Opinion
"Aürós aquelei qu'an fam e set de justícia perque se sadolaràn"
Sovent, legissi lo Presic de la Montanha, entre lei capítols 5 e 7 de l'Evangèli de Matieu. Coma o sabètz ben, aqueu discors, onte l'evangelista vouguèt condensar l'ensenhament de Jèsus, es au centre de l'etica crestiana, e un de mei versets favorits es aquest: "Aürós aquelei qu'an fam e set de justícia perque se sadolaràn". Quand me gachan la lassiera e la tristor, i torni per i posar vam e encoratjament.
Curdes abandonats a la barbariá, argerians que volètz tombar lo regim, indigènas bolivians qu'avètz recobrat la dignitat mai crenhètz lo revenge racista e reaccionari, palestinians que vesètz vòstre espaci chasque jorn pus reduch, catalans que volètz decidir vòstre endevenidor, cresents ò non-cresents secutats per vòstreis opinions, omosexuaus e transgenres encara mespresats ò en perilh de mòrt, femnas consideradas coma minoritat negligibla, paures en cèrca d'una decéncia raubada per l'arrogància de quauqueis unei, totei lei pòbles e totei lei personas que fugissètz lei tròp umanei bombas e desastres mai qu'avètz fam e set de justícia, un jorn vos sadolaretz.
E tu pereu, occitan·a que non creses pus que ren pòsque cambiar per ta lenga, per ta cultura, per ton país, umiliats per de poténcias estrangieras que se pensan autorizadas de saupre çò qu'es bòn ò marrit per tu: Dieu garde, non te resignes pas!
Non mendiques pas de brigas d'aqueu que se pretend ton mèstre. Sías ton mèstre se vòles que se repare l'injustícia. Se, chasque jorn, milites per la reparacion istorica de l'avaliment programat de ton èstre, de justícia te sadolaràs.
Curdes abandonats a la barbariá, argerians que volètz tombar lo regim, indigènas bolivians qu'avètz recobrat la dignitat mai crenhètz lo revenge racista e reaccionari, palestinians que vesètz vòstre espaci chasque jorn pus reduch, catalans que volètz decidir vòstre endevenidor, cresents ò non-cresents secutats per vòstreis opinions, omosexuaus e transgenres encara mespresats ò en perilh de mòrt, femnas consideradas coma minoritat negligibla, paures en cèrca d'una decéncia raubada per l'arrogància de quauqueis unei, totei lei pòbles e totei lei personas que fugissètz lei tròp umanei bombas e desastres mai qu'avètz fam e set de justícia, un jorn vos sadolaretz.
E tu pereu, occitan·a que non creses pus que ren pòsque cambiar per ta lenga, per ta cultura, per ton país, umiliats per de poténcias estrangieras que se pensan autorizadas de saupre çò qu'es bòn ò marrit per tu: Dieu garde, non te resignes pas!
Non mendiques pas de brigas d'aqueu que se pretend ton mèstre. Sías ton mèstre se vòles que se repare l'injustícia. Se, chasque jorn, milites per la reparacion istorica de l'avaliment programat de ton èstre, de justícia te sadolaràs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueles qu'an fam e set de justicia se sadolaran... un cop que seran morts e qu'agandiran dins un "endacom mai" que se sona lo Paradis. Es tot lo problèma del crestianism que promèt que deman om rasa gratis, en un deman ipotetic situat al-delai d'aquesta vida. Polida intox qu'a de longa grandament ajudat los poders en plaça a plan manténer lor bestial. Fagatz-vos pas de marrida sang se vos prenem tot, perque "un jorn" sètz vosautres qu'o aurètz tot, alara en esperant aquel jorn qu'arribarà quand las galinas auran de dents e/o que serètz morts, daissatz-nos gausir e aprofiechar quietosament de tot ço que vos avem raubat e que contunham plan-planèt de vos raubar. Eficacitat garantida, e las vacas demoran plan gardadas, de Constantin a Macron en passant per Sant Loïs e Trump !
#6 La vision crestiana catara d'aquste mond es totala revòlta e indignacion.
Le crestianisme es una religion de consolacion.
L'òrdre promis del rèire-mond serà al revèrs del sus tèrra, e le justifica aital
al uncòp.
Aquella faula josiva desactiva indignacion e revòlta...
#3 As rason de me dire qu'ai massacrat lo nom de Joan Barcelo. I bòta pas d'accent perque es pas lo caractera "o" emben l'accent. Merci de me l'aver fach remarcar. L'ai pas far expres. Tòrna legir quatre o cinc còps çò qu'ai escrich e pertant i a totjorn de las fautas d'ortografe o d'etordaria.
Dieu non garda pas res, se que non lo silenci. Non es mèrte d'aqueste mond. Aqueste mond es sense Dieu. Contra l'injustíca, avèm sonque la luta e la dignitat. Res jamai non davalarà pas del cèl. Çò que tendrem, l'anarem quèrrer.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari