Opinion
Pleroma: 20 minutas per l’occitan
Pleroma es un malhum social que sembla Twitter per çò que tòca son foncionament. Ten per motor lo protocòl liure e normalizat ActivityPub. L’utilizacion d’aquel estandard permet d’interconnexion amb d’autres malhums socials coma Mastodon que vos parlèri fa un moment. La diferéncia de Pleroma es d’èsser pichon e de requerir pauc as resorgas informaticas. Son interfàcia es tanben minimalista. Agachèri l’estructura d’aquel projècte liure e vegèri que caliá pas que traduire mens de 100 linhas de còdi per l’aver en occitan. Per jòc me notèri lo temps passat a traduire. Una minuta per me marcar a la forga logiciala, cap de ligam de clicar per validar l’inscripcion. Puèi 19 minutas per traduire lo fichièr e prepausar las modificacions. Un jorn aprèp lo desvolopaire validèt l’apondon de l’occitan.
Doncas vesètz, 20 minutas per aver un malhum social en occitan.
Personalament, e mai pensi pas d’utilizar Pleroma estant que soi marcat sus Mastodon, soi fòrça content de poder donar de visibilitat a la lenga en tot bèl just 20 minutas.
Ara un pauc mai d’informacions tocant aqueste malhum social. Pleroma es construit per que lo monde lo pòsque installar sus de maquinas paucas potentas coma un micro-ordenador Raspberry Pi o un servidor alogat a unes 2 èuros per mes. L’idèa es de crear una instància per pauc de monde, estant que’l malhum es federat aquò empacha pas la comunicacion entre instàncias, a l’imatge dels corrièls. Tòrni prene ma comparason de l’article de Mastodon: cada instància es gerida coma un país petit. L’administracion es lo president o lo rei, causís las règlas de son instància, los tèmas màgers, las lengas de comunicacion. En causir vòstra instància, causissètz tanben vòstre vesins dirèctes. Avètz la possibilitat de far veire los estatuts publics del monde de vòstra instància. S’apèlan los estatuts locals. Segon lo tèma o la mentalitat d’aquesta los messatges auràn pas la meteissa sabor. Coma sovent podètz apondre de gens a vòstra lista d’abonament. Eles pòdon vos sègre per recebre vòstres estatuts, mas gardatz l’opcion de los bloca per veire pas lor interaccions. Un site web es disponible per vos ajudar a causir vòstre niu numeric: https://joinmastodon.org/
Un còp marcat e albergat endacòm podètz siá utilizar dirèctament l’interfàcia web, es a dire lo site web, que serà tot en occitan se vòstre navegador declaratz que lo parlatz, siá passar per una aplicacion. Totas las aplicacions creadas per Mastodon pòdon foncionar amb Pleroma estant qu’es lo meteis protocòl. Avètz aquí tota una lista: https://github.com/tootsuite/documentation/blob/master/Using-Mastodon/Apps.md
La comunitat sembla de preferir lo client Tusky. Es a èsser traduch en occitan, se passatz per una aplicacion, cal que siasque disponibla en occitan tanben. Mas se l’aplicacion que vos agrada mai es sonque en anglés o francés vos empacha pas d’escriure en lenga nòstra.
Doncas vesètz, 20 minutas per aver un malhum social en occitan.
Personalament, e mai pensi pas d’utilizar Pleroma estant que soi marcat sus Mastodon, soi fòrça content de poder donar de visibilitat a la lenga en tot bèl just 20 minutas.
Ara un pauc mai d’informacions tocant aqueste malhum social. Pleroma es construit per que lo monde lo pòsque installar sus de maquinas paucas potentas coma un micro-ordenador Raspberry Pi o un servidor alogat a unes 2 èuros per mes. L’idèa es de crear una instància per pauc de monde, estant que’l malhum es federat aquò empacha pas la comunicacion entre instàncias, a l’imatge dels corrièls. Tòrni prene ma comparason de l’article de Mastodon: cada instància es gerida coma un país petit. L’administracion es lo president o lo rei, causís las règlas de son instància, los tèmas màgers, las lengas de comunicacion. En causir vòstra instància, causissètz tanben vòstre vesins dirèctes. Avètz la possibilitat de far veire los estatuts publics del monde de vòstra instància. S’apèlan los estatuts locals. Segon lo tèma o la mentalitat d’aquesta los messatges auràn pas la meteissa sabor. Coma sovent podètz apondre de gens a vòstra lista d’abonament. Eles pòdon vos sègre per recebre vòstres estatuts, mas gardatz l’opcion de los bloca per veire pas lor interaccions. Un site web es disponible per vos ajudar a causir vòstre niu numeric: https://joinmastodon.org/
Un còp marcat e albergat endacòm podètz siá utilizar dirèctament l’interfàcia web, es a dire lo site web, que serà tot en occitan se vòstre navegador declaratz que lo parlatz, siá passar per una aplicacion. Totas las aplicacions creadas per Mastodon pòdon foncionar amb Pleroma estant qu’es lo meteis protocòl. Avètz aquí tota una lista: https://github.com/tootsuite/documentation/blob/master/Using-Mastodon/Apps.md
La comunitat sembla de preferir lo client Tusky. Es a èsser traduch en occitan, se passatz per una aplicacion, cal que siasque disponibla en occitan tanben. Mas se l’aplicacion que vos agrada mai es sonque en anglés o francés vos empacha pas d’escriure en lenga nòstra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un apondon :
Tusky a sortit una novèla version dimenge que pòrta l'occitan dedins :)
Lo desvolopaire diguèt qu'aviá pas jamai entendut parlar d'aquela lenga, li avèm donat l'occasion de la conéisser :)
Adiu,
me songe pas l'utilisar, que sei desjà sus Mastodon - CCCCXXVIII - mas tene a dire marces aquí per lu teu trabalh de revirada dau logiciau.
JP
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari