Opinion
I a quicòm que truca
Aqueste coronavirus nos fa una confirmacion bèla: i a quicòm que truca dins l’anar de nòstre monde. Ja començaviam de compréner que lo biais de nòstra economia ruina la natura. Ara amb aqueste virus pro michantàs, (de que serià estat amb la pesta?) mesuram que nòstra organizacion va de guingòi. Veire lo governament organizar a la desesperada un pont aerian de China per faire venir de masquetas d’una tecnologia de patin patan pas res, e que sabèm pas pus fargar! E ges d’estòc. Un dels paradigmas de nòstra economia es la destruccion dels estòcs: immobilizar de capital, una abominacion! Lo rafinat es l’organizacion a “flux tendut” en bon latinoccitan. Aquò postula que i a pas ges de problèma. O meravilha de l’organizacion competitiva avèm pas de masquetas, mancan de potingas e de respiradors. Tots fargats endacòm. L’autre paradigma que ditz tot de la mesura de “l’utilitat” dins nòstre monde es donat per la Borsa e los salaris d’aqueles ‘traders’ que fan en milisegondas. Aquí tanben una cima de la competicion competitiva. E de nos faire de rasonaments sus l’intelligéncia quasi divenca dau Mercat. Escambiar d’accions en milisegondas! Aquí ges de sens e pasmens pagat a milions. Imaginatz a costat d’aquò lo ridicul de se mainar de masquetas de papièr. Fotudas milisegondas!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 soi plan d'acòrdi amb ta remarca, Manu !
#2 Es domatge de pas aver lo nom de las personas que quichan per malnotar un article o un comentari (e quant de còps quichan!). Mas se sap plan qu'internet es pas un zòna de coratge e d'accion a cara descobèrta (malgrat lo risc 0 de trapar lo COVID-19 per aqueste biais).
Encara un còp, non compreni cossí se pòt far qu'un articlòt aital siá notat tant malament per, l'ora d'ara, ja 29 vòtes. A mon punt de vista, J.L. Blenet a un enemic qu'a de temps a pèrdre demèst los lectors del Jornalet…
E tot aquò ambe "l'intelligéncia quasi divenca" de Macron e de la macronalha !
Defòra aqueste còla d'incapables, als òrdres del Mercat e dels Rothschilds !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari