Opinion
Tomban los caps
Dins la bibliotèca jihadista figura en bona posicion “La Jurisprudéncia del jihad” d’un cèrt al-Mohadjir, nomenada tanben “Jurisprudéncia de la sang”. Son primièr capítol es consacrat a “la copa dels caps” en s’apiejar sus una sorata coranica, la VIII: “Dieu voliá exterminar los increduls fins al darrièr, per fin de menar a la Vertat…picatz-los sul còl..Dieu, o vos cal saber es tarrible quora castiga”. Aquela vista de Dieu coma Mèstre de la Venjança ven per bona part del Testament Vièlh.
Trencar lo cap aquòl vòl dire en tota evidéncia eliminar la sorga de tota pantaissada, de tota soscadissa, de tota dissidéncia, de tota pensada critica o diferenta, çò que tot poder absolutista que siá religiós o non, pòt pas sofrir. Aquí perque las descapitacions s’acompanhan d’una mesa en scèna publica espectaclosa coma aquelas difusidas per Daesh sus lo ret: aquela notadament de l'11 de decembre de 2014 contra 22 soldats sirians, seguida de tantas autras. Mesa en scèna qu’a per tòca, en defòra de ritualizar la terror, d’endurcir los dròlles, futurs jihadistas, e que son convidats a jogar al fotbal amb los caps. Somission absoluda non pas a Dieu (que degun l’a pas jamai vist), mas a una ideologia mascla de las primitivas.
Descapitar, ailàs, aquò’s pas novèl. Se cal rampelar lo poder absolutista reial francés del sègle XVII que volguèt atal redusir tota contèsta. Tenem l’exemple del duc de Montmorency, governador de Lengadòc: lo decapitèron en octòbre de 1632 al mitan de la cort del Capitòli. Atal d’un còp lo cardenal Richelieu eliminava un dissident e tota possibilitat d’autonomia “provinciala” dels Estats de Lengadòc. Davant de morir, lo duc deguèt far una declaracion de sotmession totala: “Je tiens cet arrêt de justice du roi, pour un arrêt de la miséricorde de Dieu”. Puèi es al torn del borrèl d’adreiçar una pregària a Dieu. Coma los jihadistas salafistas que copan lo cap al nom de “Dieu lo misericordiós”… de qué balhar lo fasti de tota religion que fa de Dieu un assassin.
Autre episòdi francés, aquel de la plan nomenada Terror ont la guilhotina foncionèt a ronfle fins a tocar aqueles que l’avián sacralizada coma un càstig egalitari per totas las classas de la societat. Tota terror, l’istòria ò a provat mai d’un còp, finís que se vira, urosament, contra aqueles que l’an promulgada.
Se consideram la colonizacion francesa, tornem a 1849, al moment de la conquista salvatja de l’oasí de Zaatcha en Argeria: s’i menèt un chaple de quicòm coma uèit cent personas, femnas, maintages e vièlhs. L’armada francesa capturèt lo cheikh Bozian e sos companhs, los fusilhèron abans de los decapitar, aquò per empachar l’eroizacion dels guerrièrs. Los caps engulhats sus de picas los expausèron sus la plaça del mercat de Biskra, puèi los mandèron a la Société d’Anthropologie de Paris e los estremèron fin finala al Musée de l’Homme. Recentament d’unes ciutadans argerians an reclamat la restitucion d’aquelas rèstas per i balhar una sepultura pro digna (in Le Monde, 10/07/16). S’èra passat, fa pas gaire, un afar semblant amb los caps d’unes rebèls kanaks conservats coma trofèus dins lo meteis Musée de l’Homme.
Caldrà esperar l’abolicion de la pena de mòrt en 1981, en França, per n’acabar amb la guilhotina. Tres païses son encara a decapitar publicament amb un sabre: l'Arabia saudita, Emirats e Qatar.
Trencar lo cap aquòl vòl dire en tota evidéncia eliminar la sorga de tota pantaissada, de tota soscadissa, de tota dissidéncia, de tota pensada critica o diferenta, çò que tot poder absolutista que siá religiós o non, pòt pas sofrir. Aquí perque las descapitacions s’acompanhan d’una mesa en scèna publica espectaclosa coma aquelas difusidas per Daesh sus lo ret: aquela notadament de l'11 de decembre de 2014 contra 22 soldats sirians, seguida de tantas autras. Mesa en scèna qu’a per tòca, en defòra de ritualizar la terror, d’endurcir los dròlles, futurs jihadistas, e que son convidats a jogar al fotbal amb los caps. Somission absoluda non pas a Dieu (que degun l’a pas jamai vist), mas a una ideologia mascla de las primitivas.
Descapitar, ailàs, aquò’s pas novèl. Se cal rampelar lo poder absolutista reial francés del sègle XVII que volguèt atal redusir tota contèsta. Tenem l’exemple del duc de Montmorency, governador de Lengadòc: lo decapitèron en octòbre de 1632 al mitan de la cort del Capitòli. Atal d’un còp lo cardenal Richelieu eliminava un dissident e tota possibilitat d’autonomia “provinciala” dels Estats de Lengadòc. Davant de morir, lo duc deguèt far una declaracion de sotmession totala: “Je tiens cet arrêt de justice du roi, pour un arrêt de la miséricorde de Dieu”. Puèi es al torn del borrèl d’adreiçar una pregària a Dieu. Coma los jihadistas salafistas que copan lo cap al nom de “Dieu lo misericordiós”… de qué balhar lo fasti de tota religion que fa de Dieu un assassin.
Autre episòdi francés, aquel de la plan nomenada Terror ont la guilhotina foncionèt a ronfle fins a tocar aqueles que l’avián sacralizada coma un càstig egalitari per totas las classas de la societat. Tota terror, l’istòria ò a provat mai d’un còp, finís que se vira, urosament, contra aqueles que l’an promulgada.
Se consideram la colonizacion francesa, tornem a 1849, al moment de la conquista salvatja de l’oasí de Zaatcha en Argeria: s’i menèt un chaple de quicòm coma uèit cent personas, femnas, maintages e vièlhs. L’armada francesa capturèt lo cheikh Bozian e sos companhs, los fusilhèron abans de los decapitar, aquò per empachar l’eroizacion dels guerrièrs. Los caps engulhats sus de picas los expausèron sus la plaça del mercat de Biskra, puèi los mandèron a la Société d’Anthropologie de Paris e los estremèron fin finala al Musée de l’Homme. Recentament d’unes ciutadans argerians an reclamat la restitucion d’aquelas rèstas per i balhar una sepultura pro digna (in Le Monde, 10/07/16). S’èra passat, fa pas gaire, un afar semblant amb los caps d’unes rebèls kanaks conservats coma trofèus dins lo meteis Musée de l’Homme.
Caldrà esperar l’abolicion de la pena de mòrt en 1981, en França, per n’acabar amb la guilhotina. Tres païses son encara a decapitar publicament amb un sabre: l'Arabia saudita, Emirats e Qatar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Montmorency n'a pas été décapité !
Historiens, encore un effort !
#1 Eths articles de Viaule son islamofòbs, e eth article de Surre-Garcia non ac ei. Se non ètz pas capable d'ac véder, qu'avetz/qu'avem un grèu problema
Per respondre a Gèli Grande dirai qui a pas dos pès, doas mesuras. I a un problem de comunicacion. Attencion, los mots an una importança. Podan esser interpretats de faiçon diferenta per los legissors.
Emben Viaule l'òm a l'impression que l'òm ataca tot l'islam alaidonc que belcòp d'islamistes son las victimas d'una ideologia que sers los poderos. Nòstra educacion francesa nos a aprengut qu'i a la Religion emben un grand R, coma i a una Franca emben un grand F. Tots dins la mesma biassas. Los que son pas d'accòrd son eretics. I a pas de place per l'eresia. Lo governament frances e los medias cultivan belcòp aquela l'idéia e quò fai un boiradis pas dau melhor mas plan entretengut.
La vertadiera spiritualitat quò es de dire que l'esser uman es divisat en dos : un còrp materiau gerat per l'ego, lo mental e un còrps en defòra que gera nòstras emocions, qu'es reliat emben nòstra consciença e a la sorça que nos a creat, qu'es pura amor e lumiera, que nos balha l'energia per viure e aimar. Lo but de la religion era de reliar los dos que si nos laissam dominar per l'egò o lo mental nos manca quauqu'a ren . Viavan dins lo passat e la paur dau deman. I a pas melhor que vòstre ego per vos culpabilisar. Quò es lo diu que punis e venja perque lo diu vertadier es tot amor.
La sciença pòd pus avançar si se contenta de demorar dins lo materialisme. Deu estudiar aura la consciença, l'energia que balha la vista.
Diga Papi Surre-Garcia perque per comprener la convivialitat chau imaginar qu'i a un estrangier en nos?
Plan bon article.
Totun me sembla que i a quicòm que truca sus Jornalet !
Quand es Viaule que ditz la meteissa causa, per Jornalet es d'islamofobia !
Quand es Surre Garcia aquò passa ...
I auria pas dos pès, doas mesuras ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari