Opinion
Signes d’espèr
Avís de cambiaments per la lenga nòstra.
De segur sèm encara dins lo trauc a luchar “contra suberna” e per la part màger dels decidèires, avem pas ges de futur.
Pasmens, pasmens, qualques signes fan vesidor un cambiament prigond de vejaire per l’occitan. Es un movement lent que se fa dempuèi qualquas annadas.
La jornada d’accion dau collectiu Per Que Viscan Nòstras Lengas capitèt plan. En resson d’aquesta, lo Francis Cabrel diguèt son sosten a Antenne 2 e lo tornèt afortir dins los medias. Per un còp un apuech net d’una vedeta.
Un autre signe mai espantant ven dau sénher Tirole, lo Nobel francés de l’economia. Bailejèt lo trabalh d’una còla d’especialistas dau gròs grun per pensar l’avenidor de Tolosa plan pertocada qu’es per la crisi de l’avion. Aquesta còla saberuda menada per lo “pontife” de l’economia sortiguèt un plan de 11 punts. Figuratz-vos qu’un d’aquestes es “Valorizar la lenga e la cultura occitana”. Sens èstre “tirolatre” vaquí un avís que tinda diferentament de çò qu’ausissèm de longa dels politics e directors d’administracion.
Autre ventolet benvengut: l’enquèsta menada per l’OPLO (Ofici Public de la Lenga Occitana) per las 2 Regions, Occitània e Aquitània Novèla. 92% de la populacion vei favorablament la lenga-cultura occitana e son a 80% per mai d’accion publica per lor donar d’avenidor. E òi, 80% es un brave nivèl!
Vaquí de lusidas d’espèr dins la negra lucha que nos mena lo Blanquer, lo sinistre de la diversitat. E un pauc de vent dins la vela occitana.
De segur sèm encara dins lo trauc a luchar “contra suberna” e per la part màger dels decidèires, avem pas ges de futur.
Pasmens, pasmens, qualques signes fan vesidor un cambiament prigond de vejaire per l’occitan. Es un movement lent que se fa dempuèi qualquas annadas.
La jornada d’accion dau collectiu Per Que Viscan Nòstras Lengas capitèt plan. En resson d’aquesta, lo Francis Cabrel diguèt son sosten a Antenne 2 e lo tornèt afortir dins los medias. Per un còp un apuech net d’una vedeta.
Un autre signe mai espantant ven dau sénher Tirole, lo Nobel francés de l’economia. Bailejèt lo trabalh d’una còla d’especialistas dau gròs grun per pensar l’avenidor de Tolosa plan pertocada qu’es per la crisi de l’avion. Aquesta còla saberuda menada per lo “pontife” de l’economia sortiguèt un plan de 11 punts. Figuratz-vos qu’un d’aquestes es “Valorizar la lenga e la cultura occitana”. Sens èstre “tirolatre” vaquí un avís que tinda diferentament de çò qu’ausissèm de longa dels politics e directors d’administracion.
Autre ventolet benvengut: l’enquèsta menada per l’OPLO (Ofici Public de la Lenga Occitana) per las 2 Regions, Occitània e Aquitània Novèla. 92% de la populacion vei favorablament la lenga-cultura occitana e son a 80% per mai d’accion publica per lor donar d’avenidor. E òi, 80% es un brave nivèl!
Vaquí de lusidas d’espèr dins la negra lucha que nos mena lo Blanquer, lo sinistre de la diversitat. E un pauc de vent dins la vela occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés per aqueste article positiu coma ne manca.
#1 I a un responsable de la cultura occitana dins la còla comunala mondina, e mai una encargada de mission. Seriá a eles dos que revendriá d'indicar lo contengut a pauc près exacte e complet, al plan cultural, per defugir santisosament lo fotedor ridicul que comentas amb una páur plan justificada, Manu.
Enfin… me sembla.
A prepaus del rapòrt Tirole, i a encara un trabalh d'informacion (formacion? alfabetizacion?) de far.
Ai pas agut accès al rapòrt mas los medias an comprés. Res sus la lenga, e un costat folklorizacion-museïficacion. Es plan dich dins "le journal toulousain": "Rugby et cassoulet : des atouts pour rayonner" e mai luènh " À savoir la culture occitane [...] une tradition du « bien manger » et du « bien-vivre »[...] un musée du rugby ou d’un « Puy du Fou occitan » visant à promouvoir la culture régionale" (ai paur!).
Mas efectivament nos podèm regaudir qu'un capitalista a l'anciana (amai cargat del Prèmi Nobèl!) s'interèsse a [çò que s'imagina conéisser de] la cultura occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari