Opinion
A Alèp, la vièlha propaganda es pas mòrta
Solide, quan quauqu’un ausís lo mot “propaganda”, pensa purmèr a vièlhas aficas de las annadas trenta en Alemanha nazia o dens l’Union Sovietica d’Stalin. Es a díser que s’agís lavetz de la propaganda de bon reconéisher, aquera que lauda un regime politic dambe la finessa d’una reclama americana per un paquet de leishiva de las annadas 50.
Uei lo dia, caleré parlar meslèu de “manipulacion mediatica”, mes aquò vos plaça lèu dens lo camp deus “complotistas”, de “populistas” o suspausats. Gardaram doncas lo nom polidet e folcloric de “propaganda”.
Rudyard Kipling auré dit: “En temps de guèrra, la purmèra victima es la vertat”. Avèva rason. Am dejà verificat que, en temps de guèrra, la “rason d’Estat” pòt hèr lèu capvirar un regime parlementari en regime autoritari en un virat d’uelh. Lo president de l’Estat francés a recentament engatjat operacions militàrias a l’endefòra (enchafradas OPEX) sens la mendre acceptacion deu parlament (Un debat sens votacion ende balhar l’impression).
Tot parièr, pòr hèr capvirar una premsa haut o baish “liura” en un utís de propaganda poderós au servici de l’armada e deus dirigents.
La batèsta que’s debana a Alèp en Siria, on lo govèrn rus e los govèrns occidentaus son engatjats, n’es un exemple deus bons. Qui ditz conflicte armat, ditz mentidas. Dens aqueste cas, s’agís pas de mentidas on la vertat seré travestida, mes de mentidas “per omission”. Exemple:
1. Costat rus:
Vos pègui ací lo ligam dambe una pagina d’una cadena de television russa que se sona Первый канал, sia “Purmèr Canau”. Quitament se parlatz pas lo rus, podètz comprénguer lèu de qué se tracta: los enemics de l’armada regulara (la qu’es sostenguda per l’armada russa), aperats “terroristas”, bombardejan las escòlas d’Alèp-oèst e los dròlles son las purmèras victimas.
Lo filmòt s’acaba per l’entrevista d’una dròlla qu’a escrit una letra ende la patz, çò que bremba la famosa cançon de l’epòca sovietica Пусть всегда будет солнце (Qu’i aja totjorn lo sorèlh) on un dròlle demandava aus soldats de hèr la patz. Aquò que balharà solide sovénguers aus telespectators de mès de quaranta ans.
Lo reportatge ací.
2. Costat occidentau
Èi pas vist totis los reportatges sus Alèp au finestron francés, mes èi ausit parlar capvath los hialats sociaus d’un Envoyé Spécial qu’a particularament escandalizat los que l’an vist. Aquiu, son lus Russes que son los marrits que bombardejan los dròlles, e los “rebèlles” que son los bons. De tot biaish, a la ràdio, l’armada regulara siriana es pas jamès aperada atau mes “las tropas deu regime d’Assad”, ende plaçar dus mots a connotacion pejorativa a l’encòp: “tropas” e “regime”.
Dempuèi longtemps am vist los imatges d’espitaus de la vila destrusits on tot manca pr’amor de l’accion de las aviacions russas e governamentalas.
3. Conclusion
La sola vertat, es que la guèrra es una hòlia murtrèra, la guèrra es una asenada criminala que profita a daubuns mentre los civius innocents patissen, son nafrats e tuats. Botar la responsabilitat sus un sol costat es complètament contraproductiu e encoratja a l’utilizacion de la guèrra per l’aute costat. Es la mira de la propaganda. Cau pas saunejar e créser los condes peus dròlles, dens un conflicte armat, son pas jamès los Bons contra los Marrits, mes totjorn los Marrits contra los Marrits. Los autes an pas lo dret a la paraula.
Uei lo dia, caleré parlar meslèu de “manipulacion mediatica”, mes aquò vos plaça lèu dens lo camp deus “complotistas”, de “populistas” o suspausats. Gardaram doncas lo nom polidet e folcloric de “propaganda”.
Rudyard Kipling auré dit: “En temps de guèrra, la purmèra victima es la vertat”. Avèva rason. Am dejà verificat que, en temps de guèrra, la “rason d’Estat” pòt hèr lèu capvirar un regime parlementari en regime autoritari en un virat d’uelh. Lo president de l’Estat francés a recentament engatjat operacions militàrias a l’endefòra (enchafradas OPEX) sens la mendre acceptacion deu parlament (Un debat sens votacion ende balhar l’impression).
Tot parièr, pòr hèr capvirar una premsa haut o baish “liura” en un utís de propaganda poderós au servici de l’armada e deus dirigents.
La batèsta que’s debana a Alèp en Siria, on lo govèrn rus e los govèrns occidentaus son engatjats, n’es un exemple deus bons. Qui ditz conflicte armat, ditz mentidas. Dens aqueste cas, s’agís pas de mentidas on la vertat seré travestida, mes de mentidas “per omission”. Exemple:
1. Costat rus:
Vos pègui ací lo ligam dambe una pagina d’una cadena de television russa que se sona Первый канал, sia “Purmèr Canau”. Quitament se parlatz pas lo rus, podètz comprénguer lèu de qué se tracta: los enemics de l’armada regulara (la qu’es sostenguda per l’armada russa), aperats “terroristas”, bombardejan las escòlas d’Alèp-oèst e los dròlles son las purmèras victimas.
Lo filmòt s’acaba per l’entrevista d’una dròlla qu’a escrit una letra ende la patz, çò que bremba la famosa cançon de l’epòca sovietica Пусть всегда будет солнце (Qu’i aja totjorn lo sorèlh) on un dròlle demandava aus soldats de hèr la patz. Aquò que balharà solide sovénguers aus telespectators de mès de quaranta ans.
Lo reportatge ací.
2. Costat occidentau
Èi pas vist totis los reportatges sus Alèp au finestron francés, mes èi ausit parlar capvath los hialats sociaus d’un Envoyé Spécial qu’a particularament escandalizat los que l’an vist. Aquiu, son lus Russes que son los marrits que bombardejan los dròlles, e los “rebèlles” que son los bons. De tot biaish, a la ràdio, l’armada regulara siriana es pas jamès aperada atau mes “las tropas deu regime d’Assad”, ende plaçar dus mots a connotacion pejorativa a l’encòp: “tropas” e “regime”.
Dempuèi longtemps am vist los imatges d’espitaus de la vila destrusits on tot manca pr’amor de l’accion de las aviacions russas e governamentalas.
3. Conclusion
La sola vertat, es que la guèrra es una hòlia murtrèra, la guèrra es una asenada criminala que profita a daubuns mentre los civius innocents patissen, son nafrats e tuats. Botar la responsabilitat sus un sol costat es complètament contraproductiu e encoratja a l’utilizacion de la guèrra per l’aute costat. Es la mira de la propaganda. Cau pas saunejar e créser los condes peus dròlles, dens un conflicte armat, son pas jamès los Bons contra los Marrits, mes totjorn los Marrits contra los Marrits. Los autes an pas lo dret a la paraula.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Apres 1918, disiam "la der des der". Apres 1945 disiam "pus jamai aquò"
E pertant i a enguera d'autres guerras. Perque degun a polgut empeschar la guerra alaidonc que tot lo monde volian la patz?
Ente es lo problem?
Sem tots daus esclaus e mesme s'i a pas de complòt, i a un mestre, un cap d'orchestra qu'es pus fòrt que los estats, que los politics, que los jornalistes que nos ten en son poder.
Es quò que quò ven de nòstres? Serian daus chens que preferan lo collier pus leu que la vista dau lop que cort dins los boscs? Autra causa?
article salutari, la propaganda rata-penada que se revira coma un crespèu aqueles images de la television russa, a l'enrevèrs dei nostres ! e la ;conclusion ben senada, qu'a la guerra, se tuia, se destrutz, s'aneientisse dei dos costats amb una voia qu'es pas creire e puei la recerca descabestrada deis armas de destruccion e la cirurgia disciplina de poncha, tot aquo fai avançar lo mond, li diam lo progrès, qu'es dins la guerra que l'ome ei lo pus engenios, en tot cas tan marrit d'un costat coma de l'auitre
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari