Opinion
Esperit d'independéncia
Aquest 7 de junh, ma mairegrand pènegra auriá festejat sei 100 ans. Totjorn, admirarai son coratge quand li fauguèt defendre son comèrci en plena guèrra d'Argeria, au mieg dei violéncias jornadieras e de bombas, après la mòrt precòça de son marit fornier; ò quand, "repatriada" dins una pàtria qu'èra pas vertadièrament sieuna, aguèt de riscar sa vida coma obriera dins una usina de municions de Valença per se poder noirir amb lei sieus. Pasmens, siáu luench dei valors conservatritz catolicas d'aquela pichòta dòna qu'aimavi tant e oblidarai jamai, e sovent pensi ai dos fraires de mon pairegrand, dos comunistas que luchèron talament per l'independéncia argeriana que França leis empresonèt.
57 ans après l'independéncia, fa gaug de veire lo jovent argerian, tant arabi coma amazigh, a recobrar l'esperit d'independéncia, en obligant lo vièlh president a quitar lo poder e leis autoritats a recular. En seguissent Llach, "se tiram totes, vai tombar", çò canta Patric.
Maugrat mon estrambòrd deçauput per lo retorn dins la realitat, tanben aquel esperit d'independéncia i es encara en lei catalan·a·s, totjorn drechs fàcia a la repression espanhòla e lo silenci copable deis autoritats europèas. L'Union Europèa es ges la federacion qu'aparavi dins mon adolescéncia, es l'aliança cinica deis Estats que cèrcan sa pròpria conservacion, mai aqueu pòble fraire resistís, e o farà, ne siáu de tot en tot segur, fins a la victòria.
Alora, meis amics legeires, 200 ans après lo famós tablèu de Trumbull que celebrava la rompedura estatsunidenca amb l'empèri britanic, m'agradariá totplen que recobressiam nosautres pereu l'esperit d'independéncia, que diguessiam totei de non a l'opression qu'ofega pauc a cha pauc nòstra lenga, nòstra cultura, nòstre pòble. Unitat, projèctes comuns ambiciós, accion valenta!
Ò la mòrt.
57 ans après l'independéncia, fa gaug de veire lo jovent argerian, tant arabi coma amazigh, a recobrar l'esperit d'independéncia, en obligant lo vièlh president a quitar lo poder e leis autoritats a recular. En seguissent Llach, "se tiram totes, vai tombar", çò canta Patric.
Maugrat mon estrambòrd deçauput per lo retorn dins la realitat, tanben aquel esperit d'independéncia i es encara en lei catalan·a·s, totjorn drechs fàcia a la repression espanhòla e lo silenci copable deis autoritats europèas. L'Union Europèa es ges la federacion qu'aparavi dins mon adolescéncia, es l'aliança cinica deis Estats que cèrcan sa pròpria conservacion, mai aqueu pòble fraire resistís, e o farà, ne siáu de tot en tot segur, fins a la victòria.
Alora, meis amics legeires, 200 ans après lo famós tablèu de Trumbull que celebrava la rompedura estatsunidenca amb l'empèri britanic, m'agradariá totplen que recobressiam nosautres pereu l'esperit d'independéncia, que diguessiam totei de non a l'opression qu'ofega pauc a cha pauc nòstra lenga, nòstra cultura, nòstre pòble. Unitat, projèctes comuns ambiciós, accion valenta!
Ò la mòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Crese ben que G-J B vai regde e ben segre vòstres conselhs avisats, se vei que setz un fin psicològ, conselhs qu'a pas demandat mas aürosadament que setz 'quí, mercés beucòp per se.
Per m'inspirar l'esperit d'independéncia, mai m'agrada de contemplar, voluptuosament, la proclamacion de la Republica Catalana de 1936, amb son governament del pòble, mercés al pòble e en favor del pòble definit per sa lenga assumida.
Avètz vist un pauc lo morre dels "independentistas amaricans" de l'òbra de Trumbull ?
Mai de la mitat i deu èsser racista e esclavagista (emplegants los exiliats de la pèl negra) e totes , es clar, son rentdièrs d'unas proprietats productivas que confiscan los beneficis a los que i trabalhan coma salariats espelitats.
Èsser indendependents sense o èsser tanben del capitalisme me sembla tant realista coma de sortir de l'aiga tot sec. E son pas los dos fraires del pairegrand de l'autor de l'artcile que m'i aurián contradit, e mai ieu non posqui sofrir l'autoritarisme comunista tanpauc. Tèrra e libertat !
L’esperit d’independencia… illustrat pel tablèu del pintor John Trumbull, I a quicòm que truca :
La tèla de John Trumbull es la votacion de l’independencia dels USA que faguèron secession de la granda bretanha en 1776 per fargar los etats unids d’america.
Aquèla secession fuguèc en causa de las fòrtas taxas qu’avian estadas votada per lo parlament britanic a l’encontra d’aquelas 13 novèlas colonias.
Es clarament un istòria de taxas qu’encaminèron las novèlas colònias de far secession. Sens las taxas cap de secession !
L’esperit d’independencia es reduzit al porta moneda !
Occitània a escapat, malastrudament benlèu, a-n-aquel proces d’independencia endralhat per las taxas. Vèire la mapa de la “gabelle” jos l’ancian regim ont una magèr part d’occitània a una “gabelle” reduzida. De qu’una auria estada la destinada nòstra s’aviam pagat lo pretz Fòrt ?
Ieu, comprene qu'a reçaubut belcòp de traumatisme dins tas jòunas annadas, d'autant mai fòrtas que sembla, que z'a pas viscut directament mas quò t'es estat contat.
Aura, chau z'aceptar; chau pas lo ruminar tota ta vista ni apres ta mòrt. Aceptar e perdonar vòl pas dire que chau tolerar las injustiças, las violenças mas prener consciença qu'i podia ren, quò aparten a las generacions d'avant pas a te. Quò te brolha las idéias. I a de las paurs que naissan dins ta testa. En parlar, te fai dau ben.
A chausir d'escriure en occitan mas tot lo temps tòrnas a l'arabi, l'amazigh o lo catalan e daissas l'occitan. I a aqui un problem que comprena pas. Devria i reflechir un pauç mai.
Paralr de tot aquò es un bon camin per te liberar te; A pas de poder sur la liberacion daus autres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari