Opinion
Eth Club Aranés
Eth Club Aranés, qu’ei ua iniciatiua lingüistica privada qu’en son dusau an de foncionament està possant e artenhent un gran succès.
En març d’est’an passat un grop d’amics e volontaris dera Associacion Culturau Diversiaworld que meteren en plaça en internet ua plataforma d’aprenentatge der aranés on-line, eth Club Aranés.
Ara, era plataforma ja compde damb pròp de tres cents alumnes inscriti, çò que met de manifèst eth gran interès que i a per apréner er aranés.
Encara que i a corsi oficiaus en format presenciau d’aranés organizadi peth Conselh Generau d’Aran en Vielha, Barcelona e Lhèida eth Club Aranés permet as interessadi apréner era nòsta lengua sense botjar-se de casa, damb er orari mès avient e de manèra totauments gratuita.
Sonque te cau campar en sòn portau en hilat e romar-i un shinhau tà veir qu’era plataforma a fòrça recorsi pedagogics que permeten as alumnes arténher un bon nivèu de competéncia en emplec der aranés.
Un agil sistèma de tutoratge acompanhe en tot moment as alumnes en sòn itinerari formatiu. Es contenguts que son basadi enes madeishi materiaus des corsi d’aranés deth Conselh Generau d’Aran.
Es avantatges mès importants d’aguest sistèma d’aprenentatge der aranés son: era flexibilitat, es oraris se les mèrque er alumne; era accesibilitat, damb connexion a internet pòdes accedir 24 ores ath dia; non i a barrères geografiques, tant i pòt estudiar un de Tredòs, coma un de Vilamòs, coma un de Valéncia; er estauviament en temps, en desplaçaments, en materiaus formatius, en sòs(qu’ei gratuit); era formacion actiua ja qu’er alumne demore en contacte damb es tutors e d’auti alumnes; actualizacion des contenguts ja que quinsevolhe naua normativa lingüística ei aplicada ena plataforma.
En aguesti moments que i a pròp de tres cents alumnes de toti es parçans d’Aran, Catalonha, Espanha, Occitània, eca… en tot apréner aranés en hilat. Ua quantitat plan importanta, que cau tier en compde. Uns alumnes que dilhèu deman vieràn tara Val d’Aran e demoraràn endrabadi non solet damb era nòsta lengua se non damb tot eth País.
Que cau dar responsa ad aguest interès creishent pera lengua.
Eth Club Aranés ei ua plan bona iniciatiua, damb bones arraïtz, que posse damb fòrça, damb cada còp mès alumnes e que demòstre er interès e era atraccion qu’a era nòsta lengua. Ua iniciatiua amiada per volontaris de forma totauments benevòla que met de manifèst eth sòn compromís e era sua estimacion pera lengua e peth País.
Ua experiéncia d’èxit, un vediau lingüistic, que cau suenhar e apuiar decididaments, toti. Era Associacion Es Paums que collaboram tre eth començament damb eth Club Aranés: participant enes tutoratges, balhant-les contenguts musicaus en aranés e metent ara sua disposicion eth Grop de Convèrsa Occitan/Aranés dera UdL entà qu’es alumnes agen era oportunitat de practicar era lengua damb parlaires nadius.
Baste qu’eth Club Aranés age eth supòrt de toti es qu’estimam era nòsta lengua e qu’age era capitada que merite.
Vesitatz: www.aranes.club
En març d’est’an passat un grop d’amics e volontaris dera Associacion Culturau Diversiaworld que meteren en plaça en internet ua plataforma d’aprenentatge der aranés on-line, eth Club Aranés.
Ara, era plataforma ja compde damb pròp de tres cents alumnes inscriti, çò que met de manifèst eth gran interès que i a per apréner er aranés.
Encara que i a corsi oficiaus en format presenciau d’aranés organizadi peth Conselh Generau d’Aran en Vielha, Barcelona e Lhèida eth Club Aranés permet as interessadi apréner era nòsta lengua sense botjar-se de casa, damb er orari mès avient e de manèra totauments gratuita.
Sonque te cau campar en sòn portau en hilat e romar-i un shinhau tà veir qu’era plataforma a fòrça recorsi pedagogics que permeten as alumnes arténher un bon nivèu de competéncia en emplec der aranés.
Un agil sistèma de tutoratge acompanhe en tot moment as alumnes en sòn itinerari formatiu. Es contenguts que son basadi enes madeishi materiaus des corsi d’aranés deth Conselh Generau d’Aran.
Es avantatges mès importants d’aguest sistèma d’aprenentatge der aranés son: era flexibilitat, es oraris se les mèrque er alumne; era accesibilitat, damb connexion a internet pòdes accedir 24 ores ath dia; non i a barrères geografiques, tant i pòt estudiar un de Tredòs, coma un de Vilamòs, coma un de Valéncia; er estauviament en temps, en desplaçaments, en materiaus formatius, en sòs(qu’ei gratuit); era formacion actiua ja qu’er alumne demore en contacte damb es tutors e d’auti alumnes; actualizacion des contenguts ja que quinsevolhe naua normativa lingüística ei aplicada ena plataforma.
En aguesti moments que i a pròp de tres cents alumnes de toti es parçans d’Aran, Catalonha, Espanha, Occitània, eca… en tot apréner aranés en hilat. Ua quantitat plan importanta, que cau tier en compde. Uns alumnes que dilhèu deman vieràn tara Val d’Aran e demoraràn endrabadi non solet damb era nòsta lengua se non damb tot eth País.
Que cau dar responsa ad aguest interès creishent pera lengua.
Eth Club Aranés ei ua plan bona iniciatiua, damb bones arraïtz, que posse damb fòrça, damb cada còp mès alumnes e que demòstre er interès e era atraccion qu’a era nòsta lengua. Ua iniciatiua amiada per volontaris de forma totauments benevòla que met de manifèst eth sòn compromís e era sua estimacion pera lengua e peth País.
Ua experiéncia d’èxit, un vediau lingüistic, que cau suenhar e apuiar decididaments, toti. Era Associacion Es Paums que collaboram tre eth començament damb eth Club Aranés: participant enes tutoratges, balhant-les contenguts musicaus en aranés e metent ara sua disposicion eth Grop de Convèrsa Occitan/Aranés dera UdL entà qu’es alumnes agen era oportunitat de practicar era lengua damb parlaires nadius.
Baste qu’eth Club Aranés age eth supòrt de toti es qu’estimam era nòsta lengua e qu’age era capitada que merite.
Vesitatz: www.aranes.club
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ua bona notícia, e un exemple de seguir, sense cap de dobte.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari