Opinion
Conservatòri Occitan: un destin occitan (I)
En Occitània, lo Conservatòri Occitan de Tolosa, lo Centre Interregional de Desvolopament de l’Occitan (CIRDÒC) de Besièrs e l’Institut Occitan (InÒc) de Pau son tres institucions publicas istoricas que valorizan lo patrimòni cultural e immaterial a travèrs de la lenga del país. Representan un trentenat de salariats que trabalhan per la cultura occitana ( e mai se devon èsser unes milhierats a trabalhar per la cultura francesa en Occitània).
Lo 8 de genièr de 2018, Jornalet anoncièt que l’Institut Occitan (InÒc) de Pau fusionariá amb lo Centre Interregional de Desvolopament de l’Occitan (CIRDÒC) de Besièrs. Ça que la, lo Conservatòri occitan non participa pas a aquela consolidacion al nivèl del territòri occitan.
Françoise Dague fondèt en 1962 la tropa dels Balètis occitans de Tolosa mentre que lo movement cultural occitan s’organizava dins lo pais tolosan. En 1968 de joves pengèron la bandièra occitana al fronton del Capitòli. A la debuta de 1971, lo cònsol màger socialista de la Comuna de Tolosa creèt lo Conservatòri occitan de Tolosa que s’installèt dins lo barri Sent Çubran de la ciutat. En març de la meteissa annada, es elegit cònsol màger lo centrista, Pierre Baudis. Amb lo sosten del director general dels servicis, sénher Laffont, enfortiguèron tanben los mejans del Conservatòri Occitan. En març de 1983, succediguèt a la comuna Dominique Baudis tanben centrista fins a genièr de 2001. Contunhèt de sosténer lo Conservatòri Occitan e la cultura occitana, amb per exemple la pausa oficiala del drapèl occitan a l’ostal de la comuna, lo Capitòli (que Pasqua faguèt arrancar per una vesita ministeriala).
La factura instrumentala, la formacion e la recerca dins lo domeni de las musicas e danças occitanas tradicionalas foguèron las activitats màgers del Conservatòri Occitan. Fins a las annadas 2000, fòrça musicians, cantaires, collectaires participèron amb lo Conservatòri Occitan de Tolosa a la descobèrta del patrimòni occitan. Tota aquela matèria occitana foguèt mesa a la disposicion dels artistas e del public en general dins un centre de documentacion audio e video especializat dins l’etnomusicologia occitana: musica, dança, literatura orala e etnografia) e consultable per lo grand public.
Per exemple, Françoise Dague e Charles Alexandre faguèron una enquèsta etnografica subre la bodega, e amb l’ajuda d’autres afogats ne trobèron una desena mai o mens abandonadas que permetèron al talhièr de factura instrumentala del Conservatòri Occitan de ne tornar fabricar de nòvas.
Aital, lo Conservatòri Occitan formèt de musicians tradicionals e farguèt d’instruments qu’alimentèron la renavida dels balètis occitans, renavida que participèt grandament a la subrevida de la cultura occitana.
Dins las annadas 1980, aguèri l’astre de dançar al conservatòri occitan e d’escotar de grands musicians tal coma Xavièr Vidal, Claude Sicre, e plan d’autres. I aprenguèri l’occitan tolosan amb Renat Jurièr.
En març de 2001, Philippe Douste-Blazy, centrista es elegit cònsol màger de Tolosa amb la promessa crear un Ostal d’Occitània per la cultura occitana. Capitèt d’amassar mai de 10 milhons € finançat per la comuna de Tolosa (63%), lo conselh general de Nauta Garona (23%) e lo conselh regional de Miègjorn-Pirenèus (14%).
L’Ostal d’Occitània foguèt inaugurat lo 16 de decembre de 2006 per Jean-Luc Moudenc qu’aviá succedit a Philippe Douste-Blazy en 2004. Son 2 lòcs diferents, l’Ostal d’Occitània, carrièra de Malcosinat administrat per la federacion d’associacions Convergéncia Occitana e l’anciana annèxa del collègi de Clamença Isaura, carrièra del Pont de Tonís, ont son installats lo Conservatòri Occitan e l’escòla Calandreta Sent Çubran.
En 2007,lo Conservatòri Occitan càmbia son nom en Centre Occitan de las Musicas e Danças Tradicionalas (COMDT).
En marc de 2008, Pierre Cohen, socialista foguèt elegit cònsol màger de Tolosa. Coma colistièr ecologista, foguèri adjunt de 2008 a 2014, en carga dels espacis publics e de la lenga occitana. Aital, foguèri designat coma un dels administrators del COMDT.
Mas lo COMDT non èra pas mai al servici de las promocion del patrimòni cultural e immaterial de la lenga e cultura occitana. (de seguir).
Lo 8 de genièr de 2018, Jornalet anoncièt que l’Institut Occitan (InÒc) de Pau fusionariá amb lo Centre Interregional de Desvolopament de l’Occitan (CIRDÒC) de Besièrs. Ça que la, lo Conservatòri occitan non participa pas a aquela consolidacion al nivèl del territòri occitan.
Françoise Dague fondèt en 1962 la tropa dels Balètis occitans de Tolosa mentre que lo movement cultural occitan s’organizava dins lo pais tolosan. En 1968 de joves pengèron la bandièra occitana al fronton del Capitòli. A la debuta de 1971, lo cònsol màger socialista de la Comuna de Tolosa creèt lo Conservatòri occitan de Tolosa que s’installèt dins lo barri Sent Çubran de la ciutat. En març de la meteissa annada, es elegit cònsol màger lo centrista, Pierre Baudis. Amb lo sosten del director general dels servicis, sénher Laffont, enfortiguèron tanben los mejans del Conservatòri Occitan. En març de 1983, succediguèt a la comuna Dominique Baudis tanben centrista fins a genièr de 2001. Contunhèt de sosténer lo Conservatòri Occitan e la cultura occitana, amb per exemple la pausa oficiala del drapèl occitan a l’ostal de la comuna, lo Capitòli (que Pasqua faguèt arrancar per una vesita ministeriala).
La factura instrumentala, la formacion e la recerca dins lo domeni de las musicas e danças occitanas tradicionalas foguèron las activitats màgers del Conservatòri Occitan. Fins a las annadas 2000, fòrça musicians, cantaires, collectaires participèron amb lo Conservatòri Occitan de Tolosa a la descobèrta del patrimòni occitan. Tota aquela matèria occitana foguèt mesa a la disposicion dels artistas e del public en general dins un centre de documentacion audio e video especializat dins l’etnomusicologia occitana: musica, dança, literatura orala e etnografia) e consultable per lo grand public.
Per exemple, Françoise Dague e Charles Alexandre faguèron una enquèsta etnografica subre la bodega, e amb l’ajuda d’autres afogats ne trobèron una desena mai o mens abandonadas que permetèron al talhièr de factura instrumentala del Conservatòri Occitan de ne tornar fabricar de nòvas.
Aital, lo Conservatòri Occitan formèt de musicians tradicionals e farguèt d’instruments qu’alimentèron la renavida dels balètis occitans, renavida que participèt grandament a la subrevida de la cultura occitana.
Dins las annadas 1980, aguèri l’astre de dançar al conservatòri occitan e d’escotar de grands musicians tal coma Xavièr Vidal, Claude Sicre, e plan d’autres. I aprenguèri l’occitan tolosan amb Renat Jurièr.
En març de 2001, Philippe Douste-Blazy, centrista es elegit cònsol màger de Tolosa amb la promessa crear un Ostal d’Occitània per la cultura occitana. Capitèt d’amassar mai de 10 milhons € finançat per la comuna de Tolosa (63%), lo conselh general de Nauta Garona (23%) e lo conselh regional de Miègjorn-Pirenèus (14%).
L’Ostal d’Occitània foguèt inaugurat lo 16 de decembre de 2006 per Jean-Luc Moudenc qu’aviá succedit a Philippe Douste-Blazy en 2004. Son 2 lòcs diferents, l’Ostal d’Occitània, carrièra de Malcosinat administrat per la federacion d’associacions Convergéncia Occitana e l’anciana annèxa del collègi de Clamença Isaura, carrièra del Pont de Tonís, ont son installats lo Conservatòri Occitan e l’escòla Calandreta Sent Çubran.
En 2007,lo Conservatòri Occitan càmbia son nom en Centre Occitan de las Musicas e Danças Tradicionalas (COMDT).
En marc de 2008, Pierre Cohen, socialista foguèt elegit cònsol màger de Tolosa. Coma colistièr ecologista, foguèri adjunt de 2008 a 2014, en carga dels espacis publics e de la lenga occitana. Aital, foguèri designat coma un dels administrators del COMDT.
Mas lo COMDT non èra pas mai al servici de las promocion del patrimòni cultural e immaterial de la lenga e cultura occitana. (de seguir).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Qualqu'un pòt notar l'ora vos pregui, per un còp soi mai o mens d'acòrdi amb "Dieu le père" lo nòstre Zarathustra de Sant Antonin, baron de de Naut Bernat
#12 d'augunes diràn que les Cavalièrs del Fiel fan tanben d'occitanisme popular en francés...
#12 O caliá dire. Lo Conservatòri occitan es pas mai lo Conservatòri occitan, e çò que foguèt pòt tornar èsser un esplech important de reconquista, de reacion e de difusion de la cultura nòstra. Mercés Claude.
Save pas res d'aquel Conservatòri Occitan. Mès ce que pòde dire, es que lo discors dau sénher Sicre, per ieu, tinta puslèu juste.
Parcialitat dinc la notacion d'aquesta persona. Se vei que nòstra mentalitat nos entrepacha per faire avans. Quand las victimas s'acàbon en s'estripant, podèm pas n'acusar de lònga l'Estat francés.
Mentalitat, mentalitat... polida mentalitat latina...
Claude Sicre es un "fabulous trobador".
Le siu tolosenc es de grafia francesa damb'un fòrt accent local...le cal léger a votz nauta, e aquò rai!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari