Tirat d’una conversacion amb Jacme Taupiac.
 
Dins un diccionari niçard, s’es ben un autre dialècte que lo nòstre: lo gavòt, mai scientificament vivaroalpenc, es valable per mostrar la realizacion “d’idèa”. Senon i son los atlasses CNRS. 
 
Òc, per lo sufix -aa i es lo meme debat. Escriure -aa e dire ['a], ['aja] o ['aw] segon l’airal correspondent. Per ['a] o ['aw] ok. Mas ['aja], non. 
 
Per la far corta, a ieu me conven ren escriure -aa e dire ['aja] que crea una incoeréncia, las excepcions a las règlas (coma en francés) m’an sempre desplasut, dins l’airal nòstre que fa tostemps autrament -èa ['Ea]. 
 
L’origina es lo sufix latin -ATA que sembla de passar a -aa, dos camins après:  
Dificil de saber avans los primiers tèxts occitans de l’airal alpenc... 
 
Per lo moment, la mieu tèsi, sostengüa en 2009 (còpia scientifica a la BU de la Facultat de Letras de Niça), a las sieus annèxas (en quasi totalitat inedichas) publicaias en tròces editats per l’Acadèmia de las lengas dialectalas de Mónego:
   
Crompables ja aicí.
 
Annèxas, vòl dire que son las retranscripcions de las enquistas oralas (K7, mds, fichiers numerics) fachas de Mentan e Esa fins a Briançon e Sisteron. En cors. Trabalh de titan. 
 
D’òbra, me’n manca ges, amb lo professorat, cal ben far bulhir lo pairòl, la familha, la vita correnta. 
 
Ren que per l’occitan coma professor, i es de qué veire per ex. un estrach de las mieus activitats professoralas
   
Un projèct filmat tanben:


 
E per restar dins l’occitan, benevòl aquest còup, las cronicas de far per Jornalet.
 
E mai escriure de pròsa per se cambiar las ideas dins Reclams, Gai Saber, Òc. 
 
L’objectiu es, qu’un còup publicaias totas las annèxas, que me demandan de temps subretot e d’energia, publicarai lo contengut “pedagogizat” dal còrs de la tèsi (sensa las annèxas) amb de referéncias mai explicitas a aquelas entrevistas àudios. E après aquesto descriptiu dialectologic, una part de gramatica e conjugason basicas de l’occitan vivaroalpenc per sectors coërents de parlars dins la part alpenca francesa. 
 
E mai, despí lo començament dals ans 2000, membre de L’IEO e dal Felibrige (d’ans m’arriba d’obliar de mandar lo chèc mas...). Abonat a de revistas literàrias. 
 
De lecturas de far, per lo plaser e se cambiar las ideas encara. De correspondéncias d’entretenir, coma aquela. 
 
 
 
 
Revest Laurenç
Pr Certificat d’Occitan
Dr en Lingüistica
TZR 5 establiments
 
Collègis- Licèus de Gavotina
Per lo passat a Bersorèlh, actualament a Mentan, Ròcabruna e L’Escarea.