Opinion
Violéncias
Pendent las manifestacions quora vesi quauques policièrs tusta que tustaràs, me demandi s’aquela violéncia lor ven del dedins o del defòra? De la cervèla o de la tenguda?
Pòt arribar que de policièrs en tenguda manquèsson de tenguda. Pensi qu’es necite de l’aremplaçar per la tenguda Petaçon. Passar del negre als petaces mirgalhats. En plaça del casco para-tust amb visièra monta-davala lor cal la masqueta de Carnaval. N’acabar amb la matraca, la maçuga e passar al fifre. E fa del bloquièr una cimbala, del pistolet, una carabena. Del còp, Policièrs del Mantenh de l’Ordre, P.M.O. que se ditz, vendrián Petassons Musicaires Oficials!
Los camions canonaires d’aiga plaça laissarián als camions sarbacanaires de confètis! S’escampariá pas pus de granadas tuairas mas de bolas de farina. Los gases escanaires vendrián de fuòcs d’artificis. Manifestants e policièrs petassons farián del carnaval una fèsta nacionala!
Jos la tenguda, la cervèla. Dintrar dins una cervèla d’un policièr escanaire es coma cercar de nièiras a un chin. A l’ostal, espandit sus un canapè, aferrat a calinejar son amiga policièra, las cervèlas dels dos policièrs son pausadissas, amorosas.
Arribat a la casèrna l’òme o la femna; la tenguda cargada, ven policièr o policièra. Del còp, la cervèla molina. Una cervèla que molina soleta passa mas trenta cervèlas ensistemadas... que molinon, esquichadas dins un forgon, non solament molinan mas remolinan!
Un còp dins la carrièra, aquí al mièg de la manifestacion , al jòc del avança-recuola, sarradas las unas contra los autras las cervèlas s’escaufan, la muta s’agarrís. E butadas pel sistèm las cervèlas bolisson! Es aquí que los pòrta-cervèlas s’enfuocan e fan fuòc. E venon bèstias.
Passan d’òmes a chins, de femnas a chinas. Mòstran las dents... Es bèstia d’o dire mas venon mai bèstias que las bèstias: mossigan, estripan,escanan... als Estats-Units coma en França! Del Jòrdi Floyd al Miquèl Zeler e ne’n passi!
Fin finala, es que per luchar contra las violéncias de quauques policièrs caldriá pas passar a la tenguda minimalista: policièrs amb just lo parafuèlha e policièras en biquini? Podèm pensar qu’alara los “Blacks blòcs” a luòga de brutlar de botigas, atubarián lo fuòc de l’amor!
Tusta que tustaràs,
Tabanàs demoraràs!
Pòt arribar que de policièrs en tenguda manquèsson de tenguda. Pensi qu’es necite de l’aremplaçar per la tenguda Petaçon. Passar del negre als petaces mirgalhats. En plaça del casco para-tust amb visièra monta-davala lor cal la masqueta de Carnaval. N’acabar amb la matraca, la maçuga e passar al fifre. E fa del bloquièr una cimbala, del pistolet, una carabena. Del còp, Policièrs del Mantenh de l’Ordre, P.M.O. que se ditz, vendrián Petassons Musicaires Oficials!
Los camions canonaires d’aiga plaça laissarián als camions sarbacanaires de confètis! S’escampariá pas pus de granadas tuairas mas de bolas de farina. Los gases escanaires vendrián de fuòcs d’artificis. Manifestants e policièrs petassons farián del carnaval una fèsta nacionala!
Jos la tenguda, la cervèla. Dintrar dins una cervèla d’un policièr escanaire es coma cercar de nièiras a un chin. A l’ostal, espandit sus un canapè, aferrat a calinejar son amiga policièra, las cervèlas dels dos policièrs son pausadissas, amorosas.
Arribat a la casèrna l’òme o la femna; la tenguda cargada, ven policièr o policièra. Del còp, la cervèla molina. Una cervèla que molina soleta passa mas trenta cervèlas ensistemadas... que molinon, esquichadas dins un forgon, non solament molinan mas remolinan!
Un còp dins la carrièra, aquí al mièg de la manifestacion , al jòc del avança-recuola, sarradas las unas contra los autras las cervèlas s’escaufan, la muta s’agarrís. E butadas pel sistèm las cervèlas bolisson! Es aquí que los pòrta-cervèlas s’enfuocan e fan fuòc. E venon bèstias.
Passan d’òmes a chins, de femnas a chinas. Mòstran las dents... Es bèstia d’o dire mas venon mai bèstias que las bèstias: mossigan, estripan,escanan... als Estats-Units coma en França! Del Jòrdi Floyd al Miquèl Zeler e ne’n passi!
Fin finala, es que per luchar contra las violéncias de quauques policièrs caldriá pas passar a la tenguda minimalista: policièrs amb just lo parafuèlha e policièras en biquini? Podèm pensar qu’alara los “Blacks blòcs” a luòga de brutlar de botigas, atubarián lo fuòc de l’amor!
Tusta que tustaràs,
Tabanàs demoraràs!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pro d'aqueras visions selectivas: e son eths policièrs eths sols a trucar ? Ei Jornalet bòrni ????
Aquò de la "violénciias policièras" me fa soscar a aqueles verses de Pier Paolo Pasolini :
"Io, simpattizzavo coi poliziotti
perquè i poliziotti sono figli di poveri
vengono di periferie, contadine o urbani"
Ieu tanben, m'agradan mai los policièrs que :
- Macron e la macronalha que se trufa del pòble, utiliza la violéncia contra los gilets jaunes, defend los ricasses e fa pagar los pobres e que favoriza sonque los autoproclamats " premiers de cordée' e las bancas.
-Melenchón lo milionari (ai pogut o constatar de visu coma ancian emplegat dels impòstes) mespresant e racista envers los occitans (véser sa responsa a una jornalista tolosenca), que a viscut sonque de la politica.
Coma Joan Bodon e PPP, ieu soi del costat de los que Macron sona "ceux qui ne sont rien" (sic).
Un policier mesme si quò es una femna, fai la mesma causa qu'un salariat : obeit aus ordres de son patron. Desobeit pòd lo menar plan long: blame, exclusion dau corps policier, e mesme condamnacion. E, a una familha a nurir.
La prumiera causa quand l'òm deven policier o militari es l'obeissença. I a pas de plaça per la desobeissença si avetz daus estats d'amas o daus estas d'esser.
E, si los jornalistes desobeissian aus òrdres, e si los ensenhaires refusavan d'obeir aus ordres, e si los medecins e professors daus ospitaus refusavan d'obeir aus ordres e si chacun refusavan de se far vaccinar,
alaidonc danseriam la carmanhola perque arribaria l'atge d'aur.
çò qu'arrieba aus policiers es la mesma causa que çò qu'arieba a tot un chacun. Mas volm pas zo veire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari