Opinion
Lo jorn dau despassament
Tots los ans, los jornaus nos parlan dau jorn dau despassament, lo jorn ont l’umanitat a consumat l’equivalent de las ressorsas naturalas produchas en un an per la planeta. Quela data es calculada per lo Global Footprint Network e chada annada la data avança. Quò vòu dire que dempuei lo 8 d’aost 2016, sem a minjar nòstras reservas, nòstre estauvi naturau. Çò que nos mòstra quel indicator es que, quau que siá la bona volontat daus Estats e mai daus ciutadans, l’esfòrç es larjament insufisent. Arribam quitament pas a ralentir l’emorragia. E parle pas de l’arrestar nimai de reconstituir lo capitau naturau de la Terra.
Qual es lo scenari lo mai probable dins nòstra situacion? D’en prumier, nos la fau gaitar sonhosament. La reparticion de las ressorsas e de lor consomacion es inegala sus Terra e dins las societats umanas. Vesem ben que los Estats los mai poderós son lo qu’an las societats que consuman lo mai. A l’interior de quelas societats, lo confòrt efectiu e l’enveja de possedir totjorn mai permes de garantir una patz sociala relativa. L’oligarchia que nos governa en a mestier per poder conservar sa plaça. Adonc li fau s’assegurar de las disponibilitats de las ressorsas que se tròban dins daus país mai febles politicament e emb mens de besoenhs. Li fau tanben s’assegurar que quilhs país se van pas desvelopar economicament, per pas consumar çò qu’avem mestier, nimai politicament, per contunhar de nos laissar accedir a lors ressorsas.
De segur, quò pòt pas se passar sens tensions, mai que mai, quand las ressorsas van demenir. Las inegalitats van se far de mai en mai fòrtas dins nòstras societats e los conflictes mai nombrós dins lo monde. E las extremas drechas ne profitaràn. Me trobatz pessimista? Pertant me sembla ben que quò es çò que nos arriba desjà. E l’an que ven, lo despassament se farà mai dabora qu’ujan.
Qual es lo scenari lo mai probable dins nòstra situacion? D’en prumier, nos la fau gaitar sonhosament. La reparticion de las ressorsas e de lor consomacion es inegala sus Terra e dins las societats umanas. Vesem ben que los Estats los mai poderós son lo qu’an las societats que consuman lo mai. A l’interior de quelas societats, lo confòrt efectiu e l’enveja de possedir totjorn mai permes de garantir una patz sociala relativa. L’oligarchia que nos governa en a mestier per poder conservar sa plaça. Adonc li fau s’assegurar de las disponibilitats de las ressorsas que se tròban dins daus país mai febles politicament e emb mens de besoenhs. Li fau tanben s’assegurar que quilhs país se van pas desvelopar economicament, per pas consumar çò qu’avem mestier, nimai politicament, per contunhar de nos laissar accedir a lors ressorsas.
De segur, quò pòt pas se passar sens tensions, mai que mai, quand las ressorsas van demenir. Las inegalitats van se far de mai en mai fòrtas dins nòstras societats e los conflictes mai nombrós dins lo monde. E las extremas drechas ne profitaràn. Me trobatz pessimista? Pertant me sembla ben que quò es çò que nos arriba desjà. E l’an que ven, lo despassament se farà mai dabora qu’ujan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 L'estrategia tipica de l'extrema-drecha, revirar las acusacions a lor encontra : "qu'es pas nautres los fascistas, qu'es los autres", "qu'es pas nautres los fanatics, qu'es los autres", "qu'es pas nautres qu'aguissen lo monde, qu'es los autres", "qu'es pas ilhs los extremistas, qu'es los autres"... Coma disen en francés dins los airaus de recreacion : "C'est çui qui dit qui y est".
Pertant, los ecologistas, prumier los de mança, an jamai aguit degun, e segur pas los pòples que los Occidentaus an esplechat e fach sufrir. Quò fai mau, n'es ?, de se 'visar, de visar lo passat, son passat colonialista ? Anem, e si prenián lo poder los que fugueren plumats per los Occidentaus, siriá un juste retorn de viraud !
#2 Las metempsicosis de la Comtèssa-Papèta-Gramaticiana- Crepuscularia-Pesamezzo qu'ensaja inalassablament de botar lo fuoc amb de cendres trebolassas me daissan de longa sens votz.
Galèjada ? Experiènçia mediologica dau CNRS ? Joc-concors amagat ? Satira trufarèla dau neo-fascism ?
Transa chamanica ? Interferèncias galacticas ?
#1 Hum, a ben té, oèi, tot coma si las ressorsas de la Terra eran inachabablas... ! Pfff, emb tot lo pretròli e totas las energias fossilas que minjam chasque jorn en quantitats astronomicas, sei enguera a me damandar coma ne'n pòt sobrar, e figuratz-vos que mesma si ne'n restava mai que nautres zo pensam e que trobessam de las nuvelas fonts d'energia per exemple - anem, metam, per dos segles de mai - e ben, quò sirá totparier franchament ridicule comparat aus temps geologics qu'an metut quelas fonts per se constituir (daus milions e milions d'annadas, e mai daus milards per quauqu'unas) - afen, n'auram finalement tot minjar en un ren de temps, tres-quatre segles benleu, e los umans a venir remerciaràn los egoïstas que lors congeneris dau passat siràn estats, si n'i a totjorn, daus umans, per puescher zo pensar - ieu crese que vam vers una decreissença de populacion a l'eschala mondiala e qu'es las populacions las mai desfavorizadas que, prumier, ne'n van patir dau temps que los país subredesvelopats contunharàn de se gorniflar a lor despens, sens voler laissar lo mendre bocin aus mai precaris, mas me diretz, qu'es nonmàs la contunhada de çò que se passa desjà dempuei quauques segles.
Qu'es ben, contunham entau, ba, un jorn o l'autre, quò 'chabará que los país dichs dau Sud se revelharàn e reclamaràn reparacion e auràn rason, los Occidentaus profiechaires auràn mas la revòlta qu'auràn ilhs-mesmes provocar - a, quò a desjà començ̧at ? m'an dich.
Fau 'restar emb las teorias dau complòt coma la vòstra, qu'es temps de se responsabilizar e de chamnhar de biais de far ('restar emb lo consumerisme per exemple), a començar per nautres que vivem dins daus país explechaires daus autres e franchament privilegiats.
E si setz pas convençut, l'i a de la bona literatura scientifica per vos assabentar mas me diretz benleu que son tots a la sòlda de "l'oligarchia financiària", los scientifics... e mai benleu que la sciéncia a jamai menat ren de bon, a ben, donc, segur qu'emb queu biais de veire, podem ren argumentar, podem pas debatre, puei que vòstra pensada repausa mas sus de las impressions, sus de las conviccions intimas, e non sus de las observacions.
se lei chifras fiscalas permeton d'establir lo jorn que lo contribuable trabalha per son compte e non pas per l'Estat golafre (aquest an, seriá lo 26 de julhet,) en revenge, me sembla aleatori per ço qu'arregarda lo jorn que diatz, dau despassament que manjariam o consumeriam nostrei ressorças naturalas non renovelablas .aquo releva puslèu de la cresènça religiosa, a un sacrifici sus l'autar dau dieu Ecologia qu'es una divinitat tan gelosa que lo Jehovah d'Israël ! coma tota religion, lo santissime Ecologic se tuerta a son Satanàs que porta de noms divèrs, leis extremas drechas, leis oligarquias financieras, la lucha dei classas, que sabi ieu, tot ço que s'opausa à nostra civilizacion occidentala, la soleta existènta dins lo mond contemporanèu que maugrat ses excès-lo consumerisme, lo degalhatge institucionau- permete a l'ome de viure en bona santat pus long-temps e de menar una vida superiora a tot ço qu'aguèt coneigut l'umanitat dempueri de milenaris, mai ço qu'una bona minoritat de masoquistas troba inadmissible e s'acusa de totei lei pecats colonialisme, inegalitats, capitalisme etc qu'ei tant luenh de la realitat economica coma l'estèla Sirius, se li a agotament dei ressorças naturalas, seriá mai que mai degtut à la demografia galopanta dei pais musulmans o africans que leis estats en question prenon pas en compte, au contrari de la China e l'India qu'an pres de mesuras sensa dobte contestables per metre un fren à la crfeissènça desmesura
E si l'eschaurament climatica, si lo depassament de las resorças de la terra eran mas una invencion de las oligarchias financieras per culpabilisar las gens e far acceptar l'idéia que quò porra pas 'chabat autrament que per una guerrra civila dins lo monde entier?
Los écologistes nos avian pas dich que la taxa carbona era nonmas un impot mondiau qu'anava directament dins las pòchas de l'oligarchia financiera, dau Rotschild en prumier, per lo biais d'organismes financiers internacionaus coma l'ONU, lo FMI e autras organisacions bancaires. Es la mesma oligarchia financiera que fai creire a l'eschaurament climatica, au tarissament de las ressorças de la terra.
Es ela qu 'organisa los atentats e lo terrorisme perque sent ben que sa darriera ora es arribada.
Avetz rason; chacun creu que çò que vèol creure.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari