Opinion
Lo virus rei e la revolucion
Estranha epòca nòstra. Un virus es coronat e sembla d'èsser lo rei del Mond. Una creatura microscopica, que sabèm pas clarament s'es viva o non, capvira nòstras costumas jornadièras, tomba las economias mai fòrtas, separa las familhas e las amistats, virtualiza nòstras comunicacions, redutz al non-res nòstre besonh de contactes fisics e de vida sociala.
La revolucion que pareissiá impossibla a nòstres esperits resignats, la provòca un microorganisme que sa sola ideologia es de se reproduire a partir de nòstras cellulas umanas.Se barra las frontièras e los dirigents mai liberals se tresmudan en partisans de l'intervencionisme estatal.
Confinat coma totes mos compatriòtas occitans, cresi qu'aquel minusculeton virus sobeiran dona rason a las mespresadas idèas de qualques unes. Lo capitalisme pòrta lo caos, amb sa filha la mondializacion liberala, e las gestions fin finala pietadosas de l'epidemia per Roma, París e Madrid, nos convidan a pensar a nòstre espaci que d'unes voldriam senhorejar. Voldriam decidir un modèl economic just mas sòbri, sostenible e duradís. Nos voldriam governar, e non pas que nos governèsson de poténcias qu'en realitat nos pòdon pas comprene perque nos an volgut anequelir. Mentre que los dirigents dels estats fan vejaire de se trachar dels desfises urgents que menaçan l'existéncia de la vida, los cambiaments environamentals, economics e socials los volèm aicí e ara, dins nòstre uèi que se vòl un deman possible.
Jamai, cada matin, non aviái ausit a cantar tan clar los aucèls.
La revolucion que pareissiá impossibla a nòstres esperits resignats, la provòca un microorganisme que sa sola ideologia es de se reproduire a partir de nòstras cellulas umanas.Se barra las frontièras e los dirigents mai liberals se tresmudan en partisans de l'intervencionisme estatal.
Confinat coma totes mos compatriòtas occitans, cresi qu'aquel minusculeton virus sobeiran dona rason a las mespresadas idèas de qualques unes. Lo capitalisme pòrta lo caos, amb sa filha la mondializacion liberala, e las gestions fin finala pietadosas de l'epidemia per Roma, París e Madrid, nos convidan a pensar a nòstre espaci que d'unes voldriam senhorejar. Voldriam decidir un modèl economic just mas sòbri, sostenible e duradís. Nos voldriam governar, e non pas que nos governèsson de poténcias qu'en realitat nos pòdon pas comprene perque nos an volgut anequelir. Mentre que los dirigents dels estats fan vejaire de se trachar dels desfises urgents que menaçan l'existéncia de la vida, los cambiaments environamentals, economics e socials los volèm aicí e ara, dins nòstre uèi que se vòl un deman possible.
Jamai, cada matin, non aviái ausit a cantar tan clar los aucèls.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se barra las frontièras e los dirigents mai liberals se tresmudan en partisans de l'intervencionisme estatal. Òc ben. Mas… las intervencions de l'estat, per ajudar las entrepresas, amb quin argent las pagarà ? Cal far pagar los jogaires de casino qu'escomesan en borsa sòmas faraonicas presas a l'economia reala, la dels nòstres trabalhs, per especular en borsa. Quand ganhan, tot çò ganhat es per eles. Quand pèrdon, es a nosautres — "los estats" — de pagar. Aquela engéncia parasitica deu èsser politicament neutralizada, se volèm restaurar la centralitat de l'uman dins las consideracions politicas… Un virusrei ? Per véncer l'argent-rei ? Perqué non ?
#1 E tanben racista pr'amor que vòl pas anar en Africa
Es un virus capitalista ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari