Opinion
La minutina: crida aus calams occitans
Tot aquò comencèc dens la sala d’espèra de la gara TGV de l’aeropòrt de Roissy. Monde de pertot, maquinas que vos venden de qué béver e de qué minjotejar, tablèus electronics deus departs e de las arribadas, e, dens un recanton, un aparelh deus estranhs. Perpausa de recéber a gràtis un tèxte de legir. Mes çò d’encara mès susprenent, es que podètz causir la longor de la legida en … minutas. Me brembi pas tròp precisament, mes i avèva tres botons de prémer segon lo temps que volètz legir, dens l’estile “una minuta”,”duas minutas” o “cinc minutas”.
Per malastre, aquò’s pas disponible que’n anglés. Un còp premut suu boton “una minuta”, me sortiscoc una mena de long tiquet de caisha de subermercat dambe dessús estampada una istòria bracòta. L’estile èra literari, un extrèit de roman deu quau l’accion se debana a París (suspresa?) dens un cabaret de la plaça Blanche. Sabi pas se recebètz a cada còp la medisha istòria o se n’i a mès d’una dens l’aparelh, avoi pas suu moment l’idèia de m’assabentar sus aquò.
Un còp tornat a casa, èi cercat sus la telaranha entresenhas suu temps de legida. Segon recèrcas scientificas de las seriosas, un adulte (nòrdamerican) legís a l’entorn de 300 mots per minuta. Es lavetz que’m vengoi una idèa.
Nos cau crear un genre literari navèth: la “minutina”. S’agís d’un tèxte que haré 300 mots ende que se legisca en una minuta. Caleré que l’estila sia literari e romanesc, e qu’i aja per la fin una pichona rebombida. Serà aquò a l’occitan çò que lo haiku (俳句) es au japonés.
Hèi doncas uei una crida aus calams occitan end’escríver tèxtes de 300 mots. Totis seràn amassats e legeders sus un siti (benlèu en cooperacion dambe lo Jornalet, sèm en discuta aquò dessús) e perqué pas un còp l’an decernir prèmis de las milhoras minutinas?
Sabètz qu’a comptar de la fin de la darrèra frasa atz dejà lejuts 311 mots? Aquò vos pòt balhar una idèa de las bonas de la longor d’un minutina.
Lavetz cau pas esitar, parlatz-ne a l’entorn, començatz d’imaginar los mini-escenaris e lançatz-vos dens l’aventura de la minutina!
Questions, criticas, remarcas lingüisticas, trollatges, e minutinas dejà acabadas son de mandar a jomolo@orange.fr.
Mercés plan.
Per malastre, aquò’s pas disponible que’n anglés. Un còp premut suu boton “una minuta”, me sortiscoc una mena de long tiquet de caisha de subermercat dambe dessús estampada una istòria bracòta. L’estile èra literari, un extrèit de roman deu quau l’accion se debana a París (suspresa?) dens un cabaret de la plaça Blanche. Sabi pas se recebètz a cada còp la medisha istòria o se n’i a mès d’una dens l’aparelh, avoi pas suu moment l’idèia de m’assabentar sus aquò.
Un còp tornat a casa, èi cercat sus la telaranha entresenhas suu temps de legida. Segon recèrcas scientificas de las seriosas, un adulte (nòrdamerican) legís a l’entorn de 300 mots per minuta. Es lavetz que’m vengoi una idèa.
Nos cau crear un genre literari navèth: la “minutina”. S’agís d’un tèxte que haré 300 mots ende que se legisca en una minuta. Caleré que l’estila sia literari e romanesc, e qu’i aja per la fin una pichona rebombida. Serà aquò a l’occitan çò que lo haiku (俳句) es au japonés.
Hèi doncas uei una crida aus calams occitan end’escríver tèxtes de 300 mots. Totis seràn amassats e legeders sus un siti (benlèu en cooperacion dambe lo Jornalet, sèm en discuta aquò dessús) e perqué pas un còp l’an decernir prèmis de las milhoras minutinas?
Sabètz qu’a comptar de la fin de la darrèra frasa atz dejà lejuts 311 mots? Aquò vos pòt balhar una idèa de las bonas de la longor d’un minutina.
Lavetz cau pas esitar, parlatz-ne a l’entorn, començatz d’imaginar los mini-escenaris e lançatz-vos dens l’aventura de la minutina!
Questions, criticas, remarcas lingüisticas, trollatges, e minutinas dejà acabadas son de mandar a jomolo@orange.fr.
Mercés plan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò existe tanben a Niça (Nice Etoile), lu tèxtes son de 1mn, 2 mn, e 4/5 minutas. Si liejon en francés. A costat l'i son de bancs dont un si pòu assetar per legir. L'idea de ne'n escriure en occitan sembla una tras que bòna idea. E viva !
Oltra Léger, se dirià pas "minutine" mas "pen à la minute"...
Si que non, idèa tras que bona !
Aquò fai mai de 20 ans que 'quò sautet dins la vita daus « pendularís », de'n prumier au Japon, sus los porta-ondas, puei, dins lu monde grand, a la sega dau desvelopament de las industrias de comunicaci'.
Desempui quauquas annadas, qu'es un genre conegut « per se-mesma » sos lu chafre de « micronouvelle » de 300 d'aici los 1000 mòts.
Per los afogats dau Japon, aquò sembla lu « haibun ». Tradicionaladament, un haibun es 'na novela de mens de 1000 mòts ente es conhat un « haiku » (o un de sos cosins tau lu « senryu », lu « tanka » o d'enquera lu « haiga »).
Pel temps de lectura.
Ieu utilizi wallabag per salvagardar d'articles trobats en linha que vòli legir mai tard.
Mostra lo temps de lectura segon ma velocitat, te mandan sus un site ont cal legir un tèxte e te dònan ta velocitat e ton taus de compreneson.
Ai un libreton de "micro novèlas", son d'istòrias cortas, de còps una linha, de còps mai. Sembla un pauc als twits.
Excellenta idèa (encara!) del Joan-Marc!
A s'i atalar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari