Opinion
Ponch de toponimia
Un ponch de toponimia interessant quora lo Comtat de Provenca va a l’Ostal d’Anjau (1245-1481): “Teniers” ( o Teniá?)
A son arribaa Charles Ier d’Anjau mete fin a la granda Bailia d’Otra Sianha creaa per la reorganizacion dal territòri per los Comtes de Barcelona en 1234. Dintre aqueu redecopatge naisse la bailia de Teniers, eiretaa de la zòna de populacion dals Ectini, que Guilhèrmes ne’n deven lo capluec en 1245.
A aquesta epòca, la populacion de Guilhèrmes èra ja ben importanta en veire los dos principals impòstes: l’alberga e la cavalcaa, qu’adicionaas representava fins a 8 liuras (la glèisa parroquiala de Sant Estève es fondaa e mencionaa en 1305).
La vila relèva directament de la sobeiranetat dau Comte de Provença e beneficia lèu dau regime comunal, amb un Conselh, elegit annualament, e dirigit per de Cònsols.
Guilhèrmes s’es lèu desvelopaa au sègle XIIIen, e va continuar doncas quora deven capluec de baillia de Teniers, bailia segondària dependenta d’aquela de Niça.
En 1264, la bailia passa de segondària a principala. Puèi, en 1325, sota lo Rei Robert, es promaugüa au títol de vigaria.
Sota lo rèine de la Rèina Joana (1343-1382), en 1344-45, Guilhèrmes perde son ròtle administratiu. Poget deven capluec de la bailia de Teniers, prenent alora lo nom dau Poget Teniers (Lo Poget Teniers, diferenciat dau Poget (de) Rostanh).
Rèsta un dobte de saber se la forma possible seria pas tanben “Teniá” qu’a l’oral se ditz /te’nje/. Forma /ti’njo/ en l’actuala valaa de Tiniá (en lo val d’Entraunas disèm Tinèa).
A son arribaa Charles Ier d’Anjau mete fin a la granda Bailia d’Otra Sianha creaa per la reorganizacion dal territòri per los Comtes de Barcelona en 1234. Dintre aqueu redecopatge naisse la bailia de Teniers, eiretaa de la zòna de populacion dals Ectini, que Guilhèrmes ne’n deven lo capluec en 1245.
A aquesta epòca, la populacion de Guilhèrmes èra ja ben importanta en veire los dos principals impòstes: l’alberga e la cavalcaa, qu’adicionaas representava fins a 8 liuras (la glèisa parroquiala de Sant Estève es fondaa e mencionaa en 1305).
La vila relèva directament de la sobeiranetat dau Comte de Provença e beneficia lèu dau regime comunal, amb un Conselh, elegit annualament, e dirigit per de Cònsols.
Guilhèrmes s’es lèu desvelopaa au sègle XIIIen, e va continuar doncas quora deven capluec de baillia de Teniers, bailia segondària dependenta d’aquela de Niça.
En 1264, la bailia passa de segondària a principala. Puèi, en 1325, sota lo Rei Robert, es promaugüa au títol de vigaria.
Sota lo rèine de la Rèina Joana (1343-1382), en 1344-45, Guilhèrmes perde son ròtle administratiu. Poget deven capluec de la bailia de Teniers, prenent alora lo nom dau Poget Teniers (Lo Poget Teniers, diferenciat dau Poget (de) Rostanh).
Rèsta un dobte de saber se la forma possible seria pas tanben “Teniá” qu’a l’oral se ditz /te’nje/. Forma /ti’njo/ en l’actuala valaa de Tiniá (en lo val d’Entraunas disèm Tinèa).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari