Opinion
Au nom deus mens amics jusius
Jean-Frédéric Poisson, président deu Partit Crestian-Democrata e candidat a la primària de la dreta e deu centre per l’eleccion presidenciala avèva declarat recentament dens Nice-Matin deu 19 d’octobre que “Hillary Clinton es sosmesa aus lobbies sionistas”. Se devoc desencusar dens la quita jornada davant lo Comitat Representatiu de las Institucions jusivas de França, son adversària Nathalie Kościuszko-Morizet pausèc un clam au près de la hauta autoritat de la primària e eth devoc hèr un torn deus mèdias ende’s justificar. Lo mot d’antisemitisme estoc clarament evocat.
Lo 24 d’octobre de 2016, Poisson estoc recebut a France Info per Jean-Michel Apathie, Fabienne Sintes, Guy Birenbaum e Gilles Bornstein ende s’explicar. Aquò semblava haut o baish a un procès on lo malerós democrata crestian estoc atacat de cada costat sus sa frasa.
Jean-Frédéric Poisson es un antisemita? Non. Los lobbies aus Estats-Units son un hèit establit sens nada connotacion pejorativa, e l’apartenéncia au lobby pro-israelian es clarament reivindicat peus sons sòcis. Çò qu’es, segon jo, per contra, inacceptable, es que criticar lo sionisme es associat automaticament a un actitud d’antisemitisme.
Èi tres amics jusius. Quan disi “amics jusius”, vòli díser personas dambe las qualas èi parlat longament deu judaïsme e d’Israèl. Parli pas deus Jusius que coneishi, quitament plan, mes dambe los quaus n’èi pas autan escambiat suu subjècte.
Lo purmèr es un anarquista, sòci un moment deu comitat Palestina. L’es arribat mès d’un còp de’s castanhar (fisicament) dambe los qu’apèra los sionards. Reïvindica l’eredatge deu Yiddishland revolucionari, torna brembar que lo sionisme es una ideologia, e que los Jusius progressistas estón los purmès de s’opausar a son espandiment, lavetz que los sionistas, a la debuta, èran meslèu a s’amigalhar dambe los partits de dreta e quitament de dreta extrèma (Un acòrd, “ha havarah”, estoc signat entre sionistas e nazis per ajudar a l’installacion en Palestina).
Lo dusau es comunista e internacionalista, sosteng pas brica Israèl que considèra coma un aligat deus Estats-Units dens lor imperialisme au servici deu capitalisme ultraliberau enemic deus pòbles.
La tresau es una punketa retirada, que, un jorn, se desseparèc d’un amiguet pr’amor qu’eth èra “sionista” e sostenguèva las accions de Tsahal contra los Palestinians, en tot considerar que la vida de dròlles palestinians comptava pas brica davant la seguretat de l’Estat ebrèu.
Es doncas en lor nom que’m cau cridar haut e hòrt un còp de mès que lo sionisme es pas ni una raça ni una origina etnica, mes una ideologia nacionalista au servici d’un imperialisme. Punt. Se pòt criticar, aquò’s pas de racisme.
Lo problèma deu CRIF es la letra “R”, es a díser “representatiu”. Son pas elegits e parlan en lo nom d’un pòble sancèr, an accès au mèdias quan los de l’Union Jusiva Francesa per la Patz (antisionista) es desconeishuda deu public.
Vertat que JF Poisson es un peish plan estranh, a l’encòp fòrça a dreta, pròche d’un Menard, en contra deu “cordon sanitari a l’entorn deu FN” e lo candidat mès sociau de totis los de la primària de la dreta e deu centre. S’èra antisemita, aquò seré sabut dempuèi bèra pausa, que n’èra pas a la purmèra declaracion de la vida politica. E es pas l’estile malesctruc de sa frasa que va provar quicòm.
E se cau sustot mauhisar de “l’efèit Pèire e lo Lop”, es a díser que de cridar au racisme tròp sovent, s’acaba per n’i créser pas mès au moment quan representa un dangèr vertadèr.
Lo 24 d’octobre de 2016, Poisson estoc recebut a France Info per Jean-Michel Apathie, Fabienne Sintes, Guy Birenbaum e Gilles Bornstein ende s’explicar. Aquò semblava haut o baish a un procès on lo malerós democrata crestian estoc atacat de cada costat sus sa frasa.
Jean-Frédéric Poisson es un antisemita? Non. Los lobbies aus Estats-Units son un hèit establit sens nada connotacion pejorativa, e l’apartenéncia au lobby pro-israelian es clarament reivindicat peus sons sòcis. Çò qu’es, segon jo, per contra, inacceptable, es que criticar lo sionisme es associat automaticament a un actitud d’antisemitisme.
Èi tres amics jusius. Quan disi “amics jusius”, vòli díser personas dambe las qualas èi parlat longament deu judaïsme e d’Israèl. Parli pas deus Jusius que coneishi, quitament plan, mes dambe los quaus n’èi pas autan escambiat suu subjècte.
Lo purmèr es un anarquista, sòci un moment deu comitat Palestina. L’es arribat mès d’un còp de’s castanhar (fisicament) dambe los qu’apèra los sionards. Reïvindica l’eredatge deu Yiddishland revolucionari, torna brembar que lo sionisme es una ideologia, e que los Jusius progressistas estón los purmès de s’opausar a son espandiment, lavetz que los sionistas, a la debuta, èran meslèu a s’amigalhar dambe los partits de dreta e quitament de dreta extrèma (Un acòrd, “ha havarah”, estoc signat entre sionistas e nazis per ajudar a l’installacion en Palestina).
Lo dusau es comunista e internacionalista, sosteng pas brica Israèl que considèra coma un aligat deus Estats-Units dens lor imperialisme au servici deu capitalisme ultraliberau enemic deus pòbles.
La tresau es una punketa retirada, que, un jorn, se desseparèc d’un amiguet pr’amor qu’eth èra “sionista” e sostenguèva las accions de Tsahal contra los Palestinians, en tot considerar que la vida de dròlles palestinians comptava pas brica davant la seguretat de l’Estat ebrèu.
Es doncas en lor nom que’m cau cridar haut e hòrt un còp de mès que lo sionisme es pas ni una raça ni una origina etnica, mes una ideologia nacionalista au servici d’un imperialisme. Punt. Se pòt criticar, aquò’s pas de racisme.
Lo problèma deu CRIF es la letra “R”, es a díser “representatiu”. Son pas elegits e parlan en lo nom d’un pòble sancèr, an accès au mèdias quan los de l’Union Jusiva Francesa per la Patz (antisionista) es desconeishuda deu public.
Vertat que JF Poisson es un peish plan estranh, a l’encòp fòrça a dreta, pròche d’un Menard, en contra deu “cordon sanitari a l’entorn deu FN” e lo candidat mès sociau de totis los de la primària de la dreta e deu centre. S’èra antisemita, aquò seré sabut dempuèi bèra pausa, que n’èra pas a la purmèra declaracion de la vida politica. E es pas l’estile malesctruc de sa frasa que va provar quicòm.
E se cau sustot mauhisar de “l’efèit Pèire e lo Lop”, es a díser que de cridar au racisme tròp sovent, s’acaba per n’i créser pas mès au moment quan representa un dangèr vertadèr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Quan disi que, se lo Poisson èra antisemita, aquò seré causa sabuda dempuèi longtemps, ac mantengui. Es un tipe qu'a una vida politica qu'a pas començat l'an passat, estoc conse de Rambouillet, deputat, etc ... a hèit dempuèi longtemps declaracions publicas. Vist coma las frasas antisionistas son lèu notadas e portadas sus debat public, podèm pensar que lo Peish n'avosse hèita una malorosa, la causa seré sabuda e resabuda. Mes non, ren de signalar. Desolat.
De mès, au moment de l'emission sus France Info qu'èi ausida, a tengut un discors a l'oposat de l'antisemitisme. Auré se dehéner en tot díser, com ac hèn los vertadièrs antisemitas, qu'es atacat peus Jusius pr'amor que ditz la vertat, etc ... Ren d'aquò. Digoc qu'Israèl a lo dret a la seguretat e a's dehéner, çò qu'es meslèu rare dens la boca d'un antisemita.
Se volètz, ende's botar d'acòrd, podèm díser que beneficia de la presempcion d'inocéncia dens l'abséncia de tota pròva dinc a uei. Lòl.
#7 La societat israeliana es una societat paradoxala. Es al dintre d'aquela societat, dins sas creacions culturalas- literatura, cinema, premsa, tan ricas, dins los trabalhs de sos intellectuals, qu'òm tròba la critica mai pertinenta de la politica de l'estat d'Israel.
Lo sionisme es pas qu'un avatar del colonialisme vestit de mitologia religiosa- cossi far dintrar totes los josieus del mond al pais de lors suspausats reires ( drech per totes los josieus, segon la teoria sionista) sens contunhar de caçar de lors terras los Palestinians?
E, çò melhor de far per butar lo josieus a partir en Israel, es de far créisser lor sentiment d'insecuritat, de los expausar a un antisemitisme tan pèc qu'inacceptable, donc, òc, se lo sionisme entreten l'antisemitisme, al revers tanben l'antisemitisme entreten lo sionisme.
#1 "Doblidem pas: lo sionisme entreten l'antisemitism." E mai sián doas causas diferentas, l'antisionisme sovent tanben l'entreten. Es pas sexy uèi de dire "los josieus a la mar !" o "mòrt als josieus", alavetz d'unes critican Israèl de contunh. Disi pas qu'es lo vòstre cas, mas de causas que s'escrivon suls fòrums o sus Facebook o mòstran cada jorn.
Lo sionisme se pòt criticar, òc ben ! Pasmens, evocar lo "lobby sionista" a prepaus deus Estats Units, e davant un public que sap pas forçadament lo ròtle deus lobbies ailà, es fòrça dangierós, tot de tira remanda als fantasmas coneguts dels "josieus qui govèrnan America".
Aquò, cresètz pas qu'o vos caliá dire ?
De mai, los sionismes als Estats Units son maites, i a l'AIPAC, qu'es clarament engatjada darrièr Netanyahu, e J Street, que preferís la recèrca d'una solucion pacifica al conflicte amb la reconeissença de l'Estat palestinian. Eles tanben son de sionistas: http://jstreet.org/susya-beyond/
Vos tròbi bravament ninòl d'afirmar que Poisson es benlèu pas antisemita. "S’èra antisemita, aquò seré sabut dempuèi bèra pausa," Volètz rire ? Cal èsser seriós doas segondas, parlam d'un tipe que se presenta a una primària de presidenciala, pas de Soral o Dieudonné.
Donc fin finala soi pas d'acòrdi amb vos e tròbi que çò qu'escrivètz ací es pas gaire seriós...
#1 Ai doblidat de precisar que los 3 intellectuals citats ( Serfaty de Marròc, Curièl d'Egipta, Halevy de Palestina) son josieus (o èran...- que son mòrts totes tres )
Quant a Shlomò Sand, israelian, es josieu tanben, solide, que se sap que la ciutadanitat completa en Israel, se dona pas qu'als josieus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari