Opinion
La pèsta, de segur?
Aviá plan rason de o dire lo Joan de La Font que “segon que seretz un òme de poder o un crèba-la-fam, los jutjaments de cort vos faràn blanc o negre”.
Nadine Morano es pas, coma se ditz en anglés, ma taça de tè – my cup of tea. E m’embèstia de prene aicí sa defensa mas, amb sas paraulas sus la “raça blanca”, la paura a descadenat un tèrratremol mediatic e politic. N’avèm ausidas de colhonadas, quitament sus Jornalet.com! A! Auriá degut tornar legir —legir tot simplament— aqueles vèrses de Francés Villon: “Dieu! Aguèssi estudiat del temps de ma joinessa fòla…”
Aital auriá sabut que, dempuèi annadas ara, los sabents de tota mena dison qu’es una bestiesa de parlar de raça blanca o negra, etc. e fòrças articles de qualitat se pòdon trobar sul sicut.
Mas, coma una majoritat de nòstres elèits politics, se Nadine sap çò qu’es un libre, es pas per aquò que ne dobrís.
Que volètz? Los òmes politics an tantas causas a far, del tòcamanetas als platèus de television en passant pel bresilhadís sul telefonet e las rets socialas sus la tauleta, lor demòra pas gaire de temps per ensajar d’èsser un pauc mens piòts, subretot amb totas las casquetas que pòrtan…
Pels libres, Nadine es estada a bona escòla que son amic e mentòr Nicolas, avant que legiguèsse Laozi dins lo tèxte o quasiment, aviá ben proclamat que La princesse de Clèves servissiá pas a res, non? Pel demai, a seguit las piadas de son mentòr encara un còp mas sembla pas d’aver notat que Nicolas èra mai per la linha rota que non pas la linha drecha.
E es aquí lo picar de la dalha quand òm a un mentòr cambiadís!
Li cal, al mens, reconéisser una qualitat; a refusat de dire que regretava çò qu’aviá dich del moment que o crei fòrt e mòrt. De se desencusar, aquò auriá pas enganat qui que siá. Seriá estada pas qu’una paraula ipocrita de mai mas los politics i son abituats e los mèdias, lor agradan generalament de los veire se ridiculizar un pauc mai.
O ai ja dich, de segur, mas Morano e un fum d’autres an un nom un pauc estranh, trobatz pas? E òc, coma milions d’autres, lors parents an daissat una tèrra per diferentas rasons: famina, guèrra, dictadura, e se son arrestats en França… ont, soventes còps, son estats aculhits amb “los braces barrats”. Lor vida, de segur, n’èra aisida mas an tengut bon e ara, lors dròlles, los Morano, los Melenchon, los Ciotti, etc. dison que son de bon Franceses patriòtas e que cal pas daissar dintrar “los autres”.
Vertat es que fan de politica e qu’an pas estudiat l’istòria, benlèu!
Nadine Morano es pas, coma se ditz en anglés, ma taça de tè – my cup of tea. E m’embèstia de prene aicí sa defensa mas, amb sas paraulas sus la “raça blanca”, la paura a descadenat un tèrratremol mediatic e politic. N’avèm ausidas de colhonadas, quitament sus Jornalet.com! A! Auriá degut tornar legir —legir tot simplament— aqueles vèrses de Francés Villon: “Dieu! Aguèssi estudiat del temps de ma joinessa fòla…”
Aital auriá sabut que, dempuèi annadas ara, los sabents de tota mena dison qu’es una bestiesa de parlar de raça blanca o negra, etc. e fòrças articles de qualitat se pòdon trobar sul sicut.
Mas, coma una majoritat de nòstres elèits politics, se Nadine sap çò qu’es un libre, es pas per aquò que ne dobrís.
Que volètz? Los òmes politics an tantas causas a far, del tòcamanetas als platèus de television en passant pel bresilhadís sul telefonet e las rets socialas sus la tauleta, lor demòra pas gaire de temps per ensajar d’èsser un pauc mens piòts, subretot amb totas las casquetas que pòrtan…
Pels libres, Nadine es estada a bona escòla que son amic e mentòr Nicolas, avant que legiguèsse Laozi dins lo tèxte o quasiment, aviá ben proclamat que La princesse de Clèves servissiá pas a res, non? Pel demai, a seguit las piadas de son mentòr encara un còp mas sembla pas d’aver notat que Nicolas èra mai per la linha rota que non pas la linha drecha.
E es aquí lo picar de la dalha quand òm a un mentòr cambiadís!
Li cal, al mens, reconéisser una qualitat; a refusat de dire que regretava çò qu’aviá dich del moment que o crei fòrt e mòrt. De se desencusar, aquò auriá pas enganat qui que siá. Seriá estada pas qu’una paraula ipocrita de mai mas los politics i son abituats e los mèdias, lor agradan generalament de los veire se ridiculizar un pauc mai.
O ai ja dich, de segur, mas Morano e un fum d’autres an un nom un pauc estranh, trobatz pas? E òc, coma milions d’autres, lors parents an daissat una tèrra per diferentas rasons: famina, guèrra, dictadura, e se son arrestats en França… ont, soventes còps, son estats aculhits amb “los braces barrats”. Lor vida, de segur, n’èra aisida mas an tengut bon e ara, lors dròlles, los Morano, los Melenchon, los Ciotti, etc. dison que son de bon Franceses patriòtas e que cal pas daissar dintrar “los autres”.
Vertat es que fan de politica e qu’an pas estudiat l’istòria, benlèu!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 N'i a tanben que pensan sens escriure (contrapet)
Avètz rason mas ai cambiat ma frasa sens tirar lo nom que seriá aanat dins una frasa amb un sens diferent
Sens voler far d'alongas, al començament, èra per dire que i a d'immigrats o filhs d'immigrats qu'an doblidat que dins lo passat un país aculhiguèt lors parents...
Meluche vòl d'immigrats mas unicament assimilats !
Vos prometi de me tornar legir mai menimosament lo còlp que ven
Mélenchon que vòu pas deishar dintrar los auts ?
Sabi pas on atz vist aquò. Meilèu, pensi qu'escrivetz shens pensar. Mès aquera mesclanha decerebrada entre progressisme e reaccion, tostemps mei espandida, hèi hòrt de mau a l'explicacion politica deu monde.
#1 Un tipe del PNO que ven trobar d'excusas a Morano e qu'escriu de romans erotics (de fòrt bèla factura ça que la) que la quita Morano escupiriá dessús o fariá tot per enebir sa publicacion (o penjar son autor per causa que parla una lenga que menaça l'integritat de frança).
Non pas un epòca de fanatismes multiples, mas benlèu de relativisme absolut, ont tot se val en aparéncias.
#1 Eh ben es plan simple.
Lo tèrme de "raça" es inapropriat per descriure las variacions de populacion, d'etnia e de pigmentacion al dintre de l'espèci umana, qu'es biologicament una soleta. Lo tèrme de "raça" proven de las teorias racistas e pseudo scientificas que passeron dins las mentalitats per l'efiech de "l'éducation nationale " jos las Repúblicas francesas per justificar son impérialisme.
Dins l'istòria biologica dels ominidats, los neandertalians eran una autra espèci umana, qu'a desparegut per assimilacion o colonizacion (enfin i a debat) i a fòrt longtemps.
L'Euròpa es doncas pas de "raça" blanca, ja qu'i a pas de "raça" blanca. Ara se volètz dire que los europencs son estats en majoritat de pigmentacion "blanca", va plan, mas quin interes?
A, los mots !
O me soi mal exprimit o ai pas jamai dich que la Nadine aviá tengut de prepauses racistas. Son benlèu – de segur – considerats coma "borderline" per las bonas armas mas sos amics a qualques autres an dichas causas piègers.
Pensavi m'èsser plaçat sonque – ai pas insistit pro benlèu – sul plan de l'immigracion.. E una Morano se deuriá benlèu sovenir que i a un país – es çò qu'es ! – que n'aculhiguèt un, d'immigrant, en son temps e que sens aquò seriá pas aquí.
Sus un plan mai general, los òmes de poder que nos govèrnan o que nos vòlon governar deurián mailèu presicar la "fraternitat" que non pas l'asirança !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari