Opinion
Servici public contra democracia?
Vaquí las eleccions legislativas qu’arriban. Après eleccions presidencialas drin bolegairas, sèm dabans un escrutin tanpauc deus paucs costumèrs.
Se prengui la sola circonscripcion on demòri, vesi que la deputada “sortenta”, que representava lo Partit Socialista a l’Amassada Nacionala (Monica Iborra) es ara opausada a una candidata deu ... Partit Socialista, pr’amor qu’es passada au servici d’En Macron devath l’etiqueta En Marche.
Èi ausit la saborosa entrevista radiofonica d’un elector tradicionau Les Républicains suportaire de François Fillon que, destimborlat per l’abséncia de son campion que’s presenta pas ongan, volèva votar peu candidat En Route (sic). Per malastre, aquesta formacion i perpausa pas nat candidat ende geinar pas lo Stéphane Le Foll, ancian ministre de l’agricultura e sòci deu PS, fòrça combatut quan èra en foncion per … Les Républicains. Soi pas segur que l’entrevistat avèva plan tot comprés.
Ende tornar a ma circonscripcion, avoi la suspresa de recéber dens ma caisha de letras un fuelhòt deu candidat etiquetat Partit Communista - Front d’Esquèrra (Daniel Fourmy) qu’aficava d’un biaish plan veseder: “Sosteng de Jean-Luc Méléchon au purmèr torn”. Dinc a ara, tot pòt semblar normau, levat qu’i a tanben un candidat “França Insosmesa” (Patrick Jimena), e que lo Front d’Esquèrra es lo partit de Mélenchon. Atz comprés? Jo, pas tròp. Nos cau pas trufar lavetz deu tipe deu paragrafe precedent.
Mes es pas aqueste gaujós rambalh que’m chepica. Partissèm deu principi que la Democracia Representativa es Democracia. Soi pas d’acòrd dambe aquò, mes botèm. Pensatz pas qu’a cada eleccion, cada candidat deveré aver autan de chanças que los autes?
Semblaré que lo quite servici public ac pense pas. De qué s’i tracta?
Lo jornau televizat de França 2 hè cada jorn un reportatge sus una circonscripcion “simbolica”, generalament aquò vòu díser “on i a una celebritat que’s presenta”.
Sèm doncas assabentats suus candidats dits “màgers”, es a díser los de las “granas” formacions. Entrevistas, portrèits, distribucion de huelhòts suu mercat, potons a las mametas, etc ...
E a la fin, pr’amor que la lei los obliga, afican lèu lèu la lista deus autes candidats, tan rapidament que’s pòt pas tot legir.
Pensatz qu’aquò sia democratic e juste? Lo servici public s’assegura atau, dambe nòstes sòus, que ren cambie pas.
Coneishètz lo Partit Animalista? Lo Partit Pirate? lo Partit deu Vòte Blanc? Nouvelle Donne? #MaVotz? França que Gausa? Aquestas formacions, de las qualas unas an obtenguts sètis de deputats dens uns parlaments europencs. E los “100%”, gavidats per un cèrt Francis Lalanne? E los movements ciutadans de totis? Lo servici public francés crei pas que sia important de’n parlar, tot simplament. Ma mair, qu’espia lo finestron a contunhar (es mon escantilh de referéncia) coneish pas ren d’aquestas formacions politicas que’s presentan.
França a pas de sistèma proporcionau, çò qu’es un avantatge ende los bèths partits e un empach de cap aus petits. Es de dòu hèr, pr’amor que sovent aqueths pichons pòrtan idèas navèras que son represas mès tard per las granas.
Seré pas milhor lo ròtle deu servici public de tornar botar los comptadors a zèro a cada eleccion e egalizar las chanças deus actors politics?
Se prengui la sola circonscripcion on demòri, vesi que la deputada “sortenta”, que representava lo Partit Socialista a l’Amassada Nacionala (Monica Iborra) es ara opausada a una candidata deu ... Partit Socialista, pr’amor qu’es passada au servici d’En Macron devath l’etiqueta En Marche.
Èi ausit la saborosa entrevista radiofonica d’un elector tradicionau Les Républicains suportaire de François Fillon que, destimborlat per l’abséncia de son campion que’s presenta pas ongan, volèva votar peu candidat En Route (sic). Per malastre, aquesta formacion i perpausa pas nat candidat ende geinar pas lo Stéphane Le Foll, ancian ministre de l’agricultura e sòci deu PS, fòrça combatut quan èra en foncion per … Les Républicains. Soi pas segur que l’entrevistat avèva plan tot comprés.
Ende tornar a ma circonscripcion, avoi la suspresa de recéber dens ma caisha de letras un fuelhòt deu candidat etiquetat Partit Communista - Front d’Esquèrra (Daniel Fourmy) qu’aficava d’un biaish plan veseder: “Sosteng de Jean-Luc Méléchon au purmèr torn”. Dinc a ara, tot pòt semblar normau, levat qu’i a tanben un candidat “França Insosmesa” (Patrick Jimena), e que lo Front d’Esquèrra es lo partit de Mélenchon. Atz comprés? Jo, pas tròp. Nos cau pas trufar lavetz deu tipe deu paragrafe precedent.
Mes es pas aqueste gaujós rambalh que’m chepica. Partissèm deu principi que la Democracia Representativa es Democracia. Soi pas d’acòrd dambe aquò, mes botèm. Pensatz pas qu’a cada eleccion, cada candidat deveré aver autan de chanças que los autes?
Semblaré que lo quite servici public ac pense pas. De qué s’i tracta?
Lo jornau televizat de França 2 hè cada jorn un reportatge sus una circonscripcion “simbolica”, generalament aquò vòu díser “on i a una celebritat que’s presenta”.
Sèm doncas assabentats suus candidats dits “màgers”, es a díser los de las “granas” formacions. Entrevistas, portrèits, distribucion de huelhòts suu mercat, potons a las mametas, etc ...
E a la fin, pr’amor que la lei los obliga, afican lèu lèu la lista deus autes candidats, tan rapidament que’s pòt pas tot legir.
Pensatz qu’aquò sia democratic e juste? Lo servici public s’assegura atau, dambe nòstes sòus, que ren cambie pas.
Coneishètz lo Partit Animalista? Lo Partit Pirate? lo Partit deu Vòte Blanc? Nouvelle Donne? #MaVotz? França que Gausa? Aquestas formacions, de las qualas unas an obtenguts sètis de deputats dens uns parlaments europencs. E los “100%”, gavidats per un cèrt Francis Lalanne? E los movements ciutadans de totis? Lo servici public francés crei pas que sia important de’n parlar, tot simplament. Ma mair, qu’espia lo finestron a contunhar (es mon escantilh de referéncia) coneish pas ren d’aquestas formacions politicas que’s presentan.
França a pas de sistèma proporcionau, çò qu’es un avantatge ende los bèths partits e un empach de cap aus petits. Es de dòu hèr, pr’amor que sovent aqueths pichons pòrtan idèas navèras que son represas mès tard per las granas.
Seré pas milhor lo ròtle deu servici public de tornar botar los comptadors a zèro a cada eleccion e egalizar las chanças deus actors politics?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pichòt apondon: una candidata, aparentament, s'es autorisada à emplegar lo lògo dau PRG e aqueu dau PS, tot en demandant à la cadidata oficiala dau PS ... de levar lo lògo dau PS de tótei lei documents de sa campanha! L'afaire es entre lei mans de la justícia, çò que va pas incitar lei gents à votar socialista!
Complicada, aquesta campanha? Que nani! Vos expliqui la situacion dins la 6a circonscripcion de Var (aquela de Brinhòlas...) Se pòdi!
1) La sortenta (LR) a anonciat que se tornava pas presentar. En realitat, es suplenta... An lo sostèn dau Cònse dau Vau (oficialament elegit coma cap d'una tièra "Divèrs Senèstra").
2) Lo FN a un candidat oficiau, sostengut per son partit, mai tambèn per d'elegits locaus qu'an quitat lo FN l'an passat. En concurréncia mé dos dissidents: un que se presenta sostengut per lo paire LE PEN, l'autre que se ditz "independent" mai que lei marrídei lengas díson qu'es pagat per lo candidat LR per levar de votz au FN... Oblidavi: una autra figura dau FN locau fa campanha dubertament per lo candidat LR.
3) Una candidata macronista, sostenguda, entre autres, per lo Cònse de Correns (socialista segolenista...).
4) A senèstra? Un comunista, una melenchonista, un anti LGV e, sospresa: doás candidatas socialistas. Òc, avètz ben legit: lo PS sostèn doás candidatas!
5) quàqueis autres, desconeguts. En tot, 15 candidats.
Avètz comprés quauqua ren dins aqueu ... coma dire? En italian, se ditz "casino".
#1 Seré lavetz un drapèth sèrbe.
Tot cambia, mon paubre amic, dins lo paisatge politic; una chena i trobaria pus son petit. Qui se semblan s'assemblan. E s'assemblan d'un biais a pus ren i comprener ;
Me, auria pas dessinar la carta de Franca aitau. Auria botat lo blu au nòrd; lo roja au sud e lo blanc au mitan. I a son cofla dau decopatge lotaringian.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari