Uèi parlem de Laverna, un programa escrich en JavaSript de presa de nòtas. Estant que lo còdi font es en Javascript, òm pòt installar lo logicial diractament a l’ordenador sens passar per un site web. Vos expliqui aquò a la fin de l’article.
Aquesta aplicacion web permet de salvar de nòtas qu’òm pòt metre en forma amb la sintaxi Markdown, passar lo tèxt en gras, crear de listas, inserir una linha de separacion, e mai encara. Tot es salvat dins l’espaci d’emmagazinatge local (localStoral) de vòstre navigator, e ne sòrt pas. Per montar a un nivèl superior de confidencialitat podètz clavar vòstras nòtas amb un senhal. Laverna èra causit per Framasoft per sa campanha per se passar de Google, coma alternativa a Evernote mas es finalement Turtl qu’èra causit, pr’amor qu’ofrís mai d’opcions per sincronizar las nòtas entre diferents periferics.
Ara la lenga occitana, fa un an que Laverna parla la lenga dels trobadors, e dempuèi l’aisina de presa de nòtas es totjorn completament traducha.
Anatz als paramètres (Settings) per passar en occitan, quitatz en clicar “Save”.
Per dependre pas d’un site Internet, que pòt tampar, per lançar Laverna, avètz la possibilitat de vos montar una instància Laverna res que per vosautres. Per aquò far, telecargatz la darrièra version, release en anglés, del logicial a partir del repertòri GitHub del projècte aicí.
Puèi “Source code (zip)”, causissètz “Dobrir”. Amb vòstra aisina de descompression de fichièrs vos cal traire lo dorsièr “app” contengut dins un dorsièr parent apelat laverna-x (x es lo numerò de version) al lòc que volètz. Benlèu “Mos documents Laverna”. Un còp fach, clicatz lo fichièr index.html, se vòstre sistèma operatiu vos demanda amb quin programa dobrir aqueste fichièr, indicatz vòstre navigator Internet abitual. Vaquí! Ara podètz ajustar vòstra instància Laverna a vòstres marcapaginas per i accedir mai rapidament, quichatz Ctrl + D normalament.
Un còp la lenga occitana es disponibla al costat d’autras sens qu’aquò siasque contra un encastre legal.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo primièr ligam sembla menar enlòc pel moment =/
Fa una rason de mai per s'installar una version dirèctament a l'ordenador qu'utilizatz.
Autra informacion : la traduccion de la darrièra version disponibla uèi es pas a jorn. Se volètz n'aprofeitar vos cal trapar lo fichièr e far "Enregistrar jos" e lo plaçar dins lo repertòri "locales" puèi "oc" de vòstre ordenador : https://raw.githubusercontent.com/Laverna/laverna/master/app/locales/oc/translation.json
Aital auretz la traduccion mai a jorn de Laverna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Lo primièr ligam sembla menar enlòc pel moment =/
Fa una rason de mai per s'installar una version dirèctament a l'ordenador qu'utilizatz.
Autra informacion : la traduccion de la darrièra version disponibla uèi es pas a jorn. Se volètz n'aprofeitar vos cal trapar lo fichièr e far "Enregistrar jos" e lo plaçar dins lo repertòri "locales" puèi "oc" de vòstre ordenador : https://raw.githubusercontent.com/Laverna/laverna/master/app/locales/oc/translation.json
Aital auretz la traduccion mai a jorn de Laverna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari