Opinion
Reforma dau collègi: de nòvas dau front
Avèm ja parlat aicí de la reforma dau collègi amagestraa per lo ministèri, sens consultacion excessiva dels personaus. Veire: La reforma dau collègi e las lengas regionalas, lo retorn o encara: Reforma dels collègis, mesa a mòrt de las lengas regionalas
Au cuer d’aquela “reforma”, la mesa en plaça d’EPI (ensenhaments practics interdisciplinaris, doas oras presas suu totau de las oras normalas; son tanben previstes d’AP, (acompanhament personalizat), censat permetre d’ajuar los escolans en dificultat.
Una primièra version de la reforma un pauc melhorada en fin de junh mas…
Dins sa premiera version, aquela reforma escafava tot simplament l’ensenhament opcionau de l’occitan en collègi en 6ena, d’abòrd que los EPI començan qu’en 5ena. Tot çò qu’èra laissat a la lenga regionala èra la possibilitat de la LV2, en concurréncia directa doncas amb las lengas vivas estrangieras: una possibilitat pas tan sovent mesa a profiech.
Lo legeire atentiu se soven que la FELCO aviam protestat, e que nòstra protestacion avia menat lo ministèri a nos rescontrar, amb la FLAREP per las autras lengas, car es clar que poèm pas far sensa una coordinacion minimala amb lors ensenhaires e mai amb las associacions de parents d’escolans. Lo Ministèri avian assajat de nos rassegurar e a la fin finala avian surtit una circulària, lo 30 de junh, qu’afortissia que lo sistèma anterior, un ensenhament opcionau tre la 6ena, e un ensenhament de disciplina non linguistica en occitan per assegurar la continuitat amb las classas bilingues dau primari, tot aquò sota la forma de las oras de complement previstas per la reforma en liame amb los famoses EPI, mas aquí èra pus necite que foguèsson liaas… Comprenga qu pòt… La FELCO avèm d’alhors publicada sus nòstre sit la dicha circulària amb nòstras remarcas.
Veètz ben lo problèma: lo 30 de junh, es un pauc tard, ni per las quauquas avançadas obtengudas per la mobilizacion. Pron chaps d’establiment an doncas eissubliat de liéger aqueu tèxt, e a la rentraa, quand los ensenhaires d’occitan los venian veire amb lo tèxt, fasian coma s’existava pas.
La FELCO enquistaira
La FELCO aviam lançat una premiera enquesta, en octòbre passat, dins nòstres CREOs, per saber la rentraa justament coma se passava. E aquelas darrieras setmanas, quora arribavan las dotacions oràrias dins los establiments, n’avèm lançat una segonda, qu’es en linha sus nòstre sit. Anam assajar de resumir aquí çò que los collègas nos an fach saber.
Premier problèma, aquí en tot cas ont l’ensenhament de l’òc es mantengut, la question dels oraris. Lo sistèma anterior preveia 2 oras d’occitan en 5ena, e 3 en 4ena e 3ena. Lo sistèma novèu redusís aquò a una ora e doas, respectivament… Anatz puèi ensenhar una lenga en una ora per setmana…
Un autre problèma aüra: quau paga las oras? en sabent que per far d’economias (seriá pas la tòca vertadiera, in fine, de la “reforma”?), las oras accordaas a un collègi dins la Dotacion Globala Orària (en francés DGH) devon èsser partejadas entre totas las matèrias. Çò que permetia a l’occitan d’escapar a aquò, èran, dins mantuna acadèmia, d’oras especificas, donaas per lo rectorat. Aquí, çò que començam de veire, au moment que son arribaas, en genier febrier, las DGH, es que dins de cases (Tolosa o Bordeus) aquelas oras a priori son mantengùas, non pas qu’a Montpelhier per exemple, son reduchas, e que per las acadèmias a l’est de Ròse l’i a pas grand causa en fora de promesas, levat benlèu en Bocas de Ròse, ont chau tenir d’a ment lo segut dels centres renforçats dau primari (de las acadèmias dau nòrd, ne’n parlo manco pas). Sens eissubliar los cases ont un chap d’establiment pòt, au nom de la qualitat dau servici, utilizar aquelas oras especificas per d’autras materias, jutjaas mai prioritàrias. E lo ministèri refusa d’afichar clarament qu’aquelas oras son fachas per las lengas regionalas (per de dire de se pas retrobar de chara amb las bramaissas dels ensenhaires d’alemand, de latin, grec, etc, elos tanben menaçats per la “reforma”).
E los famoses EPI, faches per menar los ensenhaires a l’interdisciplinaritat, coma s’o sabian pas far dempuèi de temps? En realitat, es una faussa dubertura: la temptacion dels chaps d’establiment, dins de cases que l’i a, es d’impausar d’EPI associant de matèrias obligatòrias, mas ont los ensenhaires riscan de se trobar en sota-servici. E coma l’occitan fai pas partia d’aquelas matèrias obligatòrias, son cas es ansin lèu reglat. De tot biais, per dintrar dins un EPI, chau trobar de partenaris dins d’autras disciplinas, e montar un projecte, çò que demanda de temps e d’òbra; e quand sias sus tres o quatre establiments, coma fas per impausar ta preséncia au mond que son suu sit de lonja?
Una autonomia laissada al terrenh o de nòvas feodalitats?
Per o dire clar: tot depende de la capacitat o de l’envea dau chap d’establiment o de sos superiors, inspectors, rectors, de manténer un ensenhament de l’occitan, e tot depende dels means que li son semostes: doas empachas grèvas.
En gròs, es lo regne dau rapòrt de fòrça amb l’administracion, de la concurréncia amb los collègas de las autras matèrias menaçaas. Ansin un ensenhament d’istòria-geografia en occitan dins un establiment s’es vist suprimit au profiech d’une classa bilangue francés / espanhòu…
Siam aquí dins una situacion qu’es la dau radèu de la Medusa, amb d’icebergs en suplement a gratis. Sovent se parla d’”escòla jacobina”: dins la realitat de las causas, la chalria puslèu definir coma feudala: amb “l’autonomia” dels establiments, en gròs, la risca es que chascun faça çò que vòl.
Aquí fai sofracha un vertadier encastre nacionau, e demandam doncas au ministèri coma als rectors d’agir clarament per servar la plaça de las lengas regionalas.
N’i a que nos van dire, o sabo, qu’es se metre dins la man de l’Estat. Non. Es li demandar de far aplicar onestament sos pròpres tèxtes. Es pas parier.
Se pòt ansin compréner çò que fai lo quotidian de nòstres collègas, compelits de menar a l’un còp lor ensenhament, e de lo defendre, localament, contra las temptativas o tentacions de reduccion, per pas dire d’eliminacion tranquilla de lor ensenhament. La mobilizacion es aquí indispensabla, e la FELCO amb sos CREOs l’i trabalhan.
Una causa en passant: la FELCO venèm d’apréner (lo 17 de març) que se tendria lo 18 un rescontre a Endaia (País Basco) sus las lengas regionalas e lor estatut. Se demandam coma vai que siam pas estats assabentats mai d’ora, e tot simplament, conviats a portar nòstra experiéncia. N’i a que pensan que l’ensenhament public es pas concernat? O qu’a pas ren de ben interessant de dire? Es pas ansin que farem avançar la causa de la lenga d’òc a l’escòla, dins totas las escòlas.
Diso aquò, diso ren.
Au cuer d’aquela “reforma”, la mesa en plaça d’EPI (ensenhaments practics interdisciplinaris, doas oras presas suu totau de las oras normalas; son tanben previstes d’AP, (acompanhament personalizat), censat permetre d’ajuar los escolans en dificultat.
Una primièra version de la reforma un pauc melhorada en fin de junh mas…
Dins sa premiera version, aquela reforma escafava tot simplament l’ensenhament opcionau de l’occitan en collègi en 6ena, d’abòrd que los EPI començan qu’en 5ena. Tot çò qu’èra laissat a la lenga regionala èra la possibilitat de la LV2, en concurréncia directa doncas amb las lengas vivas estrangieras: una possibilitat pas tan sovent mesa a profiech.
Lo legeire atentiu se soven que la FELCO aviam protestat, e que nòstra protestacion avia menat lo ministèri a nos rescontrar, amb la FLAREP per las autras lengas, car es clar que poèm pas far sensa una coordinacion minimala amb lors ensenhaires e mai amb las associacions de parents d’escolans. Lo Ministèri avian assajat de nos rassegurar e a la fin finala avian surtit una circulària, lo 30 de junh, qu’afortissia que lo sistèma anterior, un ensenhament opcionau tre la 6ena, e un ensenhament de disciplina non linguistica en occitan per assegurar la continuitat amb las classas bilingues dau primari, tot aquò sota la forma de las oras de complement previstas per la reforma en liame amb los famoses EPI, mas aquí èra pus necite que foguèsson liaas… Comprenga qu pòt… La FELCO avèm d’alhors publicada sus nòstre sit la dicha circulària amb nòstras remarcas.
Veètz ben lo problèma: lo 30 de junh, es un pauc tard, ni per las quauquas avançadas obtengudas per la mobilizacion. Pron chaps d’establiment an doncas eissubliat de liéger aqueu tèxt, e a la rentraa, quand los ensenhaires d’occitan los venian veire amb lo tèxt, fasian coma s’existava pas.
La FELCO enquistaira
La FELCO aviam lançat una premiera enquesta, en octòbre passat, dins nòstres CREOs, per saber la rentraa justament coma se passava. E aquelas darrieras setmanas, quora arribavan las dotacions oràrias dins los establiments, n’avèm lançat una segonda, qu’es en linha sus nòstre sit. Anam assajar de resumir aquí çò que los collègas nos an fach saber.
Premier problèma, aquí en tot cas ont l’ensenhament de l’òc es mantengut, la question dels oraris. Lo sistèma anterior preveia 2 oras d’occitan en 5ena, e 3 en 4ena e 3ena. Lo sistèma novèu redusís aquò a una ora e doas, respectivament… Anatz puèi ensenhar una lenga en una ora per setmana…
Un autre problèma aüra: quau paga las oras? en sabent que per far d’economias (seriá pas la tòca vertadiera, in fine, de la “reforma”?), las oras accordaas a un collègi dins la Dotacion Globala Orària (en francés DGH) devon èsser partejadas entre totas las matèrias. Çò que permetia a l’occitan d’escapar a aquò, èran, dins mantuna acadèmia, d’oras especificas, donaas per lo rectorat. Aquí, çò que començam de veire, au moment que son arribaas, en genier febrier, las DGH, es que dins de cases (Tolosa o Bordeus) aquelas oras a priori son mantengùas, non pas qu’a Montpelhier per exemple, son reduchas, e que per las acadèmias a l’est de Ròse l’i a pas grand causa en fora de promesas, levat benlèu en Bocas de Ròse, ont chau tenir d’a ment lo segut dels centres renforçats dau primari (de las acadèmias dau nòrd, ne’n parlo manco pas). Sens eissubliar los cases ont un chap d’establiment pòt, au nom de la qualitat dau servici, utilizar aquelas oras especificas per d’autras materias, jutjaas mai prioritàrias. E lo ministèri refusa d’afichar clarament qu’aquelas oras son fachas per las lengas regionalas (per de dire de se pas retrobar de chara amb las bramaissas dels ensenhaires d’alemand, de latin, grec, etc, elos tanben menaçats per la “reforma”).
E los famoses EPI, faches per menar los ensenhaires a l’interdisciplinaritat, coma s’o sabian pas far dempuèi de temps? En realitat, es una faussa dubertura: la temptacion dels chaps d’establiment, dins de cases que l’i a, es d’impausar d’EPI associant de matèrias obligatòrias, mas ont los ensenhaires riscan de se trobar en sota-servici. E coma l’occitan fai pas partia d’aquelas matèrias obligatòrias, son cas es ansin lèu reglat. De tot biais, per dintrar dins un EPI, chau trobar de partenaris dins d’autras disciplinas, e montar un projecte, çò que demanda de temps e d’òbra; e quand sias sus tres o quatre establiments, coma fas per impausar ta preséncia au mond que son suu sit de lonja?
Una autonomia laissada al terrenh o de nòvas feodalitats?
Per o dire clar: tot depende de la capacitat o de l’envea dau chap d’establiment o de sos superiors, inspectors, rectors, de manténer un ensenhament de l’occitan, e tot depende dels means que li son semostes: doas empachas grèvas.
En gròs, es lo regne dau rapòrt de fòrça amb l’administracion, de la concurréncia amb los collègas de las autras matèrias menaçaas. Ansin un ensenhament d’istòria-geografia en occitan dins un establiment s’es vist suprimit au profiech d’une classa bilangue francés / espanhòu…
Siam aquí dins una situacion qu’es la dau radèu de la Medusa, amb d’icebergs en suplement a gratis. Sovent se parla d’”escòla jacobina”: dins la realitat de las causas, la chalria puslèu definir coma feudala: amb “l’autonomia” dels establiments, en gròs, la risca es que chascun faça çò que vòl.
Aquí fai sofracha un vertadier encastre nacionau, e demandam doncas au ministèri coma als rectors d’agir clarament per servar la plaça de las lengas regionalas.
N’i a que nos van dire, o sabo, qu’es se metre dins la man de l’Estat. Non. Es li demandar de far aplicar onestament sos pròpres tèxtes. Es pas parier.
Se pòt ansin compréner çò que fai lo quotidian de nòstres collègas, compelits de menar a l’un còp lor ensenhament, e de lo defendre, localament, contra las temptativas o tentacions de reduccion, per pas dire d’eliminacion tranquilla de lor ensenhament. La mobilizacion es aquí indispensabla, e la FELCO amb sos CREOs l’i trabalhan.
Una causa en passant: la FELCO venèm d’apréner (lo 17 de març) que se tendria lo 18 un rescontre a Endaia (País Basco) sus las lengas regionalas e lor estatut. Se demandam coma vai que siam pas estats assabentats mai d’ora, e tot simplament, conviats a portar nòstra experiéncia. N’i a que pensan que l’ensenhament public es pas concernat? O qu’a pas ren de ben interessant de dire? Es pas ansin que farem avançar la causa de la lenga d’òc a l’escòla, dins totas las escòlas.
Diso aquò, diso ren.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 La formacion contunha es importanta... Sabètz aparentament pas que de formacion permanenta per los ensenhaires n'i a quasi pus. Torno pausar ma question : quau formaria los profs de matèrias divèrsas qu'aurian idèia (coma ?) de far una plaça a l'oc dins lor ensenhament ? Per quant a la petanca, es de fach lo sol esport que practique, ai doncas un grand respiech per eu. Co que diso, es que d'activitats ansin an de sens que se s'apielan sus un ensenhament disciplinari solide. S'aquo es far dau CAPES un Graal, assumo. Coma vai que volètz pas creire ço que nos mostran las enquestas que menam en quo dels collèges, suus efieches destruseires de la "reforma" dau collègi ?
#10 La petanca es un espòrt populari que s'amerita lo respècte e que pòt far l'objècte d'un projècte pedagogic passionant. "Partetz de l'idèia que de tot biais l'i aurè jamai los postes de certifiats necites, e qu'es doncas pas la pena de ne demandar" M'avètz donc pas legit. Caquelà la formacion contunha es plan mai importanta. Una vida professionala s'arrèsta pas al CAPES, quitament s'es lo vòstre Graàl.
#6 Compreno pas. Que de profs de matèrias dievrsas poschen, a l'escasença, permettre una preséncia de l'oc dins un establiment ont n'i a pas, perqué pas ? Se fai jà, e se fai despuèi lo temps de la lèi Deixonne : es ço que fasia Maria-Joana dins son establiment nimesenc, avans que lo Capès d'occitan formesse de profs especializats. Mas quau formarè de profs ansin, e premier de tot quau sabrè ço que fan, d'abord que de tot biais lo farèn a la taubra, sens que degun o sache en defora de lor establiment ? E coma serè pres en compte, per lor ierarquia, lo trabalh que fan en sobre de lor servici normau ? Partetz de l'idèia que de tot biais l'i aurè jamai los postes de certifiats necites, e qu'es doncas pas la pena de ne demandar (lo Ministèri adoraria vostra pausicion). Es suicidari. E ço que prepausatz es fondamentalament un bricolatge (petanca e patois, macramé e trobadors) que remplaçarè pas un ensenhament vertadier e que pot aguer de sens qu'apielat sus un ensenhament disciplinari solide : per que l' aie interdiciplinaritat, chau de disciplinas. ,
#6 Garric, Agachatz los comentaris dels collègas de terrenh, legissètz nòstra enquista, anatz veire las intervencions d'unes collègas desesperats e comprendretz que las bonas idèas qu'avètz (en gròs, valorizar las ressorças umanas disponiblas pro de las formar) se tuertan a la realitat de la manca de cadres per aquò faire. Sabi pas de qu'es vòstre mestièr mas vos demandi, francament, de faire coma o avèm fach : vos entresenhar sus la realitat de l'usina a gas qu'es la reforma e l'autra realitat dels servicis dels ensenhaires, de la concuréncia establida entre disciplinas, del pes de la ierarquia de caps d'establiment venguts "managers"...
Imaginatz lo professor d'occitan qu'es sus 2, 3 o 4 establiments, qu'a de mal de se faire (re)conéisser, i comprés fisicament, puèi qu'es pas qu'un passatgièr, que passa de còps tant de temps dins l'auto coma ne'n passa dins l'establiment : ont volètz que tròbe lo temps de l'escambi amb los autres collègas?
E es pas una question de pas faire legir Max Roqueta. Permetetz-me de vos dire que vos enganatz : lo licèu ont ensenhavi èra un licèu de la banlega nimesenca e es en fasent descobrir a de collègas d'istòria o de biologia la magia de l'òbra roquetiana que los ai menats a s'integrar dins de projèctes pedagogics interdisciplinaris (la garriga e sas plantas, lo foncionament d'un mas lengadocian) bastits a partir de l'òbra de Max Roqueta. Es la visita d'escriveires dins mas classas qu'a esvelhats de centenas de dròlles.
L'orari previst per lei lengas es just fach per esparnhar de sòus. En liceu, en LV2 (ensenhi l'italian) fa ja un brave moment qu'avèm 2h30 en 2a, 1 ora, 1h30 ò 2 oras en 1a e Terminala en foncion dei serias.
Confirmi qu'es impossible de faire de bòn trabalh!
En collègi, la dubertura de la LV2 en 5a s'acompanha d'un passatge a 2h30 en plaça de 3 oras. Oficialament, 2,5 X 3 = 7,5, en plaça de 3 X 2 = 6, mai dins lo meteis temps leis exigéncias en fin de 3a son baissadas (dau niveu A2 dins cada competéncia, se passa au "niveu A2 dins 2 dei competéncias au mens".
E leis ensenhaires? Un certificat s'ocupava de 6 gropes (3 X 6 = 18). L'an que vèn, l'ensenhaire deurà doncas prendre 2 gropes de mai per aver son nombre d'oras: 2,5 X 8 = 20.
Una subtilitat per aumentar l'orari e lo volume de trabalh deis ensenhaires tot en baissant lo niveu deis escolans!
E après nos vendran dire que lei pichòts francés son en retard dins l'aprendissatge dei lengas! (au liceu de Brinhòlas, fasèm un escambi m'un liceu italian: fan 5 oras de francés + 1 ora d'Istòria-Geografia en francés e 1 ora m'un assistent...).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari