Opinion
Letra al jovent
Jovent, ai mai de 45 ans, soi pas pus jove a respècte de vosautres mas pas encara d'una edat avançada, e soi a chifrar sus çò qu'a aduch al Mond ma generacion. La d'abans la miá donèt un esperit de contèsta e de liberacion fàcia a l'òrdre social, e la que la precediguèt venquèt lo nazifaissisme. Los de mon edat, qu'avèm fach? S'escranquèron las dictaturas marxistas-leninistas mas, en luòga de prepausar un modèl de societat melhor, nos sèm acontentats de celebrar la victòria del capitalisme e del consumisme, qu'an destruch la vida e la convivéncia. Votèrem "òc" al Tractat de Maastricht de 1992 qu'instituissiá l'Union Europèa, mas sabèm ara que l'Euròpa qu'avèm volguda es pas res mai qu'un grand mercat qu'impausa pertot en nom de la "Concurréncia Liura e non Falsada" l'avaliment dels servicis publics e la competicion destruseira de l'umanitat.
En fin finala, sèm una generacion non solament inutila mas tanben malfasenta, que prepausa una alternativa messorguièra entre, d'un caire, l'ultraliberalisme autoritari e, d'autre caire, l'autoritarisme neofaissista.
Jovent, quin Mond vos daissam? Un Mond injust e perilhós. Nos demòra pas mai qu'onze ans per far la revolucion interiora que nos evitariá las consequéncias pus tragicas de la catastròfa planetària qu'avèm alestida.
Jovent d'Occitània, se voldretz manténer e mai desvolopar la lenga nòstra que, tròp timids o bensai tròp coards fàcia a las opressions, e tròp devesits a causa de nòstres egocentrismes, vos avèm mal transmesa? Se voldretz far lo país de justícia qu'avèm mancat?
Jovent de tota l'umanitat, vos vesi a començar de vos mobilizar per cambiar lo clima e doncas la societat: auretz lo coratge e la luciditat que nos an fach sofracha?
M'agradariá de vos demandar perdon pel Mond que vos avèm daissat, mas cresi que lo perdon servís pas a res se l'acompanha pas una conversion radicala.
Cambiem totes ensems per un autre Mond!
En fin finala, sèm una generacion non solament inutila mas tanben malfasenta, que prepausa una alternativa messorguièra entre, d'un caire, l'ultraliberalisme autoritari e, d'autre caire, l'autoritarisme neofaissista.
Jovent, quin Mond vos daissam? Un Mond injust e perilhós. Nos demòra pas mai qu'onze ans per far la revolucion interiora que nos evitariá las consequéncias pus tragicas de la catastròfa planetària qu'avèm alestida.
Jovent d'Occitània, se voldretz manténer e mai desvolopar la lenga nòstra que, tròp timids o bensai tròp coards fàcia a las opressions, e tròp devesits a causa de nòstres egocentrismes, vos avèm mal transmesa? Se voldretz far lo país de justícia qu'avèm mancat?
Jovent de tota l'umanitat, vos vesi a començar de vos mobilizar per cambiar lo clima e doncas la societat: auretz lo coratge e la luciditat que nos an fach sofracha?
M'agradariá de vos demandar perdon pel Mond que vos avèm daissat, mas cresi que lo perdon servís pas a res se l'acompanha pas una conversion radicala.
Cambiem totes ensems per un autre Mond!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés Gerard-Joan per aquel article, lo monde vai mau e que fam? Consumissem tant e mai sens se perpensar en seguent la zinzoinas dau liberalisme mortifer que mena tant d'oppressions e d'injustícia pertot, quora trobaram donc un vam noveu per far bancuolar aquela societat que 'basís lo clima, los ecosistemas, l'as bèstias e las quitas personas umanas?
Una psichoterapeuta disia a sos efants
D'accòrd, en tant que parents vos ai creat mai de problems que de bonas causas, mas aura que sem adultes quò es a vos de resoldre los problems que vos ai creats.
Qual poder avias, Joan Barcelo, de far una societat ideala? Te chaldria plusors vitas per las essaiar totas. Ses un esclau e l'esclau se revòlta que s'i a un model melhor qu'existe alhors. Ta generacion es la d'avant eran fascinadas per la tecnologia mas en an pas vist los inconvenius.
Que quò es un individu liure? Aquel que se contenta pas de segre los buòus mas de cerchar las causas de las causas e lo perqué dau perqué.
De l'error, aprenam, aceptam la e nos culpabilisam pas per çò qu'auriam degut far.A 45ans a l'ora ente l'òm pensa a se presentar a de las eleccions, l'òm a una experiença de mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari