Encara un còp dins l'istòria de la ciutat
De Besièrs la sabenta, la doça e gloriosa,
Çai arriba una ataca covarda e flairosa
Que vòl destrusir tot çò qu'avem eiretat,

Tots los joièls que los sègles nos an portat.
Los libres e l'istòria nòstra, dolorosa,
De còps sagnosa, mas çò mai sovent joiosa,
Son un tresaur que lo CIRDÒC a acampat.

Ailàs! L'òrre cònsol Ménard a suprimit
La subvencion municipala. Plan poirit
Aquel atemptat lançat per un omenet

Tan bavard que crei que nos poirà estofar!
Lo pòble d'Òc esquicharà lo cuçonet:
Al país, lutar es quicòm que sabèm far.