Aqueste còp, vos vòli parlar de dos ausèls qu’acompanhan en çò nòstre lo retorn dels polits jorns: la puput e l’ironda o randola.
La puput (Upupa epops) es un ausèl elegant, de la talha d’un mèrle. Se remarca per çò qu’es irange ambe las alas negras e blancas e subretot, a una tufa, una upa sul cap, irange amb de puntas negras. En mai, a un long bèc, fin e corbat. Fa de 26 a 28 cm de long e pesa de 40 a 100 g.
La puput se pòt veire dins l’òrt, quand cèrca d’insèctes jos tèrra en picant amb son long bèc. La podèm veire quand passa en volant: quand vòla, balha l’impression d’un grand parpalhòl per çò que sas alas son largas e arredondidas, e vesèm subretot de blanc e de negre (las alas e la coa).
La puput es migratritz, torna en çò nòstre per pondre.
La randola comuna (Hirundo rustica) mesura de 17 a 19 cm de long per 32 a 34 cm d’envergadura. A una longa coa amb doas plumas plan mai longas suls costats, son ventre es blanc, son cap e son esquina son blau fosc e sa garganta es roja coma la brica.
Nisa dins de granjas e d’estables d’avril a setembre, pond de 3 a 6 uòus entre 1 e 3 còps per an. Son nis es en forma de quart d’esfèra. Es fòrça correnta al campèstre. A la prima, canta dempuèi un pòste elevat o en volant. O fa tot en vòl, levat dormir, nisar, fabricar lo nis e se repausar.
Migra fins en Africa centrala. Mas demòra de març a setembre-octobre en Occitània, siá entre 6 e 7 meses.
La puput es migratritz, torna en çò nòstre per pondre
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tornen, i son molt ben vinguts, mentre ells tornin voldrà dir que en aquest Mon, destrossat, encara es
pot salvar.
La Primavera tot ho desperta, i ells en son un exemple, ara cal que desperti tot i salvem aquest Mon.
M'entres ells i elles volin, encara puc ésser feliç.
Visca la Terra...Lliure!
L'Ernest, "El Tàrrega".
Ausèls e òsca per aquels entresenhaments ponchuts ; subretot a l'ora d'ara ont vesèm pus lo mond real mas lo virtual . Vaqui las alas per volatejar mai liures. Plan mercés a Pèire Pojada
òsca per aquel article que m'ensenhèt sul puput. L'aguèri agut vist aquel ausel pr'aquò n'en sabiai pas lo nom en lenga nòstra, nimai en francés : aquò rai!.
Plan merces
Contunhatz !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Tornen, i son molt ben vinguts, mentre ells tornin voldrà dir que en aquest Mon, destrossat, encara es
pot salvar.
La Primavera tot ho desperta, i ells en son un exemple, ara cal que desperti tot i salvem aquest Mon.
M'entres ells i elles volin, encara puc ésser feliç.
Visca la Terra...Lliure!
L'Ernest, "El Tàrrega".
Article enteressant. En cò miu, aquel aucèl calhet, li disèm "la pupuda". Tot aquò's ben parièr ! E l'ai gaireben totjorn rescontrada per los bòscs.
LA puput.
Avètz pas legit plan l'article. Un pauc de rigor, la lenga nòstra o merita !
Ausèls e òsca per aquels entresenhaments ponchuts ; subretot a l'ora d'ara ont vesèm pus lo mond real mas lo virtual . Vaqui las alas per volatejar mai liures. Plan mercés a Pèire Pojada
òsca per aquel article que m'ensenhèt sul puput. L'aguèri agut vist aquel ausel pr'aquò n'en sabiai pas lo nom en lenga nòstra, nimai en francés : aquò rai!.
Plan merces
Contunhatz !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari