Opinion
Comptar los ases
Sèm en temps esperlongat d’eleccions.
De municipalas longas coma jamai, en septembre las senatorialas, e ara s’aprestan las futuras regionalas e departamentalas, abans-tast dau plat principau: la presidenciala.
Dins l’opinion s’es generalizada pauc a cha pauc l’identificacion del vòte amb la democracia. L’eleccion per totes dau president butèt fòrça per aquò. Es pasmens una vision terriblament reductriça de la democracia.
Lo vòte es sonque una procedura d’arbitratge per trencar una question o designar qualqu’un quora i a pas , o que i a pas pus, de possibilitat d’acòrdi.
Votar es comptar los ases. Del costat que n’i a un de mai, son decretats cavals de corsa, felicitats, onorats: son los ganhaires e per aquò an rason e son intelligents.
Evidentament aquesta operacion magica càmbia pas la natura dau bestial: demòran çò qu’èran e l’istòria o mòstra plan. Mas la magia d’aquel cambiament subte, d’un costat lo poder tot, de l’autre l’amarum de la desfacha, aquesta magia ajuda a la mitificacion e a l’identificacion del vòte amb la democracia.
Lo vòte es jamai la garentida de la bona causida. Es un “pis-aller” per evitar la guèrra. Es pas mediòcre e au contrari indispensable.
Mas redusir la democracia au vòte es coma redusir un match a l’arbitre. Segur que sens el lo jòc es impossible.
Mas 1000 arbitres fan pas un mach e 1000 vòtes una democracia.
La democracia es un jòc plan complèxe de contraris en convivéncia.
E mens i a de còps de siblet melhor es lo mach.
De municipalas longas coma jamai, en septembre las senatorialas, e ara s’aprestan las futuras regionalas e departamentalas, abans-tast dau plat principau: la presidenciala.
Dins l’opinion s’es generalizada pauc a cha pauc l’identificacion del vòte amb la democracia. L’eleccion per totes dau president butèt fòrça per aquò. Es pasmens una vision terriblament reductriça de la democracia.
Lo vòte es sonque una procedura d’arbitratge per trencar una question o designar qualqu’un quora i a pas , o que i a pas pus, de possibilitat d’acòrdi.
Votar es comptar los ases. Del costat que n’i a un de mai, son decretats cavals de corsa, felicitats, onorats: son los ganhaires e per aquò an rason e son intelligents.
Evidentament aquesta operacion magica càmbia pas la natura dau bestial: demòran çò qu’èran e l’istòria o mòstra plan. Mas la magia d’aquel cambiament subte, d’un costat lo poder tot, de l’autre l’amarum de la desfacha, aquesta magia ajuda a la mitificacion e a l’identificacion del vòte amb la democracia.
Lo vòte es jamai la garentida de la bona causida. Es un “pis-aller” per evitar la guèrra. Es pas mediòcre e au contrari indispensable.
Mas redusir la democracia au vòte es coma redusir un match a l’arbitre. Segur que sens el lo jòc es impossible.
Mas 1000 arbitres fan pas un mach e 1000 vòtes una democracia.
La democracia es un jòc plan complèxe de contraris en convivéncia.
E mens i a de còps de siblet melhor es lo mach.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Soi d'acòrdi dambe aqueste comentari e soi content de véser lo tèma abordat, es fòrça rare, cau mercejar Joan-Loís.
Jo disi tanben en resumit qu'am pas "lo dret de vòte" mes qu'am "lo dret d'elegir". Es pas la medisha causa. De soscar.
"Dins l’opinion s’es generalizada pauc a cha pauc l’identificacion del vòte amb la democracia. L’eleccion per totes dau president butèt fòrça per aquò. Es pasmens una vision terriblament reductriça de la democracia." Efectivament : la democracia, es quand lo pòble redigís puèi vòta las leis, e non pas quand vòta per d'arlandièrs que pretendràn sempre los representar abans, lo mai clar del temps, de los traïr (es a dire, dins lo verbiatge, "de concedir d'un biais realista"…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari