Opinion
Quasernet de viatge: Sydney
En tot vesitar lo centre de Sydney, se vei de tira la rason ende la quau aqueste lòc estoc causit coma basa d’installacion deus purmèrs colons. La còsta i auherís un siti d’una qualitat de las raras, dambe numerosas concas d’ancoratge naturalas.
Lo famós pont deu pòrt sauta d’una riba a l’auta, dambe sas duas tors de peira que servissen pas a ren mes qu’an una sola mira estetica.
Pas possible de mancar lo famós opera, deu quau l’arquitectura gausosa ne hè una de las bastidas mès coneishudas deu monde. Aquò rai se l’arquitècte danés que l’a dessenhat, Jørn Utzon, l’a renegat après un conflicte dambe sons promotors, pr’amor d´un simple petit detalh: costèc quatòrze còps çò qu’èra anonciat a la debuta.
Sydney es una vila de las caras. Lo loguèr mejan es de 700 dolars la setmana, sia ende nosautes uns bons dus mila euros lo mes. End’i demorar, cau un bon mestièr, a còps dus. Se la cau ameritar. Es per aquò que lo centre de la vila es aucupat per monde pro joens e esportius. Es pas rare d’aver un apracticaire personau ende se conservar la condicion fisica e totis córren cada jorn ende guardar la fòrma e lo vam. Es vertat que’s pòt pas trobar personas de las gròssas au centre.
Se que non la vila es agradiva, se pòt minjar la cosina deu monde sancèr, màgerment asiatica totun, o béver un bon cafè a l’italiana dens un estanquet vegan alternatiu, servit per joens apelhats de negre dambe Doc Martens aus pès, sòcis de çò qu’apèran eths medishes “the community”.
Pas la pena de cercar la mendra tralha de cultura aborigèna, pr’amor que, au revèrs de Navèra Zelanda, aucupan vertadèrament una pausicion secondària dens la societat australiana.
Per contra las universitats de la vila se ganhan miliards (òc, m’engani pas) gràcias a l’atractivitat de lor situacion geografica e a l’emplec egemonic de l’anglés dens lo monde de las gasanhas. Aquò balha a la vila una cara meslèu joena e multiculturala.
De hornissèm que Sydney possedís un nombre fòrça gran de platjas, aquò vos ne hè un bon lòc agradiu on passar l’estiu austrau mentre qu’Occitània tremola de fred.
Lo famós pont deu pòrt sauta d’una riba a l’auta, dambe sas duas tors de peira que servissen pas a ren mes qu’an una sola mira estetica.
Pas possible de mancar lo famós opera, deu quau l’arquitectura gausosa ne hè una de las bastidas mès coneishudas deu monde. Aquò rai se l’arquitècte danés que l’a dessenhat, Jørn Utzon, l’a renegat après un conflicte dambe sons promotors, pr’amor d´un simple petit detalh: costèc quatòrze còps çò qu’èra anonciat a la debuta.
Sydney es una vila de las caras. Lo loguèr mejan es de 700 dolars la setmana, sia ende nosautes uns bons dus mila euros lo mes. End’i demorar, cau un bon mestièr, a còps dus. Se la cau ameritar. Es per aquò que lo centre de la vila es aucupat per monde pro joens e esportius. Es pas rare d’aver un apracticaire personau ende se conservar la condicion fisica e totis córren cada jorn ende guardar la fòrma e lo vam. Es vertat que’s pòt pas trobar personas de las gròssas au centre.
Se que non la vila es agradiva, se pòt minjar la cosina deu monde sancèr, màgerment asiatica totun, o béver un bon cafè a l’italiana dens un estanquet vegan alternatiu, servit per joens apelhats de negre dambe Doc Martens aus pès, sòcis de çò qu’apèran eths medishes “the community”.
Pas la pena de cercar la mendra tralha de cultura aborigèna, pr’amor que, au revèrs de Navèra Zelanda, aucupan vertadèrament una pausicion secondària dens la societat australiana.
Per contra las universitats de la vila se ganhan miliards (òc, m’engani pas) gràcias a l’atractivitat de lor situacion geografica e a l’emplec egemonic de l’anglés dens lo monde de las gasanhas. Aquò balha a la vila una cara meslèu joena e multiculturala.
De hornissèm que Sydney possedís un nombre fòrça gran de platjas, aquò vos ne hè un bon lòc agradiu on passar l’estiu austrau mentre qu’Occitània tremola de fred.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari