Benlèu aprendretz que quand navigatz sus Internet vòstre navigador envia una lista de paramètres tocant vòstra configuracion. Un dels paramètres qu’es enviat es la lista triada de vòstras preferéncias lingüisticas. En personalizant lo navigador podètz indicar totas las lengas que volètz legir sus Internet e las ordenar. Los sites recebon aquestas informacions, çò que permet per exemple de botar lo site dins la lenga del vesitaire sens qu’age a far res. Uèi los sites mai complèxes utilizan çò qu’òm apèla de bibliotècas de foncions. Mantunas concernisson las datas. Pòt arribar qu’un site siasque tot en anglés mas que la data dels articles o comentaris se bòta en occitan per que la bibliotèca utilizada prepausa nòstra lenga.
 
Uèi vos prepausi d’ensajar un servici, qu’es desvolopament meu, per saber se vòstre navigador es ben configurat per demandar l’occitan.
 
S’es pas lo cas i a d’explicacions per cambiar lo paramètre.
 
Vaquí l’adreça: www.mejans.fr/aisinas/verificador
 
Utilizatz los comentaris d’aqueste article per prepausar de melhoraments!