelona pendent es debats sus era lei d’Aran, hè exactament un an, ei fòrça improbable que sigue elegit: se situe sonque ena 12u posicion sus era lista d’“Amassa per Òc”.
Enfin, mos interèsse especiauments era volontat dera CUP d’articular constantaments democracia, desaubediença civila, justícia sociala, critica deth neoliberalisme, respècte de totes es minoritats, dret des pòbles e luta contra era corrupcion e totes es formes d’opression.
Per tant, per Aran, per occitan e pera nòsta nacion occitana, aperam as nòsti compatriòtes aranesi a votar massissaments pera CUP-Crida Constituenta eth 27 de seteme. Visca Catalonha liura! Visca Aran e Occitània!
Per Iniciativa per Occitània,
Gerard Joan Barceló
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Soi ieu de çò que decidissi d'èsser. Non soi un mariòl de la frança imperialista e coloniala…
#1 "Siam de la granda França, ni cort, ni costièr"
Visca Catalonha liura! Visca Aran e Occitània liuras!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari